الموضوع: مشكلة gearbox Faulty و airbag /s.belt faulty فى C4

واضح ان دى مشكلة عامة فى الفيتيس المستخدم فى سيتروين وبيجو (AL4)
وكل ملاك الفرنساوى حول العالم بيشتكوا من المشكلة دى :)
وفى كل الاجابات كانت الحلول كالاتى:
1- تغير البلوف بتاعة الضغط اللى وليد قال عليها بس تغيرهم بنوع تانى غير بتاع AL4
ممكن الاخوة اللى عندهم خبرة اكتر يفيدونا فى النقطة دى
2- تغير زيت الفيتيس على مسافات اقرب من اللى مكتوبة فى كتالوج العربية وخصوصا فى البلاد الحارة زى مصرنا الحبيبة كده ...يعنى بدلا من كل 40 الف كم يبقى كل 25 او 30 الف كم
3- طبعا تغيير الفيتيس بالكامل لو كان لقدر الله اتحرق من جوه
كان فى احد الاشخاص كان بيعمل افتكاسات لتبريد الفيتيس زى انه يركب مروحة او مبرد Radiator على الفتيس...معرفش مدى امكانية ده ايه الصراحة :)
ده لينك بيلخص الاعطال وطرق تشخيص العطل فى AL4
AL4 Solenoids

المشاركة الأصلية كتبت بواسطة waled_adel

انا معايا سى 4 2006 برده بس من شهر و احد بس يعنى خبرتى ضعيفة جدا

بس انا سافرت بيها وقرص عليها حبتين, فظهرلى فى الشاشة اللى فى اعلى التابلوة

كلمة service وبعد كده stop بس ده كان بسبب الحرارة المرتفعة جدا وبعد كده العربيه طلعت عينى لحد موصلت بيها

كانت كل ما اهدى بيها لاى سبب كان ووصلت مثلا للغيار الثانى لايمكن تعلا عنه الا لما اطفى العربيه شويه وبعدين ادورها تمشى كويس

لما وصلت بها وركنتها وبردت تماما كل حاجة رجعت لاصلها والحمد لله

ولما سئلت اصدقاء لى من زوى الخبرة بالسيارات بصفة عامة اتقلى ان الحرارة العالية اثرت على الكمبيوتر وسنسور الفيتيس ونصحونى كذا نصيحة

منها كنت افصل البطارية تماما علشان الكمبيوتر ينسى error (زى اعادة تشغيل مثلا) بس انا محتجتهاش

وفى احتمال ان السينسور يكون حصل فيه مشكلة ومع اى زيادة مستقبلية فى السخونة ممكن الكمبيوتر يهنج تانى (وده اللى انا خايف منه)

فممكن تسأل عن موضوع فصل البطاربة هل هيؤثر بالسلب على العربية ولا ممكن تجربة عادى ورائى حاول تكشف عن السينسورز كلها بتاعت العربية

ممكن تكون العربيه اتعرضت لسخونة قبل كده اثرت عليها او حتى يكون فى سنسور عمره الافتراضى انتها او يكون error ده نتيجة ان سنسور مش بيقرا كويس من التراب اللى عليه (ودى كانت من احد النصائح اثناء الشراء)

وان شاء الله ربنا يكرمك وتحل المشكله دى
ومتنساش تبقى تقولنا على الحل ليستفاد الجميع

الحصل معاك ان الفتيس سخن قوى و النقلات مش حتنقل فى وقتها بسبب السحنية الزيادة لان الضغوط اختلفت.
لو حصل لحد الموضوع ده تبطل و تسيب العربية تبرد شوية عشان النقلات ترجع تظبط تانى و ممكن لو واقف مدور تشغل التكييف لان المروحة بتشتغل على السرعة العالية و التبريد بيكون افضل لو انت على سرعات بطيئة او واقف

بلاش تمشى و هو سخن عشان البلوف ممكن تبوظ و الكوتش و الجوانات بتاعت الفتيس برده بتتقصر
و الزيت بردة عمره الافتراضى بيقل جامد لما بيزيد عن درجة الحرارة عن التشغيل الطبيعى

المشاركة الأصلية كتبت بواسطة rahieb_100

واضح ان دى مشكلة عامة فى الفيتيس المستخدم فى سيتروين وبيجو (AL4)
وكل ملاك الفرنساوى حول العالم بيشتكوا من المشكلة دى :)
وفى كل الاجابات كانت الحلول كالاتى:
1- تغير البلوف بتاعة الضغط اللى وليد قال عليها بس تغيرهم بنوع تانى غير بتاع AL4
ممكن الاخوة اللى عندهم خبرة اكتر يفيدونا فى النقطة دى
2- تغير زيت الفيتيس على مسافات اقرب من اللى مكتوبة فى كتالوج العربية وخصوصا فى البلاد الحارة زى مصرنا الحبيبة كده ...يعنى بدلا من كل 40 الف كم يبقى كل 25 او 30 الف كم
3- طبعا تغيير الفيتيس بالكامل لو كان لقدر الله اتحرق من جوه
كان فى احد الاشخاص كان بيعمل افتكاسات لتبريد الفيتيس زى انه يركب مروحة او مبرد Radiator على الفتيس...معرفش مدى امكانية ده ايه الصراحة :)
ده لينك بيلخص الاعطال وطرق تشخيص العطل فى AL4
AL4 Solenoids

عزيزي فتيس الc4مزود بمبرد فتيس.....بس المشكله لو فيه مشكلة في دائرة التبريد بشكل عام بسبب في سخونة عاليه في الفتيس يفقد الزيت لزوجته وبالتالي يفقد خواصة ويضعف نقل السيارة للعزم وممكن يتلف الصمامات الداخلية...
م-احمدغلوش

السلام عليكم
الحمد لله المشكلة اتحلت و طلع الموضوع كله سوفت وير للفتيس و اتكلف حوالي 200 جنيه
و مشكلة حزام الامان طلعت في قفل حرام الامان للراكب اللي جنب السائق .
شكرا لكل الاخوة علي المشاركة و التعاون