طب لو تعرف حد بنفس الجودة و سعر أقل ممكن تبعتلي التفاصيل على الخاص
عرض للطباعة
انا عملت الفلوينس اول ما جبتها عندهم و نزلت صورها فى موضوع هنا فى المنتدي
انا كنت منغاظ من السعر وقتها بس لما شوفت العربيه بعد ما خلصت
محدش شاف العربيه الا لما قالي شكل العربيه من جوه تحفه معتقد ان ده فرش الفبريكه
يا ريت بعد اذن الاداره لو حد ليه تجربه مع مكان تاني ارخص و بيدي نفس الجوده انه يحط تفاصيل الوصول ليه خدمه للاعضاء
خلى بالك بردة ياشهدى باشا ان الكارينز ماشاء الله كبيرة عن اى عربية , والسعر دة بردة هيكون على حسب الشغل اللى انت طالبة
يعنى عايز فرش كامل ( سقف - ارضية - فرش كراسى - فرش ابواب - مخدع - زيادة عوازل ) غير الايدى العاملة الماهرة جدا ودة عن تجربة فى عربية هوندا سيفيك ماشاء الله عليها
والمشكلة ان السروجية كتير بس مش هيطلعوا الشغل زى مانت عايز
يعنى لما تدفع 1000 جنية فى شغل سروجى وفى الاخر تلاقى واحد عامل عند جينز كار ب 1800 جنية بس تشوف الفرق مابين الاتنين هتقول ( ماكنش مشكلة ال 800 جنية بس العربية تتطلع كدة
- خلى بالك ان فى السيفيك 2010 عندنا كان فية فئتين لل vti واحدة ب 178 الف جنية ودية كانت فرش قماش , والتانية كانت ب 188 الف جنية وكانت بفرش جلد ( يعنى 10 الاف جنية زيادة عشان فرش الجلد ) بس اتفرج عامل ازاى تحفففففففففففة بكل المقاييس
اكيد هو مش هيدفعك 1800 جنية ويديك شغل اى كلام او نص جودة
وخصوصا انة راجل محترم جدااااااااااا , ودة كلام كل واحد بيروح هناك
انا عايز اتكلم فى حاجة تانية عشان فى ناس اتكلمت ان كل الخامات واحدة برة
انا هقولو ماشى كل الخامات واحدة برة
بمعنى انا راجل ترزى ممكن حد يجبلى قطعة من القماش
انا ممكن افصلها ب2 جينة
وغيرى برة يفصلها ب 1
احنا كدة هنتكلم فى حاجة تانية سعر المهارة
بمعنى المصناعية
بمعنى تانى تمن نظافة الشغل ...الحاجات دى ليها سعر ممكن بفوق تمن الخامة نفسها
بمعنى انت ممكن تجيب خامة ب 10 جينة وتفصلها ب 25 جينة
معىا العلم انا مش بتكلم على جيتز كار اانا بتكلم عموما
انا عملت الفرش بتاعى عند سروجى استاذ فى صقر قريش ب 1200 بالدريكسيون
وكان شكله تحفه
بس لما شفت زميل عامله عند جينز كار ب 1500 اتجننت بصراحه لانه كان تحفه خامه وصنعه
حتى الخيط بتختاره
صراحه انا ندمت جدا جدا
وخاصه ان عندى بعد سنه الفتيل بدأ يتنتش
لكن هو ما شاء الله
انا عامل فرش وشنطه وخياطه دبل والتكلفه 1000 جنيه فقط لا غير. دي اول نقطه
تاني نقطه ان في حد بترتاح في التعامل معاه وفي حد ممكن صنعته كويسه بس تعامله مش كويس او اخره اهلا وسهلا يافندم شرفتنا والكلام ده.
انما في جينز كار لما بروح بحس اني صاحب مكان فعلا.
ولو على الفلوس صدقني دي اخر حاجه الحج احمد بيفكر فيها وعمل عربيات ببلاش اساسا وجلد مش اي حاجه.. ومش عاوز اذكر اسماءهم :)
وكمان انا عاوز اقولك حاجه. تفتكر لما يبقى سعره غالي والناس بتروحله مش يبقى اكيد انسان ناجح ماشاء الله وربنا يزيده ؟
طب مين يوصي عليا عندة ان شاء الله عندى شغل فى القاهرة ونازل يوم 3 الشهر اللى جى
وطبعا انا مينفعش اخد ميعاد لانى بسافر فلو يمكن حد يوصي لو تكرمتم يوم 3 اللى جي حروحلة على الساعة 2 الضهر وامشي وقت مايخلص
كلامكم خلانى اتردد !!!
Sent from my GT-N7100 using Forum Runner
بصراحه مش عارف أقول ايه. كل اللي كنت عايز أقوله اتقال وأهم نقطه ان أي عربيه هتنزل بفئه فيها فرش قماش وفئه فرش جلد هتلاقي فرق السعر على الاقل خالص خالص 5 تلاف جنيه وممكن يوصل 15 ألف وشغل جينز كار على حسب مواضيع كتير جدا هنا في المنتدى ممتاز جدا ده غير ضمان 4 سنين محدش تاني هيدي الضمان ده الا لو كان فعلا واثق تماما من جوده الشغل. وخد بالك من نقطه فهمهالي واحد حداد لما كنت بعمل شغل حديد للبلكونات والشبابيك ان الشغل الغالي داخل فيه خامات عاليه والاهم الصنايعيه نفسها. قالي أنا مش بجيب أي واحد خالي شغل وأشغله حداد بيوميه 30 جنيه وأسيبه يهرس في الشغل لكن أنا عندي حدادين صنعتهم الحداده ومش هاخد منك عربون ولو الشغل معجبكش أو لو مجاش في معاده مش هتدفع حاجه وهركبلك الشغل لو عايزه. مع اني مفهمش في الحديد بس اقتعنت بكلامه خصوصا اني مش خسران حاجه ومش هدفع فلوس الا لما استلم الشغل وبعد ما ركبه وبعد كده بقيت أدقق في شغل الحداده في أي شقه عن أي حد من قرايبي حسيت بفرق كبير جدا جدا وعرفت اني كنت هندم جدا لو كنت استرخصت ولعلمكو أنا سمعت أسعار توصل لحد 800 جنيه في المقاوله وواحد تاني قالي 1500 وواحد تاني 2500 والراجل ده أنا دفعتله 3600 جنيه ومندمتش لحظه على الفلوس اللي دفعتها.
ومثال تاني كان مع بتاع الالوميتال كان أغلى شويه من ناس تانيه وقلتله ليه أدفعلك انت أكتر وفيه غيرك أقل؟ قالي الالوميتال نوع كذا اللي عندي هوه نفسه نوع كذا اللي عند أي محل بس فيه فرق كبير في التقفيل واللحامات والاكسسوارات ولو ارتحت في ميزانيه الشغل أقدر أركب عزل ممتاز ميسربلكش تيارات هوا في الشتا وأوكر نضيفه متبوظش كل شويه والسلك ميصديش ولا ينشف ويتقطع الخ الخ. وفعلا لما ناس بتجيلي وتشوف الاوميتال بتشكر في الشغل جدا وخصوصا اللحام اللي بيبقى في الزوايا مش باين خالص وكأن الشباك كله حته واحده.
أنا أسف اني دخلتكو في أمثله ملهاش علاقه بالعربيات بس حسيت انه بيوضح ان لكل شغلانه صنعتها وتفاصيلها اللي ممكن المشتري مياخدش باله منها بس بتفرق معاه كتير بعد الاستخدام.