سواق تاكسى جابلى اكتئاب النهاردة الصبح

**MMamdouh** · 26-09-2008 10:41 PM

لسة امبارح على القهوة جة واحد بيشحت و بيقول "حاجة من زكاة رمضان" و لما اتلفت عشان ابصلة لقيطة طول بعرض و اصح من البغل... طيب بتشحت ليه؟؟

العملية بقت استسهال... ليه اشتغل و اتعب لما ممكن اشحت؟... خصوصا ان الشحاتة بتلم فلوس اكتر بدون تعب

انا اقترح اننا منديش اى حد بيشحت... اللى عايز يدى فلوس يديها لحد محتاج بجد وبيشتغل

اكيد كل واحد فينا يعرف حد غلبان... ساعى... بواب... حتى لو واحد بيبيع فوط صفرا فى اشارة.... اهو على الاقل مش بيشحت و بيقول ادينى

MMamdouh

**tutankhamoun** · 27-09-2008 10:00 AM

أحنا شعب فهلوي أبن فهلوي و كلنا عاملين ناصحين و دهنا الهوا دوكوا و خرمنا التعريفة ....... و إلى أخر هذه القصيدة الهابلة اللي بنقنع نفسنا بيها إننا أفضل خلق الله

المهم أقصد إن أحنا دايما نستغل المواقف
يعني عارفين إن الناس طيبين و بتحب تعمل خير

يقوموا يستغلوا الموقف ده و يشحتوا في الشارع

نفس المواقف اللي أتحكيت من الأخوة الأفاضل قبلي حصلت معايا و مفيش داعي لتكرارها

أنا شايف
إن أي حد بيشحت في الشارع .......
لا أعطيه ......... لا أعطيه ............. لا أعطيه

اللي عايز يتصدق
يتصدق على الفقراء فعلا و أعتقد إن أغلبنا نعرف ناس فقيرة و محتاج فعلا المساعدة و يمكن أغلبهم مش بيسأل

المساجد ........... و الجمعيات الخيرية ............. و التبرع للمستشفيات و هكذا

إنما ولاد التيــت اللي في الشارع
خلاص ........... ممنوع نديهم

و حسبي الله و نعم الوكيل

**drhaytham** · 27-09-2008 04:16 PM

على فكرة ياجماعة اللي عايز يتبرع لمستشفى يجيب دواء لمعهد الاورام او وحدة السيزيوم في القصر العيني- المكانين دول بيعانوا من نقص شديد في ابسط الادوية(زي مضادات الفطريات الي ب 10 جنيه مثلا) الي عايز يتبرع يروح الصيدلية ويسال عن النواقص اللي ممكن يجيبها و يروح يشتريها من اقرب صيدلية وهم هناك هيستلموها بورق رسمي يعني بتدخل على عهدتهم وكدة افضل من التبرع للشحاتين اللي معظمهم اغنى مننا

**solycar** · 27-09-2008 06:00 PM

ليه تتعب اكتر لما ممكن تتعب اقل و تجيب فلوس و سلملى على ضميرك

**Dr_Mido** · 28-09-2008 05:42 AM

ووحدات الكلى والرعايه فى القصر العينى القديم
و مستشفيات ابو الريش بتاعه الاطفال برصه بتحتاج حاجات كتير لو حد عايز بيروح هناك وبيعرف المطولب واللى بيقدر عليه بيوفرة

**drhaytham** · 28-09-2008 05:12 PM

المشاركة الأصلية كتبت بواسطة Dr_Mido

ووحدات الكلى والرعايه فى القصر العينى القديم
و مستشفيات ابو الريش بتاعه الاطفال برصه بتحتاج حاجات كتير لو حد عايز بيروح هناك وبيعرف المطولب واللى بيقدر عليه بيوفرة

جزاك الله خير فعلا كلامك صح

**egyptianmafia** · 28-09-2008 08:16 PM

I live on Makram Ebeid and I see lots of people who are just sitting and walking around with broom sticks (kanaseen) and knife sharpening begging for money and its the same people every day and they stand at the same spot. I dont know why the knife sharpening beggers have grew since Ramadan....I never saw those people before....but since the begining of Ramadan, I see them daily....

Masr kolaha ba2o kanaseen.....

I also see the same lady pushing some girl with a baby on a wheelchair and sometimes they switch places....lol....I am honestly shocked!!!!!!

**mobitic** · 28-09-2008 10:55 PM

والله الموضوع فعلا محير
بس إيه الحل
كلنا عاوزين نعمل خير وفى نفس الوقت منحسش إننا اتنصب علينا من واحد من الشحاتين دول.
هوا فى حاجه جت على باللى عارفين إيه ... ( بيت المال ) أكيد كلنا سمعنا عنه.
طب ليه ما يتعملش حاجه زى بيت المال كده
يعنى اللى عاوز يحط صدقة أو زكاة مال أو أى حاجه يحطها فى بيت المال ده.
ويبقى فى ناس شغالة فى بيت المال ده من كل التخصصات ( يعنى يكون فيهم أخصائيين اجتماعيين ومندوبين من الشرطة وووو... ) ويكون هدفها معرفة الناس اللى محتاجة فعلا مش النصابين ويتابعوهم ويتأكدوا منهم ومن حالتهم .
والله ياريت يبقى فى حاجه زى كده.
ولا أنتوا إيه رأيكم.

أخوكم محمد

**جمال** · 29-09-2008 02:16 AM

المشاركة الأصلية كتبت بواسطة mobitic

والله الموضوع فعلا محير
بس إيه الحل
كلنا عاوزين نعمل خير وفى نفس الوقت منحسش إننا اتنصب علينا من واحد من الشحاتين دول.
هوا فى حاجه جت على باللى عارفين إيه ... ( بيت المال ) أكيد كلنا سمعنا عنه.
طب ليه ما يتعملش حاجه زى بيت المال كده
يعنى اللى عاوز يحط صدقة أو زكاة مال أو أى حاجه يحطها فى بيت المال ده.
ويبقى فى ناس شغالة فى بيت المال ده من كل التخصصات ( يعنى يكون فيهم أخصائيين اجتماعيين ومندوبين من الشرطة وووو... ) ويكون هدفها معرفة الناس اللى محتاجة فعلا مش النصابين ويتابعوهم ويتأكدوا منهم ومن حالتهم .
والله ياريت يبقى فى حاجه زى كده.
ولا أنتوا إيه رأيكم.

أخوكم محمد

ويحصل فيه زى اللى بيحصل فى بنك الطعام ؟؟
( حسب مقال الكاتب حمدى رزق فى المصرى اليوم عدد يوم 27 سبتمبر )

دى بلد فيها الفساد زايط

-

الموضوع: سواق تاكسى جابلى اكتئاب النهاردة الصبح

LinkBack

أدوات الموضوع

عرض

-

-

-

-

-

المواضيع المتشابهه

اضحك مع سواق توك توك موقف حصل معايا النهاردة

تاكسى الساعة 5 الصبح ؟؟

اذكى سواق تاكسى فى مصر

كنت هموت النهاردة بسبب سواق ميكروباص حمار

الكلمات الدلالية لهذا الموضوع

المفضلات

المفضلات

ضوابط المشاركة