احنا لحد دلوقتى معظم الاراء مع المستعمل ال على قد فلوسنا بدل الزيرو التقسيط خصوصا اننا لو هانجيب كسر زيرو او استعمال معقول
وبصراحة كلام الاستاذ خالد خلانى اقتنع اكتر بالرأى ده.
عرض للطباعة
احنا لحد دلوقتى معظم الاراء مع المستعمل ال على قد فلوسنا بدل الزيرو التقسيط خصوصا اننا لو هانجيب كسر زيرو او استعمال معقول
وبصراحة كلام الاستاذ خالد خلانى اقتنع اكتر بالرأى ده.
موضوع حلو بصراحه ويمكن يفيد كل شخص بيفكر في الشراء وعشان كده هقول تجربتي في الشراء يمكن يفيد حد بيفكر يشتري
1- قررت تجيب مستعمل على قد فلوسك ولا تجيب جديد وتكمل أقساط؟
قررت اجيب جديد واكمل اقساط
2- ليه اخذت الاختيار ده؟
في اواخر 2007 دورت على مستعمل فعلاً وكنت هجيب ستروين أكسارا 2002 اوتوماتيك على 42000 جنيه بس لاني مكنتش بفهم في العربيات اوي خفت في اخر لحظه من المستعمل وخفت يطلع فيها مشاكل مكتشفهاش غير بعد ما اشتري وللاسف ملاقتش حد ممكن اثق فيه يساعدني في الكشف على السياره قبل الشراء
3 - العربية نوعها ايه؟ وموديلها؟ وكنت شاريها بكام ؟و معاك بقالها فترة قد ايه؟
اشتريت ماتريكس اوتوماتيك 2008 كان سعرها 89000 جنيه دفعت 60000 جنيه مقدم والباقي اقساط وهي معايا لحد دلوقتي يعني بقالها 5 سنين
4- صرفت كام تقريبا على العربية خلال الفترة دى؟
مش فاكر طبعا بس مش قليل عشان كنت مواظب على الصيانات ودي مكلفه غير اني ركبتلها فرش جلد بس حاجه محترمه وغاليه غير اني غيرت كبالن (للاسف عملتها في التوكيل ودفعت رقم وقدره ودي برضوا قله خبره معلش اهو الواحد بيتعلم)
5 - حاسس ان قرارك كان صح ولا غلط؟ ولماذ؟
كان صح من وجهت نظري عشان لو كنت عملت غير كده كان ممكن يتضحك عليا بسهوله جداً عشان الواحد مكانش بيفهم في العربيات خالص ساعتها
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
هو انا فعلا بفكر الفتره الجايه اجيب عربيه تانيه وبفكر في المستعمل عشان الواحد بقى بيفهم شويه والحمد لله في حواليا كذا حد ممكن يساعدوني في الكشف على العربيه قبل الشراء وواثق فيهم باذن الله
- قررت تجيب مستعمل على قد فلوسك ولا تجيب جديد وتكمل أقساط؟
قررت اجيب مستعمل
ليه اخذت الاختيار ده؟
روحت مزاد تبع المخابرات واخدت فية عربية لوط كنت اسمع ان عربياتهم حلوة ومفيهاش غش
العربية نوعها ايه؟ وموديلها؟ وكنت شاريها بكام؟ و معاك بقالها فترة قد ايه؟
رينو ميجان موديل 2000 وكنت واخدها ب 25 الف بقالها 6 شهور
صرفت كام تقريبا على العربية خلال الفترة دى؟
العربية كان جاى فيها حجات كتير اوى ناقصة ووديتها الحرفين واتصرف عليها 12 الف جنية
حاسس ان قرارك كان صح ولا غلط؟
كان غلط لان العربية كل يوم بحوار واخر حاجة البور بتاع الكباس بتاع التكيف بايظ
لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
لو كنت اعرف انها كدة كنت جبت اى حاجة مستعملة و قريب زى لانسر بومة
http://im39.gulfup.com/MWqYb.png
بالتوفيق للجميع
1- قررت تجيب مستعمل على قد فلوس ولا تجيب جديد وتكمل أقساط؟
انا جربت الاتنين الحمد لله
وحاليا اقساط
2- ليه اخذت الاختيار ده؟
علشان المستعملة كانت بنت ستين %@$%#$%# وطلعت عين اللي جابوني
3 - العربية نوعها ايه؟ وموديلها؟ وكنت شاريها بكام؟ و معاك بقالها فترة قد ايه؟
بولو 1995 .... 1300 سي سي
35000 جنيه ......... قعدت 3 شهور ههههههههههههه
4- صرفت كام تقريبا على العربية خلال الفترة دى؟
7000 جنيــــــــــــــــــــــ ــــــــــه :(
5 - حاسس ان قرارك كان صح ولا غلط؟
هو نصيب ..... والحمد لله علي كل حال ..بس مش فاكر كنت مصلي استخارة ولا لا
بس لو كنت مصلي استخارة يبقي الحمد لله طبعا
مش مصلي يبقي غلط
ولااااااااااازم الاستخارة طبعـــــــــــــــا
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
مممممممم والله ممكن اشوف مستعملة بس عالية شويه وموديل احدث مش قديم لاني فهمت الفولة بتاعتها الحمد لله
1- قررت تجيب مستعمل على قد فلوسك ولا تجيب جديد وتكمل أقساط؟
قررت اجيب مستعمل على قد فلوسى
2- ليه اخذت الاختيار ده؟
لانى مش بحب ان يكون عليا أقساط او ديون.
3 - العربية نوعها ايه؟ وموديلها؟ وكنت شاريها بكام ؟و معاك بقالها فترة قد ايه؟
تريوس 2000 انتاج 2001-45000 جنيه - بقالها معايا اربع سنوات تقريبا
3- صرفت كام تقريبا على العربية خلال الفترة دى؟
صرفت تقريبا لحد امبارح 5000 جنيه
5 - حاسس ان قرارك كان صح ولا غلط؟ ولماذ؟
شايف ان قرارى كان صح
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
نعم كنت حشتري مستعمل
الفكرة و مافيها إني استحاااااااالة افكر اشتري عربية جديدة في مصر، لسبب بسيط جداً.. العربيات غالية موووووووووووووووت !! يعني بصراحة انا استحرم ادفع في اقل عربية قسط 1000 جنية و هيا اصلاً مفيهاش حاجة !! و بعدين لو جبت عربية مثلاً أوروبي هلاقي سعرها كمان سنتين بقى في الأرض !! ده غير إن في شوارع مصر، الواحد بيبقى راكن العربية يصحى الصبح يلاقي واحد ابن تيييت واخدها بمفتاح بعرضها !! يعني صباح القهر اللي الواحد بيحسه !!
- قررت تجيب مستعمل على قد فلوسك ولا تجيب جديد وتكمل أقساط؟
قررت اجيب مستعمل على قد فلوسى
2- ليه اخذت الاختيار ده؟
ما بحبش الاقساط نهائيا
3 - العربية نوعها ايه؟ وموديلها؟ وكنت شاريها بكام ؟و معاك بقالها فترة قد ايه؟
سكودا اوكتفيا مو 2006 اتوماتيك بـــ81750 الف بقالها معايا حوالي 7 شهور
3- صرفت كام تقريبا على العربية خلال الفترة دى؟
تقريباً 6000
1000 2فاردة كاوتش
1500مصاريف صيانة اول ما جيبتها
700 تغير زيت فتيس لان الصنايعى وقع زيت الفتيس على الارض واتطريت اشترى زيت تانى
1000 مشكلة فى التكيف وما اكتشفتهاش لما اشتريت العربية
500 تغير مروحة الردياتير + تركيب قواعد لة
500 تغير فانوس امامى كان منغمش + طقم طاسات نضيف
500 مصقحة ماتور
200 كارتيرة زيت الماتور اتكسرت من مطب
5 - حاسس ان قرارك كان صح ولا غلط؟ ولماذ؟
واللهى مش عارف بس مما لا شك فىة انى صرفت كتير على العربية دى علشان انضفها وانى اتخميت فيها
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
نعم كنت حشتري مستعمل بس كنت هاشترى حاجة انضف لانى ما كنتش بفهم فى الاوكتفيا فى المرة اللى فاتت ثانيا مش هلاقى امكنيات ولا قوة الاوكتفيا دى فى العربيات الجديدة وبالسعر دة
الاقساط بتبقى خنقة و حمل جامد و عبء نفسى قبل المالى
المستعمل بيبقى على قد الفلوس الموجودة و لو حالته نضيفة مش بيصرف جامد و غير كده العربيات الزيرو بقت غالية بشكل مستفز و ساعة البيع سعرها بينزل جامد