انا حاجز نيسان صنى سوبر صالون والعربية كل شوية سعرها بيزيد وشوفت العربية ستروين اليزيه
بصراحة عجبتنى اوى بردو على سعرها وهيه اروبى كلها فرنسى تقفيل اسبانى والنيسان يابانى تقفيل مصرى فاياريت اعرف رايكو وخصوصا انى معرفش حاجة لسه عن التوكيل بتاع الستروين ولا اسعار قطع الغيار وكدا
ههههه....تصدق اني نفس حيرتك ؟؟!!...بس انا عاجبني الاليزيه اكتر لانها اشيك صراحة... بس مستني كمان تسعير بيجو 301 علشان اقدر احسم امري بين الاتنين....كمان الفلوس مش جاهزة معايا حاليا لاني عايز اجيب كاش...وبصراحة حاسس ان اليزيه هتزيد لما اجي اشتري.....ههههه.....زي الهبل اللي حاصل في السوق حاليا بسبب الدولار.....ربنا يصلح الحالاقتباس:
المشاركة الأصلية كتبت بواسطة amr ibrahim
انا مخلي النيسان الصني اخر اختيار رغم انه كان سابقا اول اختيار بالنسبالي..لكن لما عرفت ان اليزيه و301 نازلين قلت استنى واعرف سعرهم وادينا عرفنا اليزيه ...لسه 301 بس ممكن متفرقش في السعر كتير لانهم هما الاتنين زي بعض لكن العلامة مختلفة ومن نفس المصنع ...عربيتن انا شايف انهم كويسين جدا واحسن من الصني واشيك صراحة ...اتوكل على الله واختار الاليزيه ..او استنى زيي واعرف 301 لو حابب شكلها ...وانت قولت ان الاليزيه صناعة فرنسية تقفيل اسباني وده عامل مهم جدا....ممكن تشوف قسم ستروين هتلاقي معلومات تفيدك في موضوع قطع الغيار والخدمة بتاعة التوكيل
هو فعلا حيرة ما بعدها حيرة خصوصا ان العربية شيك اوى وواسعة واكيد الثبات بتاعها احسن من النيسان الجديدة بس هو محدش كاتب اى حاجة عن اسعار قطع الغيار وانت لو نويت تحجز احجز ب 25 ف المية من السعر علشان تثبته مش يزيد عليك لو زاداقتباس:
المشاركة الأصلية كتبت بواسطة anas00
أنا مش هأتكلم في حاجة technical تخص citroen
القسم فيه كل حاجة عن العربية
بخصوص الاسعار , citroen من الشركات المحترمة القليلة اللي ما استغلتش ارتفاع الدولار
1. c4 زادت 4 الاف عشان زاد فيها تكييف dual zone
2. ds3 و ds4 زادوا ألف جنيه بس
3.ds5 زادت 5 الف و ده قبل زيادة الدولار أصلا لأن عليها إقبال
لو عز العرب ناوي يزود , كان أولى زود في الهوجة اللي حصلت
ولا إيه ؟؟ :)
بالنسبة لاسعار قطع الغيار
بص حضرتك كده على الموضوع ده و أحكم بنفسك
http://www.nilemotors.net/Nile/314483-2012-4.html
وشوف مقارنتها باسعار c4 2009 وبالفواتير
و يا ريت تاخد فكرة عن الصني (الهندي مصري)برده قبل المقارنة
الفتيس بس هو اللي ياباني 100 %
والموتور متجمع في الهند وكل ال accesories بتاعته هندي
http://www.nilemotors.net/Nile/319441-a-3.html
لك ان تتخيل بقى العربية دي كسبانين فيها اد إيه ؟؟
لما يبقى 40 % (فيه قايلين 60 %) من مكوناتها مصري
و كمان متجمعة في مصر
http://www.nilemotors.net/Nile/3874410232-post237.html
ده حتى العربية مش 108 حصان زي ما بيقولوا
اللي بتيجي من الهند 99 ههههههه
http://www.nilemotors.net/Nile/3874369536-post68.html
أظن كده اللي عاوز أقوله وصل وكله من مواضيع بتاعتهم
وانت عليك إنك تختار :)
مفيش وجه للمقارنة
سيتروين طبعاا
الموضوع قتل بحثا فى قسم السيتروين
الاليزيه تكسب طبعا
انا مش بتكلم على الزيادة عموما على قد ما بتكلم على امكانيات وسعر قطع الغياراقتباس:
المشاركة الأصلية كتبت بواسطة ahmed-adel
عموما انا معرفش توكيل عز العرب عامل ازاى او خدمتة ايه نظامها مع انى سمعت انه
مش حلو والله اعلم
كل دا كلام جميل بس المهم بردو الستروين قطع غيارها اخبارها ايه واسعارهااقتباس:
المشاركة الأصلية كتبت بواسطة ahmed-adel
مفيش اى اخبار عليها خالص واكيد بتفرق من عربيه لعربيه اكيد هتختلف عن السى 4
فا لو كل حاجة متوفرة هيكون الاختيار اسرع وادق ياريت لو حضرتك تعرف اسعار قطع غيار الستروين سى اليزيه ياريت تعرفنا هيه بصراحة داخلة دماغى اوى بس الخوف من قطع الغيار والتوكيل عز العرب
شكرا على رايك اللى هو من راىاقتباس:
المشاركة الأصلية كتبت بواسطة mohaismail
شكرا ليك ويارب الاحسن ديمااقتباس:
المشاركة الأصلية كتبت بواسطة waleed_fathy
التوكيل اغلبية الشكاوي منه بسبب protonاقتباس:
المشاركة الأصلية كتبت بواسطة amr ibrahim
مع citroen المعاملة مختلفة و قطع الغيار متوفرة
أكبر عيب انه ملوش فروع كتير
ومع ذلك بيحاول يتحسن و هيفتح 4 مراكز خدمة جديدة السنة دي
أنا متعامل معاه في صيانة خفيفة
اللي إنت عاوزه بيعملهولك والحاجات بتتغير قدام عينك
و معاملة محترمة جدا واستراحة محترمة
مع إني شاري مستعمل
مغير مفاتيح الإزاز بتاعت السواق و جابولي طقم ال lock بتاع العجل في الضمان
و صاحبي مصلح DS3 (سمكرة و دوكو) و استلامها قبل المعاد كمان
مش عارف بصراحة الكلام اللي بيتقال ده منين ؟؟!!!!!
يمكن كان زمان وحش , أنا بحكم بناء على تعاملي معاه من سنة ونص
و برده انزل بنفسك مرة و شوف بعينك , ملكش دعوة بكلام الناس
شوف طريقة معاملة العميل , شوف شكل الإستراحة
شوف فيه شكاوي ولا لأ ؟
شوف الانتظام بالمواعيد
اسأل الناس عن رأيهم
أنا قارنتلك اسعار الصني بـ ال c4 لأناقتباس:
المشاركة الأصلية كتبت بواسطة amr ibrahim
استحالة اسعار ال elysee تعدي ال c4 (حتى لو 2009)
كل فئة ولها أسعار قطع الغيار بتاعتها
ده واضح جدا من الفرق بين ال c5 وال c4 وال c3 مثلا
و أنا كلمتك برده عن توفر الحاجة في التوكيل لأن ده الاهم في ال 3 سنين ضمان, ولا إيه ؟
بالنسبة لأسعار قطع الغيار , لسه مكلم جورج انهارده
و قال إن الأسعار هتنزل كمان أسبوع على ال FB
واكيد هنجيبهلكم هنا إن شاء الله أول لما تنزل :)
مع راي الرجالة ..
كلامك زى الفل وانا مستنى حضرتك اما تجيبلنا اسعار قطع الغيار وربنا يقدم اللى فى الخير وشكرا لاهتمامكاقتباس:
المشاركة الأصلية كتبت بواسطة ahmed-adel