مشكلة في جير لانسر 2007 ارجو المساعدة

**sherif_hafez75** · 09-02-2013 05:32 PM

السلام عليكم ورحمة الله
انا عندي لانسر بومة 2007 اتوماتيك ماشية معاي زي الفل من 2007 لكن مؤخرا لاحظت مشكلة غريبة وهي انه احيانا لما بحط الجير علي وضع r الاقي العربية ما اخدتش الغيار .ارجع علي ال n وبعدين r تاني تاخد الغيار واحيانا نفس المشكلة علي ال d . لكن المشكلة دي نادرا لما تحصل لكن لاحظتها كم مرة في خلال الشهرين الاخيرين.
يا ريت لو حد عنده فكرة عن المشكلة دي وحلها يفيدني لاني موجود برة مصر (في قطر) وبعيد عنكم هنا مفيش ميكانيكية بيفهموا وخايف اسلمها لواحد ما بيفهمش يضيعني . اسف علي الاطالة وفي انتظار ردودكم

**حماده المصري** · 09-02-2013 06:46 PM

لو انت محافظ ومقيش مشاكل عملتها او الفتيس عملها معاك في الغالب مشكله في سوتش النقلات ودي حاجه بسيطه

**sherif_hafez75** · 09-02-2013 07:00 PM

المشاركة الأصلية كتبت بواسطة حماده المصري

لو انت محافظ ومقيش مشاكل عملتها او الفتيس عملها معاك في الغالب مشكله في سوتش النقلات ودي حاجه بسيطه

الف شكر علي اهتمامك
انا محافظ عليها وهي الصراحة شغالة بدون أي مشاكل من يوم ما اشتريتها
طيب لو المشكلة كدة ازاي اتأكد ؟ والسويتش ده بيتغير يعني ولا ايه؟

**ahmedomran** · 09-02-2013 10:38 PM

بص ياباشا احسن حاجه انك تكشف عليها بالكمبيوتر عند اي مركز صيانه علشان يحددلك العطل فين بالظبط يعني لو المشكله في سويتش زي ما الاستاذ حماده قال الجهاز هيطلعه فعلا ان فيه مشكله في السويتش .. بس نصيحه اكشف عليها بالكمبيوتر الاول متعتدمتش علي تشخيص بالبق

**aw2100** · 09-02-2013 10:50 PM

هل غيرت زيت الفتيس قبل كدة ؟ اعتقد انة عيب فى زيت الفتيس العربية موديل 2007 يعنى بقالها حوالى 5سنوات ممكن يكون زيت الفتيس عندك فقد خواصة اول حاجة غير زيت الفتيس لو ماتغيرش قبل كده !!!!
http://www.nilemotors.net/Nile/331227-a.html

**sherif_hafez75** · 10-02-2013 07:31 AM

المشاركة الأصلية كتبت بواسطة aw2100

هل غيرت زيت الفتيس قبل كدة ؟ اعتقد انة عيب فى زيت الفتيس العربية موديل 2007 يعنى بقالها حوالى 5سنوات ممكن يكون زيت الفتيس عندك فقد خواصة اول حاجة غير زيت الفتيس لو ماتغيرش قبل كده !!!!
http://www.nilemotors.net/nile/331227-a.html

انا فعلا غيرت زيت الفتيس لكن متأخر عن ميعاده ,انا غيرته اول مرة علي ال 100,000 كيلو والعربية دلوقت ماشية 120,000 وكشفت علي الزيت قالولي ان حالته كويسة ,تفتكروا ان تأخير التغيير المرة الي فاتت حتي وصلت 100,0000 ممكن يكون اثر علي الجير؟

**sherif_hafez75** · 10-02-2013 09:42 AM

المشاركة الأصلية كتبت بواسطة samooh_2003

انا طبعا لما غيرته غيرته عادي في محطة خدمة مش في التوكيل

**msnaga** · 13-02-2013 09:20 AM

المشكلة ليست فى تغيير الزيت ، ولكن لو عند حضر تك كتالوج العربية هتلاق فيه كيفية استخدام عصاية الفتيس ، فيه نقلات لازم تضغط على السقاطة ونقلات تنقل مباشر دون الضط على السقاطه وهذا مايسبب المشكلة عندك

**sherif_hafez75** · 14-02-2013 07:40 AM

المشاركة الأصلية كتبت بواسطة msnaga

المشكلة ليست فى تغيير الزيت ، ولكن لو عند حضر تك كتالوج العربية هتلاق فيه كيفية استخدام عصاية الفتيس ، فيه نقلات لازم تضغط على السقاطة ونقلات تنقل مباشر دون الضط على السقاطه وهذا مايسبب المشكلة عندك

ممكن حضرتك تكون مافهمتش قصدي ,حكاية السقاطة دي معمولة علشان متحطش غيار بدون قصد في حالة ال R ومن غيرها عصاية الفتيس مش حتتحرك من مكانها اصلا لكن المشكلة في التي ان ساعات بعد ما تحط الغيار الجير مش بياخده اصلا يعني عصاية الفتيس علي ال r والعربية مش واخدة الغيار واحيانا نفس المشكلة علي ال d