الموضوع: لية اسعار جينز كار مبااااااااالغ فيها كدة ؟!

الصراحة انا متعملتش معاة فى شغل بس مرة روحت عشان اسئلو على حاجة لما كان معايا الجيب
الراجل الصراحة خدوم جدا ومحترم
بس سبنى اوضح ليك حاجة انا مش دفاعا عنو انا معرفوش ولاة عملت شغل عندو ولاة اعتقد انى ممكن اعمل عشان العربيات الى بشتريها كلها لازم تكون جلد فبريكة
المهم
انا راجل عندى ورشة لتصنيع الملابس
والحاجات عندى غالية شوية
لكن انا بتميز انى لما اجى اشترى البضاعة بنقى اغلى حاجة وافضل حاجة
وممكن فى الاخر لما حد يشترى من عندى حاجة مثلا بجينة ممكن يلقيها بردة بنص الثمن ونفس الشكل
لكن الفرق مش بيظهر غير بعد الاستخدام والعمر الافتراضى ووجودة الخامات
والرخيص لى زبونو والغالى لى بردو زبونو
الصراحة انا مش بفهم فى الجلد والنوع الى هى بيستعملو والانواع الى برة

انا ماعرفش جينز كار ولا اعرف حاجه عنه ولكن
حضرتك ممكن تجيب بنطلون جينز من محل ب180ج
وممكن برضو تجيب بنطلون جينز من محل جنبه ب80ج بس
وده هيتلبس ويشتغل والتانى نفس القصه وممكن كمان الغالى ده يدوب ويتقطع قبل الرخيص ولكن بيكون فى فرق فى الخامه والجوده والفينش والمكان برضو وموقعه

المشاركة الأصلية كتبت بواسطة mahmoud_anwar

ياجماعة محدش يضحك علي نفسة ويقعد يقول الحاجة ام 100 مش زي الحاجة ام 50
لي الاسف احنا عندنا في مصر جشع وكل واحد بيحط السعر الي علي مزاجة انا مش قصدي حاجة لاسمح الله علي الناس بتوع جينز كار لكن انا بتكلم علي الناس الي بتقول البنطلون ابو كذا وبيكون هو هو نفسه لكن بيختلف في الخامة
مش حقيقي لي ان لي الاسف مش كل الباعة بتسافر تشتري بضاعتها من الخارج وحط 100 خط تحت الجملة دي
بيكون في تاجر كبير وهو مش واحد بس بيكون كذا تاجر بيشتري بضاعة من الصين المضروبة والصيني وهكذا ويجي بيها علي البلد يجي صاحب محل يشتري منه واصحاب المحلات الاخري تشتري منه وهكذا عارف بتفرق من سعر لسعر ليه
علشان هو واخد مثلآ محل ايجار في شارع شهاب لايقل ثمنة في الشهرعن 10 الف جنية واكتر اما لو نزلت مثلآ في مكان شعبي بيأجر المحل بي5 الف وهتلقي نفس الخامة ونفس الشكل وهتلقي سعرة مختلف ليه علشان انتا بتشتري من المهندسين غير لما بتشتري من اي منطقة اخر عومآ عندنا هنا التجار بيحملة المستهلك ضريبة المحل وايجار المحل و ديكور المحل وكهرباء المحل
لي الاسف مافيش رقابة عندنا في مصر وفي عندنا هنا مصانع بتضرب الماركة وتحط صناعة تركيا كمان

ياباشا انت عندك حق ولما انا اتكلمت انا مش بحط قاعدة اكيد فى ناس بتبع باسعار غريبة
بس دى العملية كلها عرض وطلب
مثلا تيشرت ب 100 جينة فى محل عادى
ونفس التشيرت 500 جينة فى ستى ستارز
طبعا احنا فى مصر مفيش جهاز ممكن يراقب الاسعار او الحاجات دى
بس القصة هنا بتجى من عند العميل او الزبون هو الى يقدر اذا كانت دى تستاهل او لاء
لكن متقوليش ان كل حاجة حاجة زاى بعضها
او جينة زاى ابو عشرة
عندك مشترك الكهرباء عند اى كهربائى ب 7 جينة
انا اشتريت واحد من مول الكمبيوتر ب 35 جينة
وبقالو معايا 7 سنين زاى الفل
فى حين انى كنت بستخدم مشترك صينى من عند الكهرباءئى واحد كل شهر
فى الاول وفى الاخر العميل هو المسؤل هو الى يحدد اذا كان المنتج دة يستحق او لاء
لكن مينفعش نعمم ونقول كلو واحد