حكاية الدواء دي قديمه جدا و بتتعمل من ايام المتسول الرابع,( لان من الاول للثالث كانوا بالكلام بس),,,
و دي مدارس,
عايز اوضح حاجه حصلت مع كذا واحد من اصحابي في الصيدليات بتاعتهم,,
ييجي واحد و معاه واحد غلبان و يقول للصيدلي اصرفلي الدوا ده
ييجي الصيدلي يصرفه و الراجل يحاسبه مهما كان سعر الدواء (ملحوظه : معظمها ادويه غاليه و بتكون لامراض مستعصيه زي السرطان او الكبد او الفشل الرئوي )
و بعدين يعطي الدوا للراجل الغلبان و يمشي طبعا ربنا يديله على قد نيته و يرزقه على الي عمله ,,,, ولكن...
بعد 5 دقائق يعود الراجل الغلبان و معاه الدوا و يعرضه على الصيدلي و يقوله خدوا بنص السعر!!!!!
طبعا الصيدلي بالنسباله ده يعتبر مكسب من الهوا و يمكن اكتر من لو باع الدوا نفسه و الدوا هيفضل عنده برضه و يبيعه لحد تاني
معظم صحابي لما فهموا اللعبه مرضيوش طبعا و في منهم الصراحه كان ضميرهم مخروم شويه و عملوها و في منهم واحد صادف ان واحد صاحبه ظابط كان قاعد معاه قام بكل هدوء مسلمه للبوكس و اخد منه الدوا و راح حط تمنه في الجامع