منضم جديد لوحوش الميجان و محتاج مساعدتكم

**ahmed mfo** · 11-02-2013 09:03 PM

معلش يا جماعه محتاج مساعدتكم ضرورى
انا كنت اشتريت عربيه ميجان 2005 يوم الجمعه
انا شوفتها صدفه وصاحبها كان لسه بيركن عند الجامع الى بعد السوق وانا الحقيقه كنت نازل الف فى السوق عشان كنت عايز اشترى عربيه فى حدود 50000 وكنت مستعجل اوى عشان هسافر يوم السبت
و انا اصلا كل اسبوع بنزل من رفح للقاهره و يوم الخميس وبرجع تانى يوم يوم السبت الفجر
المشكله انى مكنتش مرتب انى اشترى رينو ميجان
وحاولت اتصل بكذا حد واحد يدلنى على مركز صيانه معتمد موصلتش لحاجه
المهم كشفت عليها فى بنزينه و جربتها وكلامو ان فى ترشيح للزيت من اولسيه و رشه اكسدامين و رفرف
كبس المتور 75 فى الميه فبريكه بره وجوه وحالتها نضيفه
الى شوفتو من التجربه عايز رأيكو فيه اناكده كده هكشف عليها يوم الجمعه فياريت تعرفونى على مكان قريب من مدينة نصر عشان اعرف الى فيها
المهم الى حسيت بيه هو:
1-صوت حاجه بتخبط فى العفشه الاماميه اكن حاجه مفكوكه بتبان فى الطرق المكسره
2- عدم انتظام rbm خصوصا اول لما بدور وهيا بارده ولو زودت بنزين ممكن العربيه تبطل
3-صوت تكتكه صغيره اوى من المتور وساعات يروح الصوت لما العربيه تسخن
ياريت تسعدونى و تطمنونى معلش طولت عليكو

**Ahmed Selim** · 12-02-2013 05:44 AM

أولاً الف مبروك عليك و ربنا يديك خيرها و يكفيك شرها.

1- محتاج وصف أكتر للصوت و طالع منين.........بس عموماً جرب تربط العفشة و تشوف.
2- ليها أكتر من سبب.......محتاجة حد يكشف عليها و يقولك.
3- مش عارف ممكن يكون أيه..........بس عموماً هو صوت موتورها عالي شوية مقارنة بالياباني و الكوري.

لو محتاج تكشف عليها روح عند فرنش موتورز فى الرحاب أو عين شمس....أو التوكيل.

**ahmed mfo** · 12-02-2013 10:04 PM

معلش يا جماعه انى اتاخرت فى الرد بس كان عندى مشكله فى الدخول على النت
انا شاكر جدا لاهتمامكم و ردودكم بس كان عندى استفسار
هل فرنش موتورز شغال يوم الجمعه ورقم تليفون المركز للسؤال على العنوان
و شاكر جدا مقدما

**abasse** · 12-02-2013 11:27 PM

فرنش موتورز فى واحد فى أخر جسر السويس وفى واجد فى الرحاب الرقم ممكن تلقيه فى موقع التوكيل

مراكز خدمة رينو | التوكيل
نصيحة أكشف كويس خصوصا أن مشوارك بعيد عشان متتعبش فى الصيانة
وزى ما قالك أحمد لعب ال أر بى أم ليه أكتر من سبب بس أنا شاكك يكون حساس
الصوت الى فى أول التشغيل أتأكد أنه مش الصوت ده

Megane III 2009 1.6 16v dephaser pulley 2011-01-17 - YouTube

وربنا يوفقك

**ahmed mfo** · 13-02-2013 10:27 PM

المشاركة الأصلية كتبت بواسطة abasse

فرنش موتورز فى واحد فى أخر جسر السويس وفى واجد فى الرحاب الرقم ممكن تلقيه فى موقع التوكيل

مراكز خدمة رينو | التوكيل
نصيحة أكشف كويس خصوصا أن مشوارك بعيد عشان متتعبش فى الصيانة
وزى ما قالك أحمد لعب ال أر بى أم ليه أكتر من سبب بس أنا شاكك يكون حساس
الصوت الى فى أول التشغيل أتأكد أنه مش الصوت ده

megane iii 2009 1.6 16v dephaser pulley 2011-01-17 - youtube

وربنا يوفقك

شاكر جدا لردك واهتمامك
هو الصوت مش شبه الى فى الفيديو هو واحد زميلى قالى الصوت ده لو سمعه فى عربيته (كرستاله) هيروح يظبت تكيهات مش عارف قلقان من الصوت ده خصوصا وانا بعد الشراء ماديا مش مظبوت وخصوصا انى لسه لابس حفره عملت بلونه فى فردة كوتش
ربنا يحلها ان شاء الله
شكرا جزيلا

**MohammedAladel** · 15-02-2013 01:12 AM

بص حضرتك هو صوت تكتكة ممكن يكون من الكمبرسور

أو من ترس الديفيزور زى ما الفيديو وضح فوق

والله اعلم

بالنسبة للآر بى أم ممكن يعمل معاك كدا الكويل

مع الأستاذ أحمد لما حساس الأوكسجين باظ كان تقريبا بيخلى العربية تبطل بس لما كان بيدوس بنزين دقيقة كدا على آربى إم عالى شوية كانت العربية مش بتبطل ويبتدى يتحرك وهو هيأكدلنا

أما عن الصوت اللى جاى من الأمام ممكن يكون حاجة فى العفشة زى البطاحات مثلا

**ahmed mfo** · 17-02-2013 07:26 PM

كنت عايز رائيكو فى حاجه
رحت لمركز المصطفى فى صقر قريش وقالى ان صوت التكتكه ده عادى فى كل العربيات الرينو
بس قالى ان موضوع التبطيل و العربيه بارده مشكلة ترس الدفيسير بس الغريبه ان الترس متغير من 5000 كيلو حسب فواتير الصيانه فى فرنش موترز
فهل المشكله فعلا مشكلة ترس ولا تنظيف رشاشات او بوابه
و لو مشكلة ترس هل يتغير فى الضمان لانه لسه متغير فى التوكيل
شاكر مقدما على المساعده

**MohammedAladel** · 17-02-2013 08:27 PM

لو متغير من 5 آلاف كيلو مش معقول يكون باظ

التكتكة مش عادية طبعا ....أنا أعرف إن الكمبرسوربيبقى فيه بلى لو متأكل ممكن يعمل التكتكة دى والله أعلم

بالنسبة لتبطيل العربية ممكن يكون حساس أوكسجين

**ahmed mfo** · 17-02-2013 08:56 PM

فى البدايه شاكر جدا لاهتمامك يا استاذ محمد
هو قالى ان المتور سخن عن الطبيعى مره و البساتم الومنيوم و الشمايز زهر فالبساتم اتمددت ووسعت الشمايز سنه بسيطه فالبستم بيلق جوه الشميز وهو بيتحرك بس من غير تهريب للضغط او حاجه و معظم الرينو فى المشكله دى
انا حاولت اقول الى هو قالو بالظبت