مشكلة في زجاج الكهربائي للميجان 2

**mohmdomar** · 10-02-2013 02:44 PM

عندي الازاز بتاع باب السواق والباب اللي وراه بيهيسوا (اللي علي الشمال), لكن البابين التانيين اللي علي الناحية اليمين شغالين تمام

الباب القدماني لازم تدوسه حوالي 5 مرات قبل ما يستجيب ولما يستجيب لازم تفتح الشباك للأخر قبل ما تقدر ترفعه تاني

الباب اللي وراه بيفتح سنة سنة يعني لازم تدوس الزرار كذا مرة لحد ما يفتح للأخر

زائد ان البابين مش بيتقفلوا اوتوماتيك مع باقي العربية لما تدوس مرتين علي زرار القفل في الريموت

هل في بوردة او جزء معين في العربية بيتحكم بالشباكين دول(الناحية الشمال)؟؟

**dedo_ryo** · 10-02-2013 10:42 PM

الازاز عايز يتظبط ... انت شيلت البطاريه صح
اللي ورا اعمله مشوار كامل تحت للاخر و لفوق للاخر هتلاقيه بطل الحركه دي و ممكن اللي قدام برضه
يعني الخلاصه في اللي ورا دوس دوسه ينزل شويه دوس تاني و تالت و رابع لغايه ما يوصل لتحت و اعمل نفس الكلام لفوق و انشاء الله بيقي تمام

**ahmed_hanafi** · 11-02-2013 07:44 AM

اعتقد يا باشا ان وحدة الرفع اللي في الجنب الشمال باظت وعايزة تتغير

**Ahmed Amin** · 18-02-2013 02:25 AM

كنصول الأزاز اللي علي أيديك الشمال اللي فيها الاربع زراير هيا اللي فيها المشكلة,,
هتنضفها الأول بإسبراي جاف لو عرفت لو معرفتش أعملها عند مركز خدمة تعرفة,
وفي الغالب لو متحلتش بالتنضيف هيبقي عندك نفس الأي سي اللي ضارب عندي.
بس أبدء بالتنضيف وممكن تكون المشكلة فيه بس.