ربنا رزقني بفليشيا

**المنسي** · 06-02-2013 10:26 AM

المشاركة الأصلية كتبت بواسطة عبدالرحمن-جبر

تم بحمد الله شراء السيارة سكودا فلشيا 1996 بحالة جيدة بس عندي انوار التابلوه ضعيفة جدا تكاد تكون معدومة و عصاية الفتيس سايبة شوية و العربية صوتها عالي بس صاحبها بيقولي عايزة تغير سير الكاتينة أنا إن شاء الله هعملها سيرفيس عايز أعرف إيه أحسن زيت و إيه الفلاتر اللي اغيرها وسير الكاتينة سعره كام وهل اغير السير بس ولا طقم الكاتينة كله لسة ماوجهتش أي مشكلة فلسخونية كل اللي مشيته بيها 15 كله ربنا يستر إيه الحاجات اللي اخليه بالي منها فالعربية دي عشان احفظ عليها وتحفظ عليا وتمن المساحة الخلفية كام و دراع المساحة الامامي ومساعد الشنطة جايب زيت صاحبها علي دا مسمار في ال مساعد عشان أنا مغايره كذا مرة مش عارف بيفتي ولا إيه و شكرا لاهل سكود ا الكرام

الف مبروووووووووووووووووووووك فليشياوى جديد والله ببقي مبسوط لما اشوف حد راكب العربية دى وبتبسط اكتر لم الاقى عضو جديد انضم لينا
اهلا بيك واحنا فى خدمتك
ربنا يديك خيرها ويكفيك شرها
اولا انوار التابلوه امرها سهل وزى ما الزملاء قالو لك على الموضوع بتاع تغيير اللمبات هتستفيد منه والموضوع سهل وبسيط
ثانيا عصاية الفتيس زى ماعم صبحي قال مفتاح 13 وتتربط من تحت العربية وهتبقي كويسة
ثالثا العربية صوتها عالى ده سير كاتينة وده بيبقي جنزير علشان كده تحس ان العربية اكنها دبابة ماشية وتغييره هيحل مشكلة الصوت ده
رابعا بالنسبة للزيوت والفلاتر
زيت الموتور هات شل الجركن الاحمر 3000 العادة
زيت الفرامل هات موبيل DOT4
زيت الفتيس هات شل 90w75
هتغير فلتر الزيت مع تغيير زيت الموتور
هتغير فلتر الهوا والبنزين وبالمرة المنقى اللى تحت عمة الهوا
خامسا مساعد الشنطة
الجوز ب 80 جنيه تركي

اهم حاجة تخلى بالك منه
الحرارة بتاعة العربية تتابع درجة الحرارة على المؤشر
متحطش مية من الحنفية فى دورة التبريد الموضوع ده هيكلفك جركن مية خضرا بس هتشتري دماغك من مشاكل تانية
الردياتير اخباره ايه راجع على الوصلات بتاعته لو فيه تسريب

**عبدالرحمن-جبر** · 06-02-2013 11:59 AM

المشاركة الأصلية كتبت بواسطة المنسي

الف مبروووووووووووووووووووووك فليشياوى جديد والله ببقي مبسوط لما اشوف حد راكب العربية دى وبتبسط اكتر لم الاقى عضو جديد انضم لينا
اهلا بيك واحنا فى خدمتك
ربنا يديك خيرها ويكفيك شرها
اولا انوار التابلوه امرها سهل وزى ما الزملاء قالو لك على الموضوع بتاع تغيير اللمبات هتستفيد منه والموضوع سهل وبسيط
ثانيا عصاية الفتيس زى ماعم صبحي قال مفتاح 13 وتتربط من تحت العربية وهتبقي كويسة
ثالثا العربية صوتها عالى ده سير كاتينة وده بيبقي جنزير علشان كده تحس ان العربية اكنها دبابة ماشية وتغييره هيحل مشكلة الصوت ده
رابعا بالنسبة للزيوت والفلاتر
زيت الموتور هات شل الجركن الاحمر 3000 العادة
زيت الفرامل هات موبيل dot4
زيت الفتيس هات شل 90w75
هتغير فلتر الزيت مع تغيير زيت الموتور
هتغير فلتر الهوا والبنزين وبالمرة المنقى اللى تحت عمة الهوا
خامسا مساعد الشنطة
الجوز ب 80 جنيه تركي

اهم حاجة تخلى بالك منه
الحرارة بتاعة العربية تتابع درجة الحرارة على المؤشر
متحطش مية من الحنفية فى دورة التبريد الموضوع ده هيكلفك جركن مية خضرا بس هتشتري دماغك من مشاكل تانية
الردياتير اخباره ايه راجع على الوصلات بتاعته لو فيه تسريب

الله يخليك يا باشا واللهي أنا كمان مبسوط بالرابطة الحلوة دي
وتمام أنا هاغير سير الكاتينة اخليه أي الميكانيكي بتاعي يغيره ولا يستحسن حد متخصص سكود ا
و شكرا لمساعدتك واهتمامك ومساعد الشنطة أي حد يركبه ولا حوار

**المنسي** · 06-02-2013 12:38 PM

المشاركة الأصلية كتبت بواسطة عبدالرحمن-جبر

الله يخليك يا باشا واللهي أنا كمان مبسوط بالرابطة الحلوة دي
وتمام أنا هاغير سير الكاتينة اخليه أي الميكانيكي بتاعي يغيره ولا يستحسن حد متخصص سكود ا
و شكرا لمساعدتك واهتمامك ومساعد الشنطة أي حد يركبه ولا حوار

سير الكاتينة مش شغلانة وبرضه مساعد الشنطة انت ممكن تركبه بنفسك دور فى المنتدى هنا هتلاقى طريقة تغيير مساعدين الشنطة وبالنسبة لسير الكاتينة عادى ممكن تمشي بيه مفيش منه ضرر غير الصوت بتاعه بس وبالتوفيق

**EngAhmedSayed** · 06-02-2013 04:22 PM

الف مبروك
يا صديقى
على الفليشيا
و انا سعيد للانضمام فليشيوى جديد معانا
و بخصوص الاعضاء جميع الااراء و الردود وافيه
بوجه الشكر لكل من رد على الموضوع
ربك المستعان

**المنسي** · 07-02-2013 08:57 AM

المشاركة الأصلية كتبت بواسطة عبدالرحمن-جبر

تم بحمد الله تغير زيت الفتيس و ده باهدلني كل ما أروح بنزينة معندوش 90 روحط مصر للبترول وفضلت مستنتي نص ساعة وبعدين نزل معرفش يعمل حاجة قعد يقولي الفتيس مفيهوش طبة و لازم الميكانيكي يحلوا قلتله طب هات جركن 90 قال لي مفيش جراكن رجعت للميكانيكي فك سلك السرعة و رحت زودت الزيت ورجعت للميكانيكي يربط عليه و المساحات جبت دراعات صيني الواحد كان بـ 15 وفلتر الهوا و البوجيهات و نضف الكاربارتر وجبت فوانيس إشارة وشوش الجوز بـ 10 مستني ألاقي حد فاهم فالعربية أروح أعمل الكاتينة عشان مش عايز اعك الصراحة

هتجيب سير كاتينة بالتروس بتاعته من سيد صلاح فى وسط البلد او من ابو الحسن فى بين السرايات لو عايز ميكانيكي شوف انت اقرب مكان ليك ايه