Cheek

**MMIsmail** · 05-02-2013 03:34 PM

ماهو الخطر لو لمبة Cheek منورة ومشية بالعربية وهل لو تم استخدام العربية لمدة يومن مثلاً (لحد ويك اند) وهى منورة ممكن حاجة تحصل فى العربية ولاايه برجاء الافادة

**mero100** · 05-02-2013 04:32 PM

طبعا غلط تمشي و لمبه ال check engine منوره .... كده معناه في خلل من الحساسات ....لازم تعمل سكان بجهاز سكانر و الفني يقولك انهي حساس محتاج يتغير ...... كمان انت حتحس ان العربيه مش مظبوطه معاك و ممكن تأثر تأثير كبير علي العربيه .... الله اعلم هوه ايه ..... لذلك لا انصحك بتقضيه week end بالعربيه الا لما تعالج المشكله .

**tarek_2005** · 05-02-2013 05:24 PM

يفضل الكشف عليها باسرع وقت لتجنب المفاجات والمقولة المشهورة لي
لمبة تشك = سكان

**MMIsmail** · 06-02-2013 07:47 AM

الف شكر بس اللمبة مش بتفضل منورة وثابته هى بتنور بعد المش بالعربية لمدة 10 دقائق تقريباً وساعات انوار التبلوه كلها بتنور معاها ولما ازود بنزين الانوار كلها تطفى بما فيها لمبة cheek وتمشى العربية تمام بس انا حاسس ان العربية سحبها مش كويس هل هذا له علاقة بالموضع.

**maio_do** · 06-02-2013 08:01 AM

بص يا باشا لمبة التشيك ممكن تبقى مشكلة بسيطة وممكن تبقى كبيرة

انا بيتهيالى دا حساس الشكمان انت مش هتخسر حاجة كلها ربع ساعه عند اى حد تعمل سكان ب 20 جنية

ويقولك اللى فيها ومنها تعرف تقدر تسافر ولا تخليك تصلحها الاول وربنا يستراها عليك يا باشا

**tarek_2005** · 06-02-2013 09:45 AM

طالما بينور معاها لمبات اخري اعتقد دا ماس باسلاك العداد وليس له علاقة بعطل حساس ولكن يفضل عمل الاسكان الاول ثم البحث عن تسريب ارضي العدادات

**MMIsmail** · 07-02-2013 07:39 AM

للافادة بعد الكشف والاسكانر طلع حساس السرعة رايح فى دايه هو والفيشه كمان وجبتهم من مكى فى الوكالة بعد عناء لحد ما لقية الفيشه ب100 جم وكله تمام والحمد لله والف شكر.