الموضوع: العثور علي علي 300 سيارة مسروقة بالاسكندرية

المشاركة الأصلية كتبت بواسطة Karim_Monir

الموضوع عامل تفاعل قوي علي صفحتنا علي الفيس بوك
Chronik-Fotos | Facebook
لو حد اسكندراني يعرف المكان بالتفصيل يشرح للناس

يا رب يكون سبب في عثور اصحاب السيارات المسروقة علي سياراتهم ربنا يرد كل ضالة لصاحبها

المشاركة الأصلية كتبت بواسطة SHNORY

عند مرور محرم بيه المكان ده
الي عاوز يروح
عند اخر الصحراوي بعد ما تعدي داونتاون وكارفور اسكندريه
بدل ما تمسك وسط الطريق علشان تطلع علي البحر
بتمسك يمين الطريق وتطلع كوبري حينزلك قدام المرور بالظبط

دي نقطة البترو كيماويات يا باشا مش محرم بك عيب عليك دا انت اسكندراني اصيل

المشاركة الأصلية كتبت بواسطة bybers

اللى كاتب الموضوع بيقول ان الحضانة عند نقطة البتروكيماويات اللى تبع قسم العامرية , وحضرتك بتقول عند مرور محرم بك , انتو كده توهوتونا !!!!!!!!!!!!!!!!

حضرتك روح قسم شرطة العامرية وهو قريب من الطريق الصحراوي قبل مطلع كبري العامرية للقادم من القاهرة وهم حيودوك النقطة

المشاركة الأصلية كتبت بواسطة SHNORY

الحضانه اللي اعرفها عند مرور محرم بيه
واسمع ان فيه حته اسمها ارض الشرطه في نادي الصيد ودي تساع 1000 عربيه
حسال عن اللي في العامريه دي واجيبلكم اخبارها

لا مش ارض نادي الصيد دي فاضية
نقطة البتروكيماويات في جنبها ارض فاضية بتاعة المحافظة وليها مدخل (مدق) وعليه حراسة من الشرطة هم عاملين الارض دي حضانة مؤقتة للعربيات المسروقة

المشاركة الأصلية كتبت بواسطة ahmedhilmy

و العربيات دي من اسكندريه بس

المشاركة الأصلية كتبت بواسطة إسلام حسن علي

على فكرة أنا أتصلت بالقسم ورد عليا ضابط شرطة وأقسم ان الكلام ده كله كدب في كدب ... أتمنى من الأخوة أن تتقي الله في أخبارهم... وحسبي الله ونعم الوكيل

وحنستفيد ايه بس
صديق ليا بالعمل مسروق منه فيتارا وقلتله علي الموضوع وراح معاه ضابط قريبه سال في قسم العامرية قالوله معندناش الماركة دي اساسا ولما راح النقطة بنفسه لقي هناك 3 فيتارا (للاسف ولا واحدة منهم بتاعته) بس ده بيوضح ان الاعتماد علي كلام القسم مش كويس

المشاركة الأصلية كتبت بواسطة aboharb

السلام عليكم

الموضوع ده حقيقى انا صاحبى اتسرقت عربيته فى رمضان اللى فات وعمل محضر وبعد المحضر كذا استعلام والنتيجه مفيش نتيجه بعد 8 شهور اتصلو بيه فى الجيزه وقالوله تم العثور على العربيه وهتستلمها من مركذ العياط المفاجئه انه لقى العربيه تم العثور عليها بعد 5 ايام من سرقتها مرميه على الطريق و8 شهور مرميه فى مخزن العياط والمدريه عارفه واجرائات بين الادارات 8 شهور والعربيه بقى حالتها يرثى لها اتكسرت واتشال منها حاجات جديد وقالى ان شاف هناك عربيات كتيره ممسوكه ومحدش بلغ صحابها

سيارة عمي موجودة عندهم من سنة تقريباً ومكناش نعرف والقسم مبلغناش لما لاقوها والمديرية مكنتش عملت لها نشرة رغم انهم عملو كف بحث

عمار يا مصر


التفسير الوحيد اللي عندي لللخبطة دي ان جهاز الشرطة مش مؤهل للتعامل مع هذا الكم الفظيع من سرقة السيارات

تحياتي