تجربتي الجديدة مع متسوبيشي جالنت 2002

**ramyayash** · 06-02-2013 10:02 AM

الحمد لله اشتريت جالنت 2002 في السعودية
بعد تجربة سيئة مع تويوتا يارس 2008
وبعد حادث ضاعت فيه سيارة فورد كراون فكتوريا
اشتريت جالنت 2002
السيارة متينة وتحس انها ياباني من بتاع زمان
السيارة 2000 سي سي وحجمها متوسط من جوه ومن بره
عزم متوسط في البداية لكن تجميع سرعة عالرابع والخامس رهيب تحس ان العربية بتفتح معاك فعلا
اقل حاجة تقدر توصلها بدون مات قرص عالعربية هي سرعة 200 كيلو رغم ان العداد 240
ثبات ممتاز وقطع غيار غالية في بعض القطع ومتوسطة في بعض القطع
رياضية الشكل طبعا بدون اي رفاهيات داخلية متميزة
كل اللي فيها كاسيت عادي وتكييف وسنترول وفتح الشنطة من الداخل والحاجات دي
انتظرو الصور بعد عودتي من مصر لاني نازل مصر اجازة اسبوعين وراجع ان شاء الله تاني

**S O P H O S** · 06-02-2013 11:12 AM

الف مبروك يا باشا ..

**ramyayash** · 09-04-2013 06:07 PM

ميتسوبيشي جالنت 2002 مفحوص مجدد | حراج السيارات

وده رابط للصفحة اللي اشتريت منها السيارة وصور السيارة فيها

**محمد طايع** · 09-04-2013 06:27 PM

مبروك على السياره
وتوصل مصر بالسلامه ان شاء الله

**ramyayash** · 09-04-2013 06:51 PM

الله يسلم حضرتك

**amro0000** · 10-04-2013 01:19 AM

ماشاء الله حاله العربية شكلها كويسة مايعيبها الخدوش الي فيها الاهم انها سليمة من جوة وماشاء الله شكل الماكينه قوية ربنا يباركلك فيها ويحميهالك

**ramyayash** · 10-04-2013 06:37 PM

كان فيها مشكلة تهريب مياه مش عارفين منين وتم اكتشافها .. كوع حديد متصل بالبوابة فيه خرم صغير بيهرب الماء بنسبة بسيطة وما بيظهرش عشان بيتبخر قبل ما يظهر اثاره عالارض.. وكانت المشكلة ان القطعة مش متوفرة وهتبقي غالية لانها متصل معاها حساس البوابة وكل الجزء ده.. الراجل قالي روح للمخرطه وفهمه الوضع وربنا يستر والحمد لله اتعملت ونضفنا البوابة بمنظف الكربريتر.. وركبتها لكن لاحظت ان مؤشر الاربي ام اصبح فيه تقطيع فالراجل رفعه لحد ال1000 تقريبا وضبطت والملاحظ ان هدوء الموتور ملحوظ .. جاي الشغل النهاردة على سرعة 200 ولولا الزحام كنت قرصت شوية :-).. ما شاء الله تبارك الله..

**ramyayash** · 10-04-2013 06:39 PM

المشكلة الاخيرة حاليا .. المقصات الخلفية العلوي والسفلي جلدهم والركب متاكلين وبتسبب عوم العربية.. المتسوبيشي هنا بتجيب المقص كامل مش بتغير جلد مش متوفرة اوي والركب مش بتتباع لوحدها ابدا .. هل ياترى ممكن في المخرطة يضبط جلد ويضبط الركب؟ ولا صعب؟؟

**alzelafy** · 10-04-2013 09:42 PM

الموديل دة بالذات من اجمل العربيات اللى تركبها فى حياتك من ميتسوبيشى انا كان نفسى فيها فى مصر بس كل الحالات اللى شفتها كانت سيئه و الحاله النظيفه كان سعرها عالى جدا ربنا يباركلك فيها و حافظ عليها العربيات دى مش هيتعمل زيها تانى