بأختصار حد جرب مقاس كويتش ١٥/١٩٥/٦٠ على يارس

**Kareem.ElAraby** · 12-02-2013 10:46 AM

حبيبي الله يكرمك و يباركلك فيها و يكفيك شر العين

قريبي جربه في ال 14 عاوز أقولك بيقولي أجيب الفرده ديه ولا أجيب الميشلان !!

ه ناس جربت نقشه اسمها S DRIVE ديه كلبه أداء بقي تراكشن وهمي بس صوتها عالي سيكه و ما بقتش بالاقيها

و لكن ال C DRIVE ما بين الاتنين تراكشن حلو و صوت هادي و ناس هنا علي المنتدي ركبته و عجبها أوي مماثل ل ال تورانزا GR-90 مع الفارق في السعر هو اقل بالتلت تقريبا عن البريدج

انا ان شاء ناوي عليه بس لما ربك يبعت بفلوس و ممكن تسأل الناس اللي ركبته هنا علي المنتدي

افكس بقي لكومهو و هانكوك و ركز في بريدج و يوكاهاما و ميشلان و بس و شوف ال REVIEW بتاعهم علي النت و الاهم النقشه مش نوع الكاوتش و شوف ال Yokahama S Drive ديه علي تاير راك عامل ايه و جايه قبل مين و بعديها مين

بالتوفيق

**acc_jimmy** · 12-02-2013 02:10 PM

كويس ان مقاس الكاوتش فى مصر 15 185/60 هنا فى السعودية الياريس بتنزل 14 175/65 اعلى فئة بس اللى بتنزل بجنوط 15 185/60
ده الكاوتش 14 175/65

وده الجنوط 15 185/60

**Ahmod** · 13-02-2013 04:51 AM

ال 195 يحك !! ؟ ياراجل يا طيب ده ال 205 مش بيحك !!

الياريس تشيل معاك لحد 215 بدون مشاكل

نصيحتي ليك لو حابب تزود الثبات جامد !! يبقى تعمل الافتكاسة اللى انا عملتها

فردتين قدام مقاس 195/55/15

ورا فردتين مقاس 205/55/15

وهتدعيلي من هنا للسنة الجاية !!

الاهم من المقاسات نوع الكاوتش اللى هتركب

ال S drive وال Ecsta SPT تقريبا نفس الاداء والاتنين افضل من التورنزا ال GR90

انا جربت ال Ecsta SPT وبصراحة الفردة دي جباااارة ماشاء الله تبارك الله

**Kareem.ElAraby** · 13-02-2013 05:03 PM

solus وحش جدااااااااااااا
مفيش تماسك ولا ثبات و زحاليق مع الفرامل

**Y a r i s** · 13-02-2013 06:47 PM

حبايب قلبي جميعاً
يارب كده يوفقكم ويرزقكم واشوف كل واحد فيكم دكتور قددد الدنيااااااا .... ونفرح بيكم يارب ونشرب شربات فرحكم قادر ياكريم :)

دلوقتي في مشاركة هنا لدكتور احمد بيقول فيها مقاس ١٥/٥٥/٢٠٥ مزبوط
المقاس ده اذا بيركب على اليارس. فهل ممكن نخصم من ال ٢٠٥ بتاعت العرض ونخليها ١٩٥ ملي فقط
ونزود مقاس الارتفاع من ٥٥ ل ٦٥ ملي !

اصل انتوا عارفين النظرية ايه كل ما يزيد الارتفاع تحس العربية كده من بعيد واقفة زي الفرسة الي مش ناقصها غير الخيال الي هو انا. وتلاقيها كده تشرح القلب بسم الله مشاء الله مش عاوز احس ان العربية نايمة على الارض ومركب فيها فرد عاملة زي البلي الصغير ... اصل انا بإذنك يارب. وبمشيئة واحد أحد ناوي اجنط العربية. بس هركب الجنوط الاصلية بتاعت العربية الي هيا مروحة. ١٥ اسبور .

فلو انا ركبت الجنط الاسبور بتعتها الاصلي ( استيراد)
وركبتوا على نفس المقاس بتاع الكويتش الفبريكة يبقى انا بكده عملت ايه كده تيتي تيتي زي ماروحتي زي ماجيتي ... فانا عاوز اعلي سنة وارفع بس كمان خايف من الاحتكاك لدرجة امبارح حلمت بكابوس اني جنط وجي فرحان. بالعربية لقيت الكويتش اتقطع وقعد يحك فالموضوع مشكل ليا نوع من الهاجس فهل لو ركبت مقاس ١٩٥ / ٦٠ /١٥ يعني زودت ١٠ سم عن مقاس الفبريكة. هيحك. في الكرتيرات. بالزات ان فتحات الكرتيرة في اليارس مش كبيرة زي العربيات الكوري والالماني دي يادوبك على القد فاهمني ! ... وتحياتي

**Lifz_Good** · 13-02-2013 07:15 PM

تركيبة Ahmod
ممتازة
هترفع ورا وتركع أدام
بمعنى
العربية من أدام ارتفاعها ثابت وورا هتترفع سنة مقابل عرض مرضي جداً
وانعدام تقريبي للإحتكاك في المطبات

وعلى فكرة عرض جنطك يشيل لحد 205 مثالي و215 ماكسيمام