الموضوع: تجربة مفيدة عشان سحب العربية

ال stp الفضي ديه نتايجها حلوه بتبقي cleaner fuel system
فيه واحده تانيه injection cleaner بردو تمام
و بردو فيه نوع تاني اسمه junk بس لاجل الامانه ما جربتش

المشاركة الأصلية كتبت بواسطة tananybasha

انا جربت مرة stp و كانت النتيجه ممتازه
بس الفلتر اتسد و سد الرشاشات بعدها
و رميتها و جبت طقم استيراد

اوووووووبا رشاشات مرة واحدة طب وده صدفة والا دى اعراض للمنظف ممكن تحصل كتير

المشاركة الأصلية كتبت بواسطة i_am_legend

انا حاسس ان المنظفات دي اشتغالة

ماهو احنا بنعرف من التجارب هل هى كده والا مفيدة لكن لحد دلوقتى انا شايفها مفيدة

كان عندى سياره أوبل كورسا موديل 94 .
أشترتها سنة 98 وكانت عامله 40 ألف كيلومتر فقط وكانت بحالة الزيرو ولا يوجد بها مشاكل ..... وسنة ألفين كانت عامله تقريبا 100 ألف كيلومتر وكانت مبرجله وبتنتش وغيرت بوجيهات وفلاتر وأحتار فيها الميكانيكيه.
فذهبت للتوكيل اللى فى شارع الطيران الموجود حتى الآن, قالولى حتتكلف 3 ألاف جنيه أو اكثر .
وده كان مبلغ كبير جدا جدا سنة ألفين.
المهم : حطيت عبوة لتنظيف الكاربرتير والإنجكجن وقلت أجرب ... وكانت أول مره فى حياتى أجربها.
والفاجأه إن العربيه رجعت زيرو تانى والموتور بقى زى الحرير ولا تنتيش ولا غيره والسحب 100%.

على فكره أنا بعت الأوبل كورسا سنة 2001 وكانت بحالة الزيرو أيضا ولا يوجد بها أى مشاكل سوى خبطة بسيطه فى الشنطه (الخبطه دى موجوده فى أغلب الكورسا الشكل القديم لأن الإكسدام الخلفى واطى).