ربنا رزقني بفليشيا

**عبدالرحمن-جبر** · 05-02-2013 05:56 PM

تم بحمد الله شراء السيارة سكودا فلشيا 1996 بحالة جيدة بس عندي انوار التابلوه ضعيفة جدا تكاد تكون معدومة و عصاية الفتيس سايبة شوية و العربية صوتها عالي بس صاحبها بيقولي عايزة تغير سير الكاتينة أنا إن شاء الله هعملها سيرفيس عايز أعرف إيه أحسن زيت و إيه الفلاتر اللي اغيرها وسير الكاتينة سعره كام وهل اغير السير بس ولا طقم الكاتينة كله لسة ماوجهتش أي مشكلة فلسخونية كل اللي مشيته بيها 15 كله ربنا يستر إيه الحاجات اللي اخليه بالي منها فالعربية دي عشان احفظ عليها وتحفظ عليا وتمن المساحة الخلفية كام و دراع المساحة الامامي ومساعد الشنطة جايب زيت صاحبها علي دا مسمار في ال مساعد عشان أنا مغايره كذا مرة مش عارف بيفتي ولا إيه و شكرا لاهل سكود ا الكرام

**mohamed878** · 05-02-2013 06:01 PM

الف مبروك فيليشيتك الجديده و ربنا يباركلك فيها و يكفيك شرها احسنت الاختيار فالعرببيه و المنتدي اعضاءه احسن ناس هتفيدك انا برضو لسه جايبها من شهر

**Moratoz** · 05-02-2013 06:04 PM

دقة لينك لأحد أساتذه الاسكودا العظام بشأن تغير أنوار التابلوه http://www.nilemotors.net/Nile/329753-a.html في قسم شروحات سكودا المصورة ننكن تبص علي المثبتات في هذا القسم سوف تستفاد كثيرا
وتلف مبروك علي العربيه وباقي الأخوة يردوا علي باقي الاسئله

**عبدالرحمن-جبر** · 05-02-2013 06:35 PM

الله يبارك فيكم أنا واللهي مجبتهاش إلا ماخدت رأي الناس هنا اللي ساعدني كتير وشكره فيها كنت كل ماأقول لميكانكي إيه أخبار العربية دي يقولي زبالة خليك فلاكسيل لكن بعد اقتناها عرفت اد إيه هي عربية حلوة وشكرا لاحسن رابطة لاحسن عربية

**sakr_skoda** · 05-02-2013 07:28 PM

الف الف مبروك ياعبد إن شاء الله ربنا يديك خيرها ويكفيك شرها ويكفيك شر الطريق........

اولا :بالنسبة لنور الطابلوه ممكن فعلا تبص على موضوع الاخ منسى فى الشروحات المثبته حتلاقة بس كام لمبة محروقة غيرهم نصيحتى بلاش تركب اللمبة الصينى الزقاء حاول تجيب حاجة استيراد افضل....*

ثانيا: عصاية الفتيس ممكن اى ميكانيكى يربط الضغضعة (المعلقة) وعلى فكرة انتا ممكن تعملها بنفسك وانا باشجع دا حاول تعمل الحجات الخفيفة بنفسك ....*طيب ازى ياعم المفتى ....* حاضر حقلق انتا تنزل تحت العربية من عند باب السواق حتلاقى عصاية الفتيس واصله للفتيس بواسطة معلقة (يعنى حاجة كدا زى المفصلة )فيها مسمار مقاس 13 حتلاقى راس المسمار باتجاه الأرض حرق علية حتبقى تمام التمام....

ثالثا: ممكن تتاكد الأول سير كتينة ولا بليه دبرياج ....*طيب اعرف ازاى.... حقلك دور العربية وانتا واقف دوس دبرياج ها الصوت اختفى يبقى بلية وسيبك وكبر دماغك لمل تيجى تغيير الطقم كله الصوت زى مهوا يبقى سير كتينة وعلى فكرة ممكن تغيير السير بس (الجنزير)لو التروس سليمة والمهندس احمد حيعمل الموضوع دا دلوقتى وروح فى المثبتات اسعار قطع غيار فليشيا واخواتها فى اخر الموضوع حتلاقى مشاركة المهندس احمد كاتب سعر سير الكتينة ومنتظرين منه تقرير بعد اجراء العملية....

رابعا: الحاجة الوحيدة اللى تخلى بالك منها كتير طبعا بس فى المهم وفيه الأهم فالمهم انك تخلى بالك من عداد الحرارة دا اهم حاجة فى الفترة الأولى لحد لما تلاقى عربيتك غير مصابه بمرض الحمى البنغاليه........

وعلى العموم احنا فى الخدمة 24 ساعة بس انا اطلب حتلاقين على طول معاك....

اه نسيت طلب صغير منك ياعبد ممكن تقولنا جبت العربيه بكام يعنى علشانت نبقى عارفين السوق ماشى لفين وياريت صورة كمان ماتخفش مش حنحسدهاهههههههههههههههههه هههههههه*

ومرحبا بك فليشياوى جد محترم....

**aali6632** · 06-02-2013 12:09 AM

ربنا يديك خيرها ويكفيك شرها يارب

**عبدالرحمن-جبر** · 06-02-2013 12:28 AM

تمام يا باشا واللهي إنت حقك تبقى وكيل سكود ا في مصر بس نقول إيه كله ماشي بالكوسة هو صاحب العربية بيقولي إنه مغاير تام الدبرياج من 6 شهور و أكدلي إن المشكلة في السير العربية أنا جبتها حالتها كويسة رشا بره نضافة بـ 25 فاضية و فبريقة دواخل وربنا يخليك لينا و ل سكود ا و هحاول اصورها وأنزل الصورة قريب إن شاء الله