تامر حبعتلك حاضر
احنا مش بنعيب فى الحاج احمد ... احنا فقط نتسأل يعنى حق الرد على اية مفيش غيبة او نميمة او غلط فى حق الراجل لا سمح الله
عرض للطباعة
تامر حبعتلك حاضر
احنا مش بنعيب فى الحاج احمد ... احنا فقط نتسأل يعنى حق الرد على اية مفيش غيبة او نميمة او غلط فى حق الراجل لا سمح الله
شهاده خالصة لوجه الله
انا عملت عند جينز كار فرش للسبورتاج وكنت فعلا" مستغلى جدا الأسعار علشان كان المفروض المبلغ 2500 جنيه أعلى خامات لفرش الأرضية والكراسى
وبعدين علشان خاطر المنتدى وعلشان الناس المحترمة إللى كلموه الراجل عمل أحسن واجب وخفض المبلغ لـ 2000 جنيه غير الهدايا
وكلام فى سركو برضو كنت مستغلى المبلغ بس بعد استلامى العربية وخاصتا صباح اليوم الثانى فى النهار يعنى الفرش كان واضح جدا انه يستحق علشان الفنش العالى وجودة الخامات
وطبعا كان بعض الأصدقاء المقربين لى قبل مشاهدة الفرش قالو لى طبعا انت تجيب فرش تانى فوقه علشان تحميه دا بـ 2000جنيه طبعا كلام كله من باب المزاح يعنى
و ما حدث بعد استلامى السيارة ومن قال ذلك شاف الفرش أعجبهم جدا واجمعوا انه يستاهل وقال لى انا أحدهم عايز أعمل نفس الفرش وعند نفس الراجل ونفس الخامات ونفس الغرزة وعلى فكرة الكلام ده كان فى سيارة سكودا فانتازيا
ونفذنا على الفور والراجل طبعا برضو أعمل معانا حسن واجب وللأمانة كان لى بعض الملاحظات على فرش الأرضية وفى مقابلة كانت فى الرحاب كلمت الحاج أجمد رحب جدا ومن غير ما يزعل وقال لى لو عايز نفكه كله ونعمله تانى مافيش أى مشكلة تحت أمرك فى أى وقت
وبعدين عرفت بعد كده ان فى سروجية مبيرضوش يشتغلوا فى ارضية الفانتازيا علشان مقرفة حبتين ثلاثة
وبعدين كفاية ان الفرش صعب جدا تفرق بينه وبين الأصلى
المشكلة الوحيدة الوقت السيارة بتأخذ تقريبا يوم كامل
نهاية الكلام فى فرق كبير بين الفرش وفرش تانى
وياريت يا أستاذنا الكبير / احمد مشعل وعلشان خاطر الناس الحلوة تعمل تخفيض شوية تبقى كده كسرت الدنيا
طيب افرض ياجماعه انا جبت الخامات كلها ياخد مصنعيه كام اصل كده ياجماعه المصناعيه داخله فى 1200 جنيه انا شايف انه كتير ياجماعه
بخصوص فرش الارضيه انا ليا ملاحظه ووجه نظر وهى ان اى عربيه غاليه المفروض انها ماتعملش فرش جلد للارضيه عشان جمال العربيه الداخلى بيروح وبتبقى مش تمام
والله انا جبت دواسات حوض حاكمه تمام على ارضية العربيه + دواسات موكيت اصليه 4 قطع جايين مع العربيه و بتركب فى نطاق الارضيه واى جزء بيترب بنضفه بالمكنسه الكهربا فى الجراج كل اسبوع والدواسات نفسها (الموكيت ) ممكن تتغسل فى البيت وتتنشر فى الشمس وكده يبقى تمام
واعتقد ان الميجان كانت بتنزل بالدواسات الموكيت الاصليه دى صح ولا ايه ؟؟
ماهو الواحد مش حياخد كل حاجه هو عايزها
لكن الكراسى الجلد لا مفر منها شكلا وموضوعا
متحاولش الفانتازيا كده ... وعملتها عند جينز كار برضه ونفس الشكوي (بعض الخياطات ظاهره - فيه اماكن عاليه وواطيه وهكذا)
بس مفيش سروجي شاف فرش الارضيه الا وقلي تمام اوي انه وصل للمرحله دي اصلا لان محدش بيرضي يعمله
فرش الكراسي بقي ده كله اجمع انه الفابريكا بتاع العربيه خصوصا اني لما اخترت الفرش اخترت ابو 1900 من غير الارضيه
وبالارضيه تقريبا كان الحساب بتاع 2400 او 2500 بس طبعا اتعمل خصم محترم علشان نايل وكريم منير (مش عارف ينفع اقول السعر بعد الخصم ولا لا)
ده غير الهدايا واللذي منه الي لاقيتها في العربيه لما روحت استلمها
____________________________________________
وفي موقف حصل هناك لما انتظرت شويه مع العربيه وجات عربيه فانتازيا زيرووووو اعلي فئه جلد وفتحة سقف وهكذا
وكان وشها كله مخبوط واتظبطت ورشت رفرفين ومغيره كبوت واكصدام
والمفاجاه مغيره باب خلفي يمين بس الباب الي راكب بتاع تاني فئه اوتو الي هوا القماش
وصاحب المعرض جايب العربيه وعايز يعمل فرش الباب ده جلد علشان العربيه متباعه انها فابريكااااااااااااااااا
وربنا يشهد استاذ عبد الفتاح الي ماسك جينز كار رفض يستلم العربيه ورفض يعمل فيها اي شغل
حتي لما جه (الضحيه الي اشتري العربيه) كانوا مفهمينه ان العربيه فيها غلطه وهيا نازله كده
وانا كلمت صاحب العربيه وفهمته ان فيها وفيها واستاذ عبد الفتاح معترضش ابدا اني اتكلمت خصوصا ان كلامي ممكن يخسره صاحب المعرض الي دايما بيتعامل معاه
لاكن الراجل خلاني اخد راحتي في الكلام وصاحب المعرض واقف هيتجنن وشايف البيعه بتروح منه
بالعكس بعد ما مشيوا استاذ عبد الفتاح قالي صح كده وكويس انك اتكلمت لان هوا مكنش ينفع يتكلم بسبب علاقته بالراجل صاحب المعرض
ده موقف حصل قدامي وشهاده لله
A.Yakout