الحقوني المروحه مش شغاله مع الحراره بس شغاله مع التكييف

**dedo_ryo** · 04-02-2013 07:02 PM

السلام عليكم يا شباب
النهارده الصبح طلعت بالعربيه عادي جدا و ماشي في الشوارع الزحمه و ببص علي مؤشر الحراره لقيته معدي الشرطه اللي في النص شويه
قلت عادي من الزحمه بس لما وصلت كانت علت اكتر و قولت ابص عالمروحه .. المروحه مش شغاله خالص
قلت ابص علي فيشيتها اللي راكبه فيها لقيتها شبه بتاعت الفوجات و تمام برضه جه في بالي اني اشغل التكيف قمت عامله ساقع و شغل يا معلم المروحه اشتغلت عالسرعه الاولي لان صوتها كان مسموع بالعافيه ......
ياريت لو حد يفيدني و يقلي ايه ده و هل المروحه بتشتغل بعد مده قياده ولا حراره ولا ايه و هل ليها رالاي او كت اوت و ايه ممكن يكون سبب العطل ده
و شكرا ليكم

**هيثم الدسوقى** · 04-02-2013 08:42 PM

عاوز تغير نحاس المروحة اللى داخل فى حساس الرادياتير الواحد بربع جنيه وهتلاقيها فى جنب الرادياتير لو زى بتاعة الاوبل بتشيل القديم وتركب الجديدة وتركبهم فى الحساس ودمتم على خير

**dedo_ryo** · 05-02-2013 12:26 AM

فين الوحووووووووووووش امال ؟؟؟؟
انا قلت هلاقي الحل عند حد من الوحوش التقال اللي في القسم عندنا هنا

**proff** · 05-02-2013 12:36 AM

المشاركة الأصلية كتبت بواسطة dedo_ryo

فين الوحووووووووووووش امال ؟؟؟؟
انا قلت هلاقي الحل عند حد من الوحوش التقال اللي في القسم عندنا هنا

هتشيك علي اليوبي سي لو مفيش مشكله هتغير المروحه لان فيوز المروحه بيشغل السرعتين
واحتمال فيشفه في علبه الفيوزات

**dedo_ryo** · 05-02-2013 12:52 AM

الفيشه دي ممكن تكون فين في عللبه الفيوزات و هل ممكن يبقي حساس الحراره مع العلم انه قاري في العداد الحراره و لما شيلت فيشته العداد اللي في التابلوه اداني حراره صفر يعني قاري و هي ليها فيوز ولا كتاوت لانه طالما مسؤل عن السرعتين و شكرا لاهتمامك

**proff** · 05-02-2013 01:12 AM

المشاركة الأصلية كتبت بواسطة dedo_ryo

الفيشه دي ممكن تكون فين في عللبه الفيوزات و هل ممكن يبقي حساس الحراره مع العلم انه قاري في العداد الحراره و لما شيلت فيشته العداد اللي في التابلوه اداني حراره صفر يعني قاري و هي ليها فيوز ولا كتاوت لانه طالما مسؤل عن السرعتين و شكرا لاهتمامك

انا مش متدكر قوي بس نفس العيب ده حصل معايا الفيشه لونها اسود في وسط علبه الفيوزات وداخل فيها اربع ,اسلاك فقط اسلاك سميكه وليست رفيعه والفيشه موجوده خلف فيوز المروحه f11وما تلعبش في حاجه اكتر من كده

**dedo_ryo** · 05-02-2013 08:57 AM

المشاركة الأصلية كتبت بواسطة proff

انا مش متدكر قوي بس نفس العيب ده حصل معايا الفيشه لونها اسود في وسط علبه الفيوزات وداخل فيها اربع ,اسلاك فقط اسلاك سميكه وليست رفيعه والفيشه موجوده خلف فيوز المروحه f11وما تلعبش في حاجه اكتر من كده

طيب معلش و العيب طلع ايه عند حضرتك و حليته ازاي و سؤال تاني هي السرعه الاولي بتشتغل امتي يعني عند حراره كام او بعد قد ايه و التانيه برضه

**proff** · 05-02-2013 09:57 PM

المشاركة الأصلية كتبت بواسطة dedo_ryo

طيب معلش و العيب طلع ايه عند حضرتك و حليته ازاي و سؤال تاني هي السرعه الاولي بتشتغل امتي يعني عند حراره كام او بعد قد ايه و التانيه برضه

العيب كان المروحه وغيرتها و كان في بن في الفيشه الي قولتلك عيها سايح
وبما اني غاوي عملت كل حاجه بنفسي ولو عاوز مروحه في واحد جنبي بيبيع الحاجات استيراد واسعاره معقوله في المهندسين لاني اخدت منه المروحه ب 350 جنيه وده كان قبل الغلا وكانت في اقل مكان ب 450

**dedo_ryo** · 05-02-2013 10:02 PM

تمام هتأكد من المروحه و هبلغك و شكرا جزيلا لاهتمامك

**proff** · 05-02-2013 10:14 PM

المشاركة الأصلية كتبت بواسطة dedo_ryo

تمام هتأكد من المروحه و هبلغك و شكرا جزيلا لاهتمامك

لو فيوز المروح بايظ يبقي المروحه بايظه السرعه الخاصه بالتبريد ما تركبش واحد غيره عشان متعملش قفشه في اليو بي سي عاوز تتاكد روح لكهربائي عنده زمه يكشف عليها او ركب فيوز اقل في الامبير لو ضرب علي طول يبقي المروحه اوعي تركب فيوز نفس القيمه لازم اقل لحد ما نعرف العيب فيين F11 40A (internal)