نتيجه فحص الموتور

**abo_pasem** · 12-02-2013 03:16 PM

المشاركة الأصلية كتبت بواسطة hamahmy

يا جماعة البستم كده لازم يتغير لأنه اتجرح من الوش اثناء خبط الصباب عاليه و انكساره و ممكن يكون حصل فيه شرخ داخلى و ده خطر مع التحميل و اتناء الاحتراق.......اهم حاجة يكون الشيميز ماحصلش ليه أذى.... (موضوع تغير البستم بواحد زيه تمام حايخليه يتلاشى موضوع فك البلوك و خرطه و طبعا ساعتها حايجيب بساتم تانيه خالص (جديدة) ده غير انه فك الموتور كامل و دخل فى عامره كاملة بعد ما كانت ممكن تتلم بنص عامره ..... اما موضوع طقم الصبابات فهو حايشتريه لازم عشان ياخود منه صباب و احد بدل اللى اتكسر و ده عشان مش حيلاقى صباب كده مع نفسه بيتباع ......و حتى لو لقى فانا مش افضل ان يكون الصباب مستعمل.....

لا يا ريس البستم سليم وزي الفل غن شاء الله
هوا إتكشط شويه بس ما وصلش لجوه يعني حاجه من بره كده إن شاء الله
والميكانيكي جابلي صباب من عنده بس شكله جديد
إن شاء الله العمليه تمشي وكلع هايبقي تمام بإذن الله وحده
والحمد لله علي كل حال
مشكور علي الإهتمام باموضوع

**gebreel** · 12-02-2013 06:26 PM

طيب الحمد لله انها عدت على خير

**adel_edrees** · 12-02-2013 07:25 PM

ممكن البستم يشتغل تانى و كويس حتى مع الخدوش اللى بتبقى فى الوش ولكن الخطر بيبقى من الشميز لو أتجرح أو أن الشنبر يبقى فيه مشكلة يجرح الشميز ويسلخه و بالمناسبة الشمايز بتاعة اللوجان بتتغير زى الببجو لو حدها و ألا ثابتة فى جسم الموتور ما بتتغيرش

**abo_pasem** · 14-02-2013 06:17 PM

المشاركة الأصلية كتبت بواسطة mahraan

الحمد لله انها جت علي قد كدا والف حمد الله علي سلامه العربيه وان شاء الله ربنا يعوض عليك خير .. ومبروووووووك انها اتصلحت

الله يبارك في حضرتك
الحمد لله علي كل حال
بفكر أبيع بصراحه عشان زهقت منها خالص ومش عايز اركبها تاني

**gebreel** · 14-02-2013 08:36 PM

المشاركة الأصلية كتبت بواسطة abo_pasem

الله يبارك في حضرتك
الحمد لله علي كل حال
بفكر أبيع بصراحه عشان زهقت منها خالص ومش عايز اركبها تاني

يا باشا الموضوع مش مستاهل ده كلو ... اي عربية بيجي عليها وقت و تبدأ تدلع على صاحبها شوية و يا تتظبط يا تفتح بقها قوي و ساعتها الطلاق هو الحل =)

في رأيي اصبر عليها شوية و حاول تظبطها على قدر الامكان و لو حسيت انها مبتتسدش ساعتها بيع

**adel_edrees** · 15-02-2013 06:07 PM

مستنيين من حضرتك تقرير بالمشكلة و التكلفة و تكلفة الأصلاح الأولانية علشان لو حد عايز يصلح بره التوكيل يبقى عارف أنها مغامرة محسوبة أو غير محسوبة ده راجع لتقديره هو و كل واحد حر أنه يصلح فى المكان اللى هوه شايفه لكن بتقرير حضرتك حتبقى وضحت الصورة أكتر

-

-

-

الموضوع: نتيجه فحص الموتور

LinkBack

أدوات الموضوع

عرض

-

-

-

-

المواضيع المتشابهه

نتيجه قرعه الاراضى

نتيجه فحص االعربيه ع االكمبيوتر

نتيجه الشد والسرعه

نتيجه الثانويه العامه

نتيجه مقابله يناير

الكلمات الدلالية لهذا الموضوع

المفضلات

المفضلات

ضوابط المشاركة