هام حامي اكصدام خلفي لانسر2007

**amro0000** · 05-02-2013 04:41 AM

لو سمحتو ياجماعة انا عاوز اركب الحديدة الي بتحمي الاكصدام الخلفي الي هيا بتبقي متركبة دايما في البيجو ال 504 او حاجة زيها كدة تحمي الاكصدام من الترييح يعني لو حد ريح عليا الحديدة تحمية وياريت يعني لو حد يعرف بيتباع فين وبكام ومين الي بيركبه وهل بيخرم في حاجة في الشاسية بتاع العربية او حاجة زي كدة ولا لاء ياريت تردو عليا بسرعة وضروري لاني بجد بقيت بخاف اركن لان الناس لازم وهيا بتركن تريح علي الاكصدامات معرفش لية بس شعبنا بقا وياريت لو حد ركبه يقولي وشكرا

**amro0000** · 05-02-2013 05:22 AM

ياجماعة لو فية حل بديل يحمي الاكصدام ياريت بردو الناس تشارك برأيها لاني بجد بفكر في الموضوع دة جدااااااا

**Lifz_Good** · 05-02-2013 08:54 AM

أنا مبتفرقش معايا حكات الإكسدامات
في داهية

انما ممكن بغباء ترييحتهم يكسروا قواعد الإكسدامات أو أماكن وأخرام تثبيتهم وتمشي انت مشخلل أصوات بعد كدا

وخد الجديدة دي
ترييحات الإكسدام اللي أدام لو تقلت سنة بسيطة بتنقل ترييحة للرفرف وبالتالي تلاقي الفارق بين الرفرف والقايم بتاع السقف قل كتير
ومش بعيد تلاقيهم لازقين ف بعض ونطروا بوية من الترييحة

واسأل أي سمكري هيفهمك النقط دي

**amro0000** · 06-02-2013 06:22 AM

طب الحل اية ؟

**Lifz_Good** · 06-02-2013 07:18 AM

الحل تركب اكسدامين تايواني الواحد ب 150 جندي
وترشهم دهان مصري أو أي حاجة نضيفة بشرط تكون رخيصة
كدا التكلفة مش هتعدي 300-400 جندي
و عين الأصلي في البيت

وخللي اللي يحك يحك

**amro0000** · 06-02-2013 07:21 AM

تصدق والله فكرة بمليون جنية علي رغم انهم هيتفكو بس ارحم من انهم يتحكو وانا مش عاوز افك فكة الفبريكة بس تفتكر لو اتفكو هيأثرو في حاجة يعني ولا انتة رأيك اية

**Lifz_Good** · 06-02-2013 08:30 AM

المشاركة الأصلية كتبت بواسطة amro0000

تصدق والله فكرة بمليون جنية علي رغم انهم هيتفكو بس ارحم من انهم يتحكو وانا مش عاوز افك فكة الفبريكة بس تفتكر لو اتفكو هيأثرو في حاجة يعني ولا انتة رأيك اية

ربطة فابريكا إيه يا محترم
دنا بنزل الإكسدام بنفسي وأعمل اللي أنا عايزه وأربط تاني

انت كلمة ربطة الفابريكا دي هتساعدك مش هتضرك
لأنك هتفك كليبسات و مسامير محترمة
وتحط الجديد وتربط نفس الكليبسات والمسامير المحترمة

مش ملعوب في العربية قبل كدا ب 100 مسمار شك مسنن وللا معمول عمايل في الإكسدام ولحامات تخلي صعب فكه أو حتى صعب تركيب جديد

اتوكل على الله
انت في safe side
:)

**amro0000** · 07-02-2013 05:35 AM

معلش اخد اكتر من رأي بردو انت كلامك كويس بس لو فية حل احسن من اني افك الاكصدام يعني حاجة احطها تحمية يكون احسن ولا اية وياريت تقولي هيتفك ازاي لو فكرت افكة