من ساعة الثورة والواحد بيسمع قصص كتير عن سرقة السيارات والتفاوض مع العصابات!! وكان واحد أعرفه قاللى عن عربية أخوه اللى إتسرقت وراح يدور فى منطقة ناحية العامرية! وودوه منطقة مليانة عربيات مسروقة وقالوله نقى العربية اللى تعجبك بس للأسف مالقاش عربية أخوه وقاللهم هعمل بيها إيه!!
وواحد تانى فيرنا سرقو المفتاح الأول فالسرقة كانت سهلة..
آخر إتنين أعرفهم لسه مكملوش يومين, واحد لسه بيتفاوض وعربيته إلنترا 2012 إتسرقت من سيدى جابر والتانى أوبترا إتسرقت من السلطان حسين وقالوله تجيب شنطه فيها 25 ألف عند مدخل الكافورى ( جنب العامرية وطريق إستاد برج العرب وتشيلها بإيدك ورا ظهرك وواحد هياخدها ويديلك ورقة بمكان العربية ولو بصيت وراك هنقتلك!! وبالفعل سابوله العربية عند مدخل الكيلو 21!!
يعنى تقريبا العصابة أسلوبها واحد ومكانها معروف بالنسبة للشرطة وكمان الشرطة ممكن تدلك على مكان وتقوللك لو مالقتهاش تعالالنا ونقولك على مكان تانى!!
المفضلات