الموضوع: الحمد لله استلمت العربيه

بسم الله الرحمن الرحيم
اولا :- الحمد لله استلمت العربيه النيسان الشكل الجديد يوم 26/1/2013 بسعر 99500 طبعا العربيه مانيول عشان انا بحب المانيول و السعر ده طبعا فيه افر بريس 500 جنيه عشان كان سعرها في الحجز 99000 جنيه و انا فعلا حاجز العربيه عند i f g في الاسماعيليه من ثلاث شهور لما كان سعرها 97000 جنيه و بعدين سعر العربيه طبعا زاد و كان هيزيد تاني عشان كده لغيت الحجز بعد ما كانت حاجز اكتر من ثلاث شهور و كان مفيش امل اني استلم العربيه قريبا ولا حتي بالسعر ده عشان كده لغيت الحجز وربنا يعوض علينا
ثانيا :- العربيه مبدئيا بسم الله ماشاء الله عربيه محترمه فعلا و تستاهل الانتظار و سعرها وانا سافرت بيها القاهره مره و كانت العربيه ممتازه
ثالثا :- عندي استفسار من الصقور انا حاسس ان الفتيس المانيول ضعيف شويه و بحس انه ممكن يتخلع و الواحد بينقل و فعلا ده فعلا كان هيحصل معايا مع اني والله بحاول اكون علي قد مااقدر حنين في النقل بس مش عارف في ايه بالظبظ و بحس في الفتيس انه كده فيه رعشه خفيفه بتروح و تيجي هل ده يا صقور عادي ولا ايه مع اني كنت راكب نيو اكسنت 2010 زيرو و ما كنش فيه الكلام ده خالص في الفتيس
رابعا :- انا عامل بالعربيه 400 كيلو و مبدئيا العربيه زي الفل
خامسا :- انا من الاسماعيليه عايز اعرف اقرب و احسن مركز خدمه من الاسماعيليه و اروحله ازاي و كمان ياريت التليفون بتاعه عشان ابقا احجز

الف مبروك وربنا يباركلك فيها ،،،، حكاية الفتيس دي مش طبيعي ابدا انا ده انا بحررك الفتيس بعنننف في كل العربيات المانيوال و عادي جدا لازم حضرتك تروح مركز خدمة تقولهم عالحكاية دي