عايز اركب gm

**magedkahla** · 09-02-2013 12:19 AM

انا معاية اكوتافيا a4 2007 راكب فيها اربع سمعات اتنين في الباب القدماني وعامل في شنطة العربية بوكسين حاطط فيهم السمعات البيضاوي أكبر حج جايبهم سوني بس مش فاكر كام وات بالظبط وعندي كاسيت بايونير إل هو أرخص واحد فيه بلتوث اولو 45 بس مش فاكر الموديل كامل اسمو ايه المهم هو 50 وات بس السمعات إل ورى صوتها ضعيف اوي مبيتسمعش بس هي بتقوم بس مش اوي وإل قدام لو علت الصوت ومعلي البيز بحس في صوت زنة كدة فيها مش عاجبني مع اني مغير السمعات من كام شهر كدة 4 شهور بتوع الباب القدامين فالحل ايه اركب جي ام ولا السمعات بايظة

**dr_7ooda** · 09-02-2013 01:09 AM

مش عارف انتا قصدك علي البيضاوي مقاسها 6×12 ولا 6×9

عموما لازم البوكس يكون mdf او اسباني سمكه 18 علي الاقل ويكون مقاسه مش صغير عشان السماعه ما تبقاش مكتومه وترميلك بيييييييييز

وممكن تجيب جي ام 2 قناه : بايونير 400 او كينوود 350 وهما في حدود 400 جنيه

والسماعات اللي في البيبان ممكن تعملها حلقه خشب سمكها 20 ميللي وتربط فيها السماعات وتربطهم في الصاج عشان ما تزنش في الصاج وتخلي ال fader يجيب الصوت علي السماعات اللي ورا اكتر شويه من قدام يعني علي 4 كده مثلا
ولو هيا بترقع البيز مع تعلية الصوت يبقي عايزلك جوز جديد يكون زي البايونير ال 280 والسوني ال 350 ودول 60 rms ودا المقياس الاهم مش الوات

**dr_7ooda** · 09-02-2013 01:11 AM

والكاسيت عندك بيطلع 22 rms لكل فردة سماعه وغالبا السماعات البيضاوي دي من 80 الي 100 rms فطبعا الكاسيت مش قادر يقومها
والجي ام بيطلع حوالي 70 rms لكل سماعه فيقدر يقومها من غير ماتضرب

**dr_7ooda** · 09-02-2013 01:15 AM

ولو انتا من هواة الهبد والرزع يبقي جي ام سيمفوني 260 وات للبيضاوي ب 330 جنيه

**magedkahla** · 09-02-2013 01:25 AM

شكرا جميعا انا البوكس فعلا كبير بس انا بفكر اني الغيه خالص وهخم حته في فرش الشنطة من الجمبين كدة واحط فيهم السماعة وبالنسبة للرزع انا مش من هوات البيز العالي والرزع والكلام ده بس عايز لما اسمع اغنية يبقى البيز حلو والموسيقى تبقى واضحة من غير لغوشة او زنة فهلا اركب جي ام ولا اعمل ايه ولو هركب جي ام ايه افضل حاجة لية بس ايه مش عايز حاجة عالية اوي يعني عايز حاجة في حدود 300 او 350 جنيه

**dr_7ooda** · 09-02-2013 01:38 AM

المشاركة الأصلية كتبت بواسطة magedkahla

شكرا جميعا انا البوكس فعلا كبير بس انا بفكر اني الغيه خالص وهخم حته في فرش الشنطة من الجمبين كدة واحط فيهم السماعة وبالنسبة للرزع انا مش من هوات البيز العالي والرزع والكلام ده بس عايز لما اسمع اغنية يبقى البيز حلو والموسيقى تبقى واضحة من غير لغوشة او زنة فهلا اركب جي ام ولا اعمل ايه ولو هركب جي ام ايه افضل حاجة لية بس ايه مش عايز حاجة عالية اوي يعني عايز حاجة في حدود 300 او 350 جنيه

الكينوود والبايونير سعرهم في حدود 400 جنيه وممكن السوني ب 330 بس مش حلو

وهايعوزوا وصلات وتركيب في حدود 80 جنيه

ولو حطيت السماعات في الفرش مش هايبقوا حلوين خالص . علي الاقل يبقوا علي رف خشب ورا

بالتوفيق

**magedkahla** · 09-02-2013 11:22 AM

أصل انت مش فاهم انا عربيتي استيشن مش شنطة عادية فالشنطة مفتوحة على الصلون وكمان في آخر الشنطة خالص فيه على الجمبين فيه فبرين ممكن يتفكو علشان لما اغير لمبة الفوانيس إل وره فآنا بفكر اشيلهم واركب لوح خشب مكانهم واثبتهم بمسمارين او على قد ما تاخد جميل ويبقى السمعات في اللوح الخشب ده يا رب تكون الفكرة وصلتلك وكمان المساحة جوة الجمب اكتر بكتير من البوكث فبالتالي الصوت هيسمع اكتر ولا ايه وكمان البوكسات واخدة مكان في الشنطة وانا علشان بسافر كتير وبطلع المطار بيها فببقى عايز أكبر مساحة ممكنة في الشنطة فبالتالي مش هعرف احط رف خشب ولا انت ايه رأيك مع العلم ان فكرة البوكس وحشة اوي لأنو مع كل مطب او حفرة يتشألب وكمان لما بطلع الإستبن من تحت الشنطة بحس ان لوح الخشب هيتكسر لأنو بيبقى فوقيه معلش طولت عليكم قولولي إيه رأيكم في الكلام إل انا قولتو