اكصدام خلفي صني الشكل القديم

**tarekMANDOUH** · 04-02-2013 05:28 PM

واحد ابن حلال سواق تاكسي خبطني من ورا الجنب الشمال وكسر الكلبسات التحت الفانوس معه الجنب كلة الا حتة من الآخر والاكصدام خرج من الجنب .
عايز حد بتاع اكصدامات كويس يرجعهالي زي الاول يكون في المعادي او صقر قريش او مدينة نصر ياريت حد من صفور المنتدى يفيدني .

**mem** · 09-02-2013 04:40 PM

متابع

**moumen_hs** · 10-02-2013 12:06 PM

1- بص ياباشا أنا هوصفلك واحد فى عرب المعادى بيصلح أكصدامات جنب النادى الاولمبى لو حضرتك جاى من شارع الجزائر ورايح على عرب المعادى على يمينك النادى الاولمبى أخر الشارع أمامك جامع فى المجمع الى أتحرق زمان هتدخل يمين وتمشى شوية فى سمكرية على شمالك تكمل لغاية لما تلاقى أرض فاضية ( ملعب ) على شمالكر بعدها تدخل شمال هتلاقى واحد سمكرى على اليمين وبعدة علطول بتاع أكصدامات أمام مبنى هيئة النظافة بالضبط بس مش عارف أسمة
2- أما حامل الاكصدام الى تحت الفانوس بالضبط بيتباع فى التوكيل ب 82 للجنب فقط والفبر الى فى الجانب لو مكسور 72 فى التوكيل وموجود ب 120 جم للطقم شمال ويمين بس انا لسة جايب ا من التوفقية حامل الاكصدام الطقم ب 90 جم فقط وهو موجود فى كذا محل ب 100 الى 120 للطقم ومينفعش جنب فقط لازم الطقم كامل المحل الى جبتة منة أسمة نصير وأبو حسين 77 شارع رمسيس قبل ماتدخل التوفقية على الشارع ب 90 جم رقمة 25797669 و قبلة على طول فى دخلة صغيرة فى واحد بتاع كلبسات على اليمين تانة محل عندة كل حاجة بس ياريت يكون معاك القديم يجبلك زيوة لو حاجة نقصاك لو كنت محتاج الجانب اليمين مش الى ورا السواق موجود عندى تحت أمرك