الموضوع: صوت في عفشة سيات ليون

المشاركة الأصلية كتبت بواسطة عبد الرحمن اسامه

هو لو غيرتها في التوكيل برضه هتبقي مضروبه ؟

اعتقد كده الصوت من البلية فعلا و ممكن يكون من حاجه تانيه و لكن مش هندخل في متاهات اعتقد اي حد بيفهم لو رفع العربية و جرب شرية تجارب هيوصل للحل

موضوع التوكيل ده انت و نصيبك و بصراحة انا أشك في نزاهتهم لأني رحت قريبا اشتري فلاتر و تيل فرامل و اسأل علي شوية حاجات لعربيتي ملقتش عندهم غير فلتر زيت و بنزين
تخيل التوكيل مافيهوش قطع غيار ولا سير كاتينة حتي

المهم فلتر الزيت مكتوب عليه الماني و شكله نضيف لكن فلتر البنزين صيني زي اللي بيتباع بره في الشارع بالضبط

الناس دي بتشتري اي حاجه زي بره و بتبيع اي حاجه برضه زي بره

المصيبة السوده ان قطع غيار العفشه و الميكانيكا دي بالذات لو مش اوريجينال هتقرفك لأن للأسف المضروب تعبان جدا و لا يتحمل اي شيء و ميزة العربيات دي في قوة عفشتها و تصميمها و جودة الخامات اللي مصنعه منها لذلك لما بتفقد الميزة دي بتبقي مشكلة فعلا

و ربنا معاك و نتمني وجودك دائما بيننا و ربنا يوفقك لما فيه الخير