رابطة مالكى فيكترا سي ★ والصيانات

**kiroo85** · 12-02-2013 07:47 PM

رابطة فكترا سي يا اجدع ناس وتحياتي لفهمي باشا برنس السي | عندي مشكلة في المساعد الامامي شمال .. اشتريت العربية من واحد كان واخد بيها مطب ابن ناس نتج عنه ان المساعد محتاج زرجينة واكد علي كده الجماعة بتوع فيت اند فيكس اكتوبر ان المساعد فيه عوجة خفيفة حوالي 0.75 سنتم وقالولي ان الموضوع ده ممكن يتسبب في مشكلة في الكوبلن علي المدي البعيد الي جانب احساسي العالي بأي مطب او حصو في الارض بالدركسيون ... رجاء الافادة

**احمد فهمى** · 13-02-2013 03:29 PM

المشاركة الأصلية كتبت بواسطة kiroo85

رابطة فكترا سي يا اجدع ناس وتحياتي لفهمي باشا برنس السي | عندي مشكلة في المساعد الامامي شمال .. اشتريت العربية من واحد كان واخد بيها مطب ابن ناس نتج عنه ان المساعد محتاج زرجينة واكد علي كده الجماعة بتوع فيت اند فيكس اكتوبر ان المساعد فيه عوجة خفيفة حوالي 0.75 سنتم وقالولي ان الموضوع ده ممكن يتسبب في مشكلة في الكوبلن علي المدي البعيد الي جانب احساسي العالي بأي مطب او حصو في الارض بالدركسيون ... رجاء الافادة

اخى الفاضل
اولاً شكراً على مشاركتك الجميله
ثانياً حصلى نفس الموضوع والمساعد اتعود هو والمقص وغيرت المقص جديد بعد كده حسيت بخبطع فى المطبات واكشفت لاقيت المساعد معوج من فوق روحت اشتريه جديد صممو انى لازم اشترى الطقم على بعض والعربيه كانت عامله 30 الف كيلو وسفر يعنى المساعين زيرو المهم نزلت على هانى العايدى اشتريت مساعد واحد ب300 جنيه وركبتو ب30 جنيه ومن ساعتها كلو تمام والله المستعان

**احمد فهمى** · 13-02-2013 04:05 PM

المشاركة الأصلية كتبت بواسطة ma7souboz

يا ريت يا أستاذ أحمد تشرحلنا موضوع لمبات نايت بريكر فى العالى والواطى والشبوره زى ما حضرتك ذكرت فى موضوع تانى

و يا ريت برده تشرحلنا موضوع التكويد ده لأنى بصراحه مش فاهم حاجه بس حاسس أنك بتقول كلام كويس هيفرق معانا كتير لو فهمناه ,,, بس واحده واحده علينا يا باشا ,,, إحنا لسا تلاميذ

فى إنتظار ردك يا باشا

اللمبات النيت بريكر انجح لمبه فى العالم دى المانى ومن اوسرام انا مركب 80% زياده وحالياً نلت 100% ولون الاضائه ابيض زى الزينون ال5000k واضائه اقوى ممى تتخيل يعنى انا عندى زينون ونيت بريكر لمى بنور النيت بريكر مبشوفس الزينزن من قوة اضائة النيت بريكر اللمبنتيت بيتباعو مع بعض ب140 تقريباً المهم تشتريهم من مكان محترم وهو 55 واط زى الاصلى بتاع العربيه يعنى لا تحتاج كتاوت ولا حاجه وانا افضلهم عن الزينون

**Kimo20002003** · 13-02-2013 10:34 PM

صباح الفل على كل ملاك العربية ديه
انا كان عندي استفسار صغير انا معايا فيكترا سي ٢٠٠٨ بس عندي مشكلة أنها بتبطل ساعات مش على طول عى المطبات ولو وقفت فجأة مش ديما بس ساعات بتعلمها وساعات ال آر بي أم لينزل ل ٥٠٠ روحت التوكيل قالي العربية سليمة ومافيهاش عاش أي حاجة كل أليي هيا محتاجته قاعدة موتور بس قاعدة الموتور مابتعملش الي بتقول عليه ده
حد عنده فرة دا ممكن يكون من ايه

**احمد فهمى** · 13-02-2013 11:37 PM

المشاركة الأصلية كتبت بواسطة ma7souboz

معلش يا أستاذ أحمد أنا مش فاهم موضوع ال80% زيادة و حاليا 100%

و إيه أفضل مكان أشتريها منه

80% يعنى زياده الاضائه بنسبة 80% وحالياً نزلت ضعف الاضائه 100%
وموجودين عند ارابكوم 2000 مدينة نصر وفى واحد فى الدقى اسمو فادى مركز اوتو سكان فى شارع البحوث

**احمد فهمى** · 13-02-2013 11:41 PM

المشاركة الأصلية كتبت بواسطة kimo20002003

صباح الفل على كل ملاك العربية ديه
انا كان عندي استفسار صغير انا معايا فيكترا سي ٢٠٠٨ بس عندي مشكلة أنها بتبطل ساعات مش على طول عى المطبات ولو وقفت فجأة مش ديما بس ساعات بتعلمها وساعات ال آر بي أم لينزل ل ٥٠٠ روحت التوكيل قالي العربية سليمة ومافيهاش عاش أي حاجة كل أليي هيا محتاجته قاعدة موتور بس قاعدة الموتور مابتعملش الي بتقول عليه ده
حد عنده فرة دا ممكن يكون من ايه

ممكن يكون عندك مشكله فى البوجيهات وفلتر البنزين ممكن توضح حالة عربيتك يعنى الكيلو متر واخر صيانه عشان نشخص الوضع ادق