اقتباس المشاركة الأصلية كتبت بواسطة mohamed_rhem مشاهدة المشاركة
اسمحلي اختلف مع حضرتك

انا شخصيا معايا سيارة ياباني مستوردة من اليابان

يعني سيارة اسيوية الصنع (في نظري لا تفرق كثيرا عن الكوري والصيني الا في التقفيل والخامات وتقل عن

الكوري والصيني في التكنوليجا القديمة شويه والكماليات)

وفيها وسائل امان 2 ايرباج

رغم كده الاوربي والامريكي حاجة تانيه خاااااااااااااااالص

مش معني ان عربيتي اعتمادية ومريحاني وبحبها يبقي بقت زيها زي الاوربي

السيارات ده معمولة علشان تحمي اللي راكبها وخاماتها وتقفيلها حاجه تانيه

جرب تدوس فرامل في عربية كوري او ياباني وجرب تدوس في اوربي

وانت تعرف الفرق

جرب تدخل بعربية سيدان منطقه مكسرة

وشوف مين عفشتها هتشخلل

جرب اقفل باب عربية اوربي واقفل باب عربية اسياوية وانت تعرف الفرق

واخيرا ربنا يعفينا ويقينا شر الحوادث

شوف عربية اسياوية عملت حادث وشوف عربية اوربي عملت حادث

شوف نسبة خروج دول من دول بدون مشاكل او ا صابات (طبعا ده حاجه بتاعة ربنا)

واخيرا وليس اخرا اللي يقدر يجيب عربية اوربي يجيب واللي ميقدرش لا يكلف الله نفسا الا وسعها

حفظنا الله جميعا وامتعنا بسيارتنا
مع احترامى لكلامك :
كلامك غير دقيق , لان كل صناعة فيها الحلو و فيها الوحش ... يعنى مش كل الأوربى روعة و لا كل اليابانى وحش ... فى عربيات يابانى تفوق عربيات أوروبى فى الأمان و العفشة و المواتير كمان عندك مثالين السوبارو و الهوندا : السوبارو تفوقت على مرسيدس و بى ام دبليو فى اختبارات الأمان لمدة 4 اعوام متتالية و لازالت تحصل على 5 نجوم فى اختبارات السلامة الأوروبية نفسها زيها زى العربيات الأوروبية... و عندك الهوندا و موديلات الأعلى فالنيسان و تيويتا زى الليكسز تتفوق على الأوروبى فالفخامة و فى مواد التصنيع...
المسألة لا تعتمد فقط على اوروبى و لا اسيوى : كل شئ فيه الحلو و الوحش...