التسول اصبح مهنة و لها تقاليدها و الاعيبها
المحتاج غالبا لايتسول ( تحسبهم اغنياء من التعفف )
انا مرة واحد متسول بيطلب منى حسنه قلتله تعال اشغلك عندى تعرفو كان رده ايه , قاللى مانا بشتغل انت فاكرنى صايع , قصده انه يعمل بالتسول !!
عرض للطباعة
التسول اصبح مهنة و لها تقاليدها و الاعيبها
المحتاج غالبا لايتسول ( تحسبهم اغنياء من التعفف )
انا مرة واحد متسول بيطلب منى حسنه قلتله تعال اشغلك عندى تعرفو كان رده ايه , قاللى مانا بشتغل انت فاكرنى صايع , قصده انه يعمل بالتسول !!
الناس بقت تستسهل التسول لما يبقى شحط كده وداير يشحت والله عجبي
حصلتلي مره قبل كده و ماردش عليه
و حصلتلي مره بس المره دي اتثبت و ماعرفتش ارد و اديته 5 جنيه
و لسه قريب في فرح واحده قربتي شحاته دخلت القاعه و هات العلبه لولا ان انا و امي قمنا عليها و خرجناها و ندهنا الامن و زعقنا فيهم و بعدها برضه و انا بركب العربيه جت عليا بصت عليا و جرت من وشي
الشحاته بقت مهنه
و مره تانيه واحده بتشحت مني قلتها صدقيني انا هاحصلك قريب و هاجي اخد منك فلوس
لازم وقفه يا جدعان بس ايه هيا
السلام عليكم ورحمة الله وبركاته
الاخ الكريم سبعاوي
ابدأ حديثي بقوله تعالى
" وأمّا السائل فلا تنهر "[1].
وقال رسول (ص): " لا تردوا السائل ولو بشق تمرة " وقال (ص): " لولا أن السائل يكذب ما قدس من ورده " وقال (ص): " للسائل حق وإن جاء على الفرس " وقال (ص): " لا تردوا السائل ولو بظلف محترق "[2]. ولو كان السؤال مطلقاً حراماً لما أجاز الله ورسوله إعانة العاصي على معصيته.
ان كان كاذباً فاحتسب الاجر عند الله تعالى
وطبعاً إن كان صادقاً فبإذن الله يكتب لك الاجر ايضا وربما يزيد ..
وما نقص مال من صدقة
العبره بالنية .. ومش معنى انه بيكذب اني اخلى الشيطان يغلبني واقول لا ده اكيييد كداب مش هديله
ليييييييه ؟؟
اديله حتى لو انا متأكد انه كذاب .. وهو وانا حسابنا عند الله عزوجل
ولا ايه ؟؟؟
عموما انا عايز اقول لحضرتك حاجه كلامي ده لو مش متفق معاك ومع كل مسلم مكنتش حسيت بتأنيب الضمير مع انك حاسس بنسبة كبيرة انه كذاب ..
تحياتي
ـــــــــــــــــــــــــ ـــــــــــــــــــــــــ ـــــــــــــــــــــــــ
[1] الضحى، الآية: 10.
[2] صححنا اكثر الأحاديث هنا على ما في سفينة البحار الجزء الأول ص585 وكتاب الزكاة من الوسائل أبواب الصدقة باب 33 ـ 37 واحياء الأحياء في كتاب الفقر.
كلام جميل.... بس دة ينطبق على السائل المحتاج مش المحترف
اللى عايز يتصدق يروح مجوعة رسالة مثلا او جامع بيعول المحتاجين و كدة... الناس دى بتدور على المحتاجين بجد و تديهم
MMamdouh
مره انا وواحد زميلي اختلفنا في الموضوع ده
قلتله انه مايستاهلش الفلوس و ان الجنيه او الاتنين جنيه دول احطهم في جمعيه خيريه و هما اولى
قالي انت مش ربنا علشان توزع الفلوس و قال الحديث الي هو اعطي السائل و لو على ظهر فرس
انتوا شايفين ايه