الموضوع: ايمهما افضل تسقيط موتور 1300 انجكشن ولا موتور 1600؟؟؟؟؟ شاركونى بارائكم

المشاركة الأصلية كتبت بواسطة elandlos

انا براى المتواضع وسط اخوانا الكبار وذوى الخبرة
وببساطه
انا شايف ان العربيه لايجب تغيير اى شىء بالتعديل او الاضافة فيها
فقط اصلح باالحد الادنى من النفقات ماتم انتهاء عمره منها
واذا اردت خطوة جديدة وركوبه جديده بمواصفات وامكانيات جديده
فسوق المستعمل واسع عندما تيتسر لك الامر ماديا

ماهو دلوقتى الموتور فى بداية جوان وش سلندر وكان متغير له جوان قبل كده بس الوش متعملش فيه اى حاجة ولا قفع ولا تقشط فى المخرطة يعني لو فتحت الموتور دلوقتى هملى الوش المونيوم وهاقشطه واركب الجوان واقفل بس انا مش عايز اعمل القصة دى لانى برده مش ضامن وش السلندر .... فكرت فى الموتور 1600 علشان حاجتين عزم اعلى طبعا غير ان ه انجيكشن الى جانب التكييف وفى الاول والاخر موتور المانى

المشاركة الأصلية كتبت بواسطة aw2100

انا كنت بافكر جديا فى الموتور 1600 ووجدت الموتور فى الفراهدة فى الأسكندرية بس لما سئلت على قطع غيار ليه لعمرة زى صبابات او حساسات او حتى جوان وش السلندر مش موجوده جديدة وقليلة قوى فى الأستعمال حضرتك بتقول انه فى مصر فية قطع غيار لل 1600 قطع غيار لعمرة كاملة؟؟ هنا فى الأسكندرية فية ميكانيكى بيركبة ومعاه كهربائى تبعه وبتستلم العربة دايرة وبالضمان كمان بس بسبب قطع الغيار استبعدت الفكرة خصوصا ان موتور 1600 نزل فى الفليشيا ال 1/2 نقل بمعنى انة ممكن يكون مستهلك ويحتاج عمرة بعد كام سنة وانت وبختك بافتراض انة دخن بعد كام شهر حعمل اية حغير موتور تانى و انا مستنى على الفتيس بتاعى 1300 لما يبوظ وخصوصا انة بينقط زيت وحركب فتيس 1600 ان شاء الله فياريت تتاكد وتقولى اية قطع الغيار المتوفرة لموتور 1600 !!

تصحيح لمعلومة موتور 1600 فى نص نقل هو اللى نزل فى نص نقل 1900 ديزل مش بنزين ثانيا العربية نازلة برة بموتورين 1300 و 1600 واللى مخليني متشجع للموتور هو توافر قطع الغيار عند فتح الباب ومحل تانى اسمه عمرو وناجح عندنا هنا فى الجيزة فطبعا مش هجازف واجيب موتور وانا مش ضامن ليه قطع غياره ده اولا ثانيا انا اتصلت بالاخ صاحب موضوع تعديل الفيفوريت وعرفت ان الموتور قطع غياره موجودة وقاللى ان اكتر حاجة كان دايخ عليها من سنتين لما كانت العربية معاه كان سير الدينامو بس .......... سؤال الموتور فى الفراهدة عامل كام عندكم
انا عرفت من صاحب تعديل الفيفوريت انه كان جايب نص امامى اتحاد اوروبى من بورسعيد يعني الموتور بالضفيرة بالحساسات abs وهو ده اللى كان بيقوللى عليه انى مجبش موتور محطوط على الاض لانه بيبقي معاه امبوليزر علشان الموتور لو اتركب واتقفل مش هيدور من غيره
انا لسه مش عارف اوصل لقرار
1- تسقيط موتور 1300 انجيكشن بالتكييف موديل 2002 طبس حاسس ان التكييف هيبقي ضعيف وخصوصا ان العربية عندى كومبى
2- تسقيط موتور 1600 بس ده محتاج الواحد ينزل بورسعيد يجيبه من هناك
3- اجيب عربية مستعملة من 40 لغاية 45 الف