تريساوى جديد

**ramyfarouk1** · 04-02-2013 08:15 PM

الحمد للة وللة الشكر
استلمت التريوس اليوم من المصرية للسيارات , بصراحة ناس محترمين جدا سلمونى فى 24 ساعة طبعا لسة ناقص شوية اوراق يمكن بعد يومين كدة , تريوس 2013 جى ال اوتوماتيك اللون الجديد ( موكا)

اطلب فقط من الاخوة الخبراء الافادة حول الخطوات الواجب اتباعها بعد الشراء للحفظ على السيارة , بمعنى اطلب منكم افادتى حول الاشياء الواجب شرائها كاكماليات هامة للسيارة وكيفية الحفاظ على الموتور وصيانتة
وشاكرين لكم حسن تعاونكم

**waleedrahmy** · 04-02-2013 08:49 PM

مبررررررررررررروووووووووو وك
ومنتظرين موضوع مصور و تقييمك لها

**هانى سمير** · 05-02-2013 02:48 PM

ألف مبروك وبرتع بيها ولا تخاف لسة بدرى على المحافظة وربنا يوفقك واحنا فى خدمتك
وألففففففففففففففف مبرررررررررررررررروك

**Ahmed_Ramadan** · 06-02-2013 01:55 PM

ألف مبروك ممكن تقولنا تمنها وصل كام دلوقتى و اخبار سعر الفئة الأتوماتيك اللى أعلى منها كمان

**Imhotep** · 06-02-2013 08:44 PM

مبروك. . . ربنا يديك خيرها و يكفيك شرها

**samehafez** · 07-02-2013 01:09 AM

الف مبروك ربنا يديك خيرها و يكفيك شرها .... اول حاجة ركب ديفيندر خلفي ....

بصراحة مش عارف هو فعلا مفيد ولا انا اللي نحس .... مش عارف هي الناس ليه مصممه تخبطلي العربية من ورا ... و خصوصا و انا واقف في الزحمة و الاشارات ... كفاية اقولك ان الديفيندر الخلفي عندي من كتر الخبط اتلخلخ و شكله هيقع

**ramyfarouk1** · 09-03-2013 02:35 PM

اللة يبارك فيكم , هو تمنها وصل ل 148 الف جنية واللى بعديها ب 154 الف جنية وفى كمان فئتين اعلى , انا رحت ركبت فرش عند سبير كار فرع التجمع الخامس نظيف جدا والتركيب بيتم فى جراج مش فى الشارع بصراحة عجبنى جدا , انا لسة فى مرحلة قبل ال 1000 كم ولسة التقييم للسيارة لم يكتمل بعد , وشاكر لكم حسن متابعتكم