متعكنن من ساعة ما جيت

**aldesha989** · 09-03-2013 05:20 AM

السلام عليكم ورحمة الله وبركاتة

امبارح طلعت مشوار 50 كيلو رايح و50 جاى ويمكن اقل حاجه بسيطه

المهم وانا رايح العربيه كانت تمام اينعم السحب مش عاجبنى بس مش بطاله

وكنت ماشى على 80 و 90 ما كملتش ال 100

وانا راجع زودت لحد 110 وطبعآ السحب ميت ميت ميت انا اتعذبت علشان اجيب ال 110
جايب خامس وجايب اخر دواسة البنزين والتجميع تقيل اوى

الاهم من ده كله وكله ان صوت الماتور على اوى والعربيه على السلانسيه ولما اديها غيار واطلع تهدى ادوس دبرياج الصوت يعلى اوى كأنى دايس بنزين على الاخر
ابطل العربيه تبرجل وتبطل بعد 4 ثوانى كأنها واخده كهرباء زياده

انا مغير بوجيهات وفلاتر ودديسك واسطوانه ومقصات قدام وتيل امامى وسلك بوجيهات وفيوزات ومروحه علشان باظت :d
وكل حاجه من دى ما كملتش شهر وشويه
انا عايز اعرف فى ايه قبل كده عملت معايا الحركه دى والميكانيكى لعب فى البوابه التانيه والعربيه اتظبطت بس هو انا كل ما اعدى ال 100 هدخل للميكانيكى ولا ايه ؟
وبعدين انا مش فاهم التجميع البطئ ده من ده مع ان البوجيهات كمان 3 شمعه فى واحد منهم بس 1 شمعه علشان سن ال 3 شمعه ما ظبطتش فى مكان من الاربعه وباظ ورميته :s

**kaza** · 09-03-2013 08:02 AM

عربية نوعها اية ونظام الوقود والاشعال اية

**aldesha989** · 09-03-2013 08:06 AM

المشاركة الأصلية كتبت بواسطة kaza

عربية نوعها اية ونظام الوقود والاشعال اية

مازدا 121 موديل 98 كربراتير اتنين بوابه

**kaza** · 09-03-2013 08:20 AM

فعلا الباب التاني لو معلق بيشتت تضاغط الهواء اللي داخل المنيفلود وبالتالي السحب بيقل لكن لما بتشيل رجلك من علي دواسة البنزين بتقفل البوابة الاولي وبالتالي بينتظم تضاغط الهواء ودوران الموتور بيزيد وينتظم
يبقي اول حاجة راجع ميكانيزم الكربراتير وبالاخص من ناحية البوابات وتاكد انة سليم ولو مزرجن رشة اسبراي دبليو دي 40 تفك ابوة اما لو لقيت الدنيا تمام ومافيش حاجة دور العربية وبص في فتحات الكربراتير بعد ما تفك فلتر الهواء وتشوف هل فية قطرات وقود من حين لاخر بتنزل من انبوب فنشوري للمنيفلود(من جوة الفتحة)لو كدة يبقي مستوي العوامة مش مضبوط وبيحتاج يتظبط بس لازم اعرف ماركة الكاربريتير
اما لو لقيت الكربراتير تمام ومافيهوش حاجة شوف ضغط طلمبة البنزين كويس ولا لاء بفك خرطوم البنزين اللي رايح للكربراتير وتدوير العربية بالمارش مع فصل البوبينة ونشوف اندفاع البنزين مايقلش عن 40 سم من الخرطوم تقريبا
لو اقل يبقي الطلمبة ضعيفة وبرضة لازم اعرف بقيلها اد اية في العربية وميكانيك ولا كهرباء
اما لو كل دة سليم يبقي ننقل للشمعات ودورة الاشعال ودي قصة تانية طمني

**aldesha989** · 09-03-2013 08:28 AM

المشاركة الأصلية كتبت بواسطة kaza

فعلا الباب التاني لو معلق بيشتت تضاغط الهواء اللي داخل المنيفلود وبالتالي السحب بيقل لكن لما بتشيل رجلك من علي دواسة البنزين بتقفل البوابة الاولي وبالتالي بينتظم تضاغط الهواء ودوران الموتور بيزيد وينتظم
يبقي اول حاجة راجع ميكانيزم الكربراتير وبالاخص من ناحية البوابات وتاكد انة سليم ولو مزرجن رشة اسبراي دبليو دي 40 تفك ابوة اما لو لقيت الدنيا تمام ومافيش حاجة دور العربية وبص في فتحات الكربراتير بعد ما تفك فلتر الهواء وتشوف هل فية قطرات وقود من حين لاخر بتنزل من انبوب فنشوري للمنيفلود(من جوة الفتحة)لو كدة يبقي مستوي العوامة مش مضبوط وبيحتاج يتظبط بس لازم اعرف ماركة الكاربريتير
اما لو لقيت الكربراتير تمام ومافيهوش حاجة شوف ضغط طلمبة البنزين كويس ولا لاء بفك خرطوم البنزين اللي رايح للكربراتير وتدوير العربية بالمارش مع فصل البوبينة ونشوف اندفاع البنزين مايقلش عن 40 سم من الخرطوم تقريبا
لو اقل يبقي الطلمبة ضعيفة وبرضة لازم اعرف بقيلها اد اية في العربية وميكانيك ولا كهرباء
اما لو كل دة سليم يبقي ننقل للشمعات ودورة الاشعال ودي قصة تانية طمني

انا للاسف مش عارف شكل البوابه التانيه ايه

بس اللى انا فاكره ان الميكانيكى رش عليها الدبليو وزيتها وقالى تمام وقعدت كتير وماكنتش بتعمل حاجه بس علشان انا ببقى اغلب الوقت فى البلد فأخرى 80 لانها زحمه وقليل اوى لما بشد النصيبه انها بعد ال80 تنزل تزقها احسن لو عايزها تجمع بسرعه

بس ما علينا من السحب مش مشكلة دلوقتى انا عايزه اعرف ليه البوابه معلقه دلوقتى وكل شويه تعلق وتعلى صوت الماتور بالشكل ده انا حاسس وانا بدور بنزين انى جايب اخر البدال مع انى بلمسه بس

**kaza** · 09-03-2013 08:39 AM

مصر بلد التراب والمشكلة ان مع ركن الغربية لفترات طويلة الاكسات والميكانيزمات بيبقي فيها او عليها طبقة زيت اوشحم بسيط لحمايتها من الصداء والعوامل الجوية فبتلم تراب وتعلق وتعيق الحركة وبالتالي بيلزم تنظيفها من وقت للتاني والافضل يبقي معاك علبة اسبراي زيت وترش الاجزاء دي من وقت للتاني
عربيتك حلوة ونادرة وربنا يباركلك فيها

**kaza** · 09-03-2013 08:41 AM

ممكن والعرية واقفة والموتور مبطل دوس الدواسة اكتر من مرة لاخر مشوارها وسيبه بسرعة ممكن تفك شوف وطمني

**aldesha989** · 09-03-2013 08:48 AM

المشاركة الأصلية كتبت بواسطة kaza

مصر بلد التراب والمشكلة ان مع ركن الغربية لفترات طويلة الاكسات والميكانيزمات بيبقي فيها او عليها طبقة زيت اوشحم بسيط لحمايتها من الصداء والعوامل الجوية فبتلم تراب وتعلق وتعيق الحركة وبالتالي بيلزم تنظيفها من وقت للتاني والافضل يبقي معاك علبة اسبراي زيت وترش الاجزاء دي من وقت للتاني
عربيتك حلوة ونادرة وربنا يباركلك فيها

المشاركة الأصلية كتبت بواسطة kaza

ممكن والعرية واقفة والموتور مبطل دوس الدواسة اكتر من مرة لاخر مشوارها وسيبه بسرعة ممكن تفك شوف وطمني

جزاك الله كل خير هجرب بأمر الله وارد عليك
وربنا يباركلك ويجزاك كل خير

**EngAhmedSayed** · 09-03-2013 02:59 PM

راجع على ريجلاش سلك الاكسرتير على ذراع الكربرتير ممكن ميكونش مظبوط

-

الموضوع: متعكنن من ساعة ما جيت

LinkBack

أدوات الموضوع

عرض

متعكنن من ساعة ما جيت - انشر الموضوع فى :

-

-

-

-

المواضيع المتشابهه

ساعة الميجان 24 ساعة

من 0 إلى 100 فى ربع ساعة!!

للبيع ساعة b r e i t l i n g لمدة 24 ساعة فقط و بسعر خرافي

واحد متعكنن فتح منتدى العكننة وهذه قوانينه العامة

الكلمات الدلالية لهذا الموضوع

المفضلات

المفضلات

ضوابط المشاركة