أنسب جنط للسيفيك الجديدة ؟

**NaBeLeOn** · 29-07-2008 06:30 AM

نويت ان شاء الله بعد ما خلصت امتحانات أخيرا أفوق بقى للعربية شوية عشان من ساعة الاستلام فى شهر 4 اللى فات و هى مظلومة جدا جدا بصراحة لدرجة ان كل اللى اتحط فيها دواسات فقط لا غير !

عموما ندخل فى الموضوع .. بالنسبة للجنوط لان دى اهم أولوية عندى حاليا .. نصيحتكم بالنسبة للجنوط من الألف للياء .. يعني المقاس و المادة المصنوع منها و اللون و المكان اللى أجيب منه " هلى بورسعيد أحسن فعلا ؟ مع الاخذ فى الاعتبار انه كله سفر بالنسبة ليا سواء القاهرة أو بورسعيد فا مش فارقة معايا " و تغيير الكاوتش ان استدعى الأمر

و اذا اى حد عنده اى اقتراحات تانية لاى كماليات غير الجنوط يعني أكون شاكر جدا طبعا

**CosmicOne** · 29-07-2008 09:20 AM

Civic accepts 16" and 17" but in El Tawkel they told me it's better to be 16" coz 17" is not good for road bumps.

for the 16" the tires should be 205/55 & i recommend Bridgstone Turanza GR-80

**mshamy** · 29-07-2008 10:48 AM

رغم اني بورسعيدي إلا اني لما حبيت أجنط سافرت القاهره علشان فرق السعر كان في حدود 200-300 جنيه في الطقم ساعتها و اللي عرفته ان تجار بورسعيد بيشتروا من المستورد في القاهره ...أعتقد أن السوق في القاهره أكبر و العرض حيكون متوفر بصوره أفضل من بورسعيد

المشاركة الأصلية كتبت بواسطة NaBeLeOn

نويت ان شاء الله بعد ما خلصت امتحانات أخيرا أفوق بقى للعربية شوية عشان من ساعة الاستلام فى شهر 4 اللى فات و هى مظلومة جدا جدا بصراحة لدرجة ان كل اللى اتحط فيها دواسات فقط لا غير !

عموما ندخل فى الموضوع .. بالنسبة للجنوط لان دى اهم أولوية عندى حاليا .. نصيحتكم بالنسبة للجنوط من الألف للياء .. يعني المقاس و المادة المصنوع منها و اللون و المكان اللى أجيب منه " هلى بورسعيد أحسن فعلا ؟ مع الاخذ فى الاعتبار انه كله سفر بالنسبة ليا سواء القاهرة أو بورسعيد فا مش فارقة معايا " و تغيير الكاوتش ان استدعى الأمر

و اذا اى حد عنده اى اقتراحات تانية لاى كماليات غير الجنوط يعني أكون شاكر جدا طبعا

**م/محمد صلاح** · 30-07-2008 11:08 AM

شوف يا نابيليون بصراحه العفشه بتاعت العربيه مش ناقصه نشفان هى ناشفه لوحدها وكل ماهتزود الجنط هاتنشف العفشه اكتر خليك فى ال 15 زى مانا عملت علشان مش هاتبقى مبسوط من العفشه لو ركب معاك حد تقيل ورا

اما بالنسبه للتظبيط فانت جيتلى وماحدش سما عليك

عنك سبويلر بلمبة ستوب وده من بور سعيد ب 600 جنيه
عندك كمان المرايات بالاشارات ب 750

واديها بقه فوجات ولو حابب ابقى ركب البودى كيت من بور سعيد برضه بس خلى بالك هاتوطيلك العربيه سنه صغيره

**Kamal-1** · 31-07-2008 10:17 AM

المشاركة الأصلية كتبت بواسطة MiMo

شوف يا نابيليون بصراحه العفشه بتاعت العربيه مش ناقصه نشفان هى ناشفه لوحدها وكل ماهتزود الجنط هاتنشف العفشه اكتر خليك فى ال 15 زى مانا عملت علشان مش هاتبقى مبسوط من العفشه لو ركب معاك حد تقيل ورا

اما بالنسبه للتظبيط فانت جيتلى وماحدش سما عليك

عنك سبويلر بلمبة ستوب وده من بور سعيد ب 600 جنيه
عندك كمان المرايات بالاشارات ب 750

واديها بقه فوجات ولو حابب ابقى ركب البودى كيت من بور سعيد برضه بس خلى بالك هاتوطيلك العربيه سنه صغيره

الله عليك يا كبير الهنداوية

هههههههههههه

**NaBeLeOn** · 01-08-2008 06:12 AM

المشاركة الأصلية كتبت بواسطة MiMo

شوف يا نابيليون بصراحه العفشه بتاعت العربيه مش ناقصه نشفان هى ناشفه لوحدها وكل ماهتزود الجنط هاتنشف العفشه اكتر خليك فى ال 15 زى مانا عملت علشان مش هاتبقى مبسوط من العفشه لو ركب معاك حد تقيل ورا

اما بالنسبه للتظبيط فانت جيتلى وماحدش سما عليك

عنك سبويلر بلمبة ستوب وده من بور سعيد ب 600 جنيه
عندك كمان المرايات بالاشارات ب 750

واديها بقه فوجات ولو حابب ابقى ركب البودى كيت من بور سعيد برضه بس خلى بالك هاتوطيلك العربيه سنه صغيره

مش عارف انا فعلا خايف من حوار العفشة ده بس 15 صغير و مش هيبقى حلو عليها نفسي فى اكبر بصراحة :(

السبويلر ده لزق و لا تخريم ؟ و لو عند حضرتك صورة ليه و هو راكب على العربية أكون شاكر جدا

الفوجات منين و بكام ؟

**NaBeLeOn** · 01-08-2008 06:15 AM

المشاركة الأصلية كتبت بواسطة CosmicOne

Civic accepts 16" and 17" but in El Tawkel they told me it's better to be 16" coz 17" is not good for road bumps.

for the 16" the tires should be 205/55 & i recommend Bridgstone Turanza GR-80

yah I guess I should have 16 as a minimum

thnx :)

**م/محمد صلاح** · 01-08-2008 05:10 PM

المشاركة الأصلية كتبت بواسطة Kemo0o

الله عليك يا كبير الهنداوية

هههههههههههه

اخجلتم تواضعنا والله

اما بالنسبه لنابوليون

الفوجات فى التوكيل 2200 جنيه
ممكن تركبها من بور سعيد ب 500 جنيه
الاسبويلر تخريم فى الشنطه لانه ماينفعش لزق
ماتنساش الفوانيس السبورت ولو عربيتك سودا (ماينفعش لون تانى) هاتلها النواكل بتاعتها بس حاجات بسيطه ماتزودش علشان ماتقلبهاش تاكسى

اخوكم ابو احمد (ميمو سابقا) (كبير الهونداويه على راى كيمو حاليا)

**NaBeLeOn** · 09-08-2008 11:46 AM

استاذ ميمو هو تركيب السماعات و الفوجات برا التوكيل يلغى الضمان ؟

عشان انا كلمت التوكيل و اللى رد عليا قالى ايوة يعمل مشاكل بس مقدرش يقولى يلغى الضمان كده صريحة ... بس حسيت كأنه بيتلكك يعني قصده يقول لو حصل مشاكل فى الكهرباء لا قدر الله بعدين و لقوا ان فى حاجة من دول مثلا متركبة برا التوكيل هيحملونى المسؤولية علطول و يخلعوا هما منها

السماعات و الفوجات اسعارهم مبالغ فيهم جدا فى التوكيل بصراحة و مش عارف اعمل ايه

**م/محمد صلاح** · 09-08-2008 06:43 PM

شوف يانابوليون باشا

انا مريت بالموضوع ده وانا بركب السماعات والزينون
انا ركبت السماعات عند ادريان فى جامعة الدول والفوانيس السبورت والزينون عند ارابكوم لانهم هما اللى كانو مرشحينه

موضوع خروجك من الضمان ده الناس مهولاه قوى او فاهمينه غلط
توكيل هوندا زى اى توكيل لو مركب حاجه بره والحاجه دى عملتلك مشاكل هما مش مسؤلين عن تحمل مصاريف اصلاحها لانهم مش السبب فيه وده طبعا عادى

السماعات مابتحتاجش اى حاجه لان وصلاتها كلها موجوده كل اللى بتعمله انك بتجيب السماعات وتثبتها وبعدين توصل الفيشه بتاعتها يعنى مافيهاش اى لعب

اما بالنسبه للفوجات فدى فيها لعب فى الكهربا ولو مش كهربائى نضيف هايعملك مشاكل فى الكهربا وزى ماحنا عارفين ان مشاكل الكهربا بتبقلى رخمه قوى وماتقلش فى رخامتها عن مشاكل الميكانيكا والمواتير فنصيحتى ليك حاول تركبها عند حد نضيف لان زميلنا فى المنتدى محمد جمال ركبها بره ودى تجربته

واحد نصحه بتركيبها فى الحرفيين وبعد التركيب كانت كل حاجه شغاله بس لمبة الموتور نورت وحلفت براس ابوها ماتطفيش طبعا مش هاقولك على القلق اللى كان فيه والكهربائى قعد حوالى 6 ساعات لغاية ماحل المشكله وحلها بانه شال الكمبيوتر بتاع العربيه وركبه تانى وده من اخطر مايمكن لان العربيه متكوده على الكمبيوتر وممكن لاقدر الله الكود يطير والعربيه ماتدورش بس الحمد لله ماحصلش كده عند محمد

كل اللى انصحك بيه
1) ركب السماعات عادى خالص
2) الفوجات ركبها عند حد نضيف قوى متخصص