الموضوع: بأختصار حد جرب مقاس كويتش ١٥/١٩٥/٦٠ على يارس

المشاركة الأصلية كتبت بواسطة Y a r i s

حبايب قلبي جميعاً
يارب كده يوفقكم ويرزقكم واشوف كل واحد فيكم دكتور قددد الدنيااااااا .... ونفرح بيكم يارب ونشرب شربات فرحكم قادر ياكريم :)

دلوقتي في مشاركة هنا لدكتور احمد بيقول فيها مقاس ١٥/٥٥/٢٠٥ مزبوط
المقاس ده اذا بيركب على اليارس. فهل ممكن نخصم من ال ٢٠٥ بتاعت العرض ونخليها ١٩٥ ملي فقط
ونزود مقاس الارتفاع من ٥٥ ل ٦٥ ملي !

اصل انتوا عارفين النظرية ايه كل ما يزيد الارتفاع تحس العربية كده من بعيد واقفة زي الفرسة الي مش ناقصها غير الخيال الي هو انا. وتلاقيها كده تشرح القلب بسم الله مشاء الله مش عاوز احس ان العربية نايمة على الارض ومركب فيها فرد عاملة زي البلي الصغير ... اصل انا بإذنك يارب. وبمشيئة واحد أحد ناوي اجنط العربية. بس هركب الجنوط الاصلية بتاعت العربية الي هيا مروحة. ١٥ اسبور .

فلو انا ركبت الجنط الاسبور بتعتها الاصلي ( استيراد)
وركبتوا على نفس المقاس بتاع الكويتش الفبريكة يبقى انا بكده عملت ايه كده تيتي تيتي زي ماروحتي زي ماجيتي ... فانا عاوز اعلي سنة وارفع بس كمان خايف من الاحتكاك لدرجة امبارح حلمت بكابوس اني جنط وجي فرحان. بالعربية لقيت الكويتش اتقطع وقعد يحك فالموضوع مشكل ليا نوع من الهاجس فهل لو ركبت مقاس ١٩٥ / ٦٠ /١٥ يعني زودت ١٠ سم عن مقاس الفبريكة. هيحك. في الكرتيرات. بالزات ان فتحات الكرتيرة في اليارس مش كبيرة زي العربيات الكوري والالماني دي يادوبك على القد فاهمني ! ... وتحياتي

باشا ال 195 مستحيييل يحك !! انت بتتكلم في ايه !! ؟

انا مركب قدام فردتين 195/50 مع جنط 16 !! وزي الفل

وواحد صاحبي مركب 205/50 مع جنط 16 في الاربع فرد وزي الفل برضوا !!!!

وبعدين يا باشا معروف كل مالعربية ماتبقى نايمة على الارض كل مايبقى شكلها احلى ومتوحش ورياضي !! ؟ اول مرة اشوف حد بيقول ان العربية وهي عالية بتبقى حلوة !! ؟؟؟

الى غير انها لما تعلى الثبات هيقل !! يبقى انت ماعملتش حاجة

المقاس المظبوط مع العرض 195 في حالة الجنط ال 15 حاجة من اتنين

195/55/15 او 205/55/15 ولك مطلق الحرية تركب انهي فيهم والاتنين مش هيعملو اي مشاكل معاك

ماتنساش تركز على نوع الكاوتش اما S drive او Ecsta SPT Ku31

المشاركة الأصلية كتبت بواسطة Ali_Affan

تركيبة Ahmod
ممتازة
هترفع ورا وتركع أدام
بمعنى
العربية من أدام ارتفاعها ثابت وورا هتترفع سنة مقابل عرض مرضي جداً
وانعدام تقريبي للإحتكاك في المطبات

وعلى فكرة عرض جنطك يشيل لحد 205 مثالي و215 ماكسيمام

+1111111 وده فعلا اللى حصل ان العربية بقت عاملة زي السهم عالية من ورا حجات بسيطة وواطية من قدام واداني ثبات رائع جدا

المشاركة الأصلية كتبت بواسطة Kareem.ElAraby

لو مقاسات مختلفه ورا و ودام
هيعمل الروتلشن ازايي !
و يا سلام بقي لو directional rotation

ماهو في الحالة دي مش هينفع يعمل Rotation للاسف !!!

انا فكرتي ان اركب قدام 195/50 وورا 205/50 هي ان ازود الثبات وفي نفس الوقت مش عايز اعرض العجل القدام والعربية دفع امامي فهيقلل معايا السحب شوية

وبيني وبينك الموضوع جيه بالصدفة اصلا !!

انا كنت مركب الاربع فرد 195/50/16 وجت فردة جابت بلونة ونوع الكاوتش كنت جايبه اكسليرا التماسك بتاعه مش قد كدة !!

فكنت حابب اغير ل Ecsta فمالقتش منه المقاس 195/50/16 !! فاضطريت اني اجيب 205 وحطيتهم ورا

والحمد لله طلعت افتكاسة كويسة