الموضوع: ريحة عادم ني في الكورولا 2001

السلام عليكم ورحمة الله وبركاته

دلوقتى احنا شاريين العربية في شهر 8 اللى فات ( كورولا 2001 1300 اوتوماتيك 120 الف كم )
وكشفنا عليها كمبيوتر واحنا بنشتريها وكانت تمام جدا ، وكل حاجة فيها مظبوطة حتى زمن الحقن بتاع الرشاشات زي الفابريكة ، واللى اشتريناها منه قال انه لسة مغيرلها طقم سيرفس بوجيهات و زيوت وفلاتر وخلافه

بعدين لاحظت ان في ريحة عادم ني قوية جدا ، وطبعا بتبان لما بدخل الجراج بضهر العربية وخصوصا ان الجراج ضيق شوية وفي الغالب ببقى لسة بسخن العربية


بعدين حسيت ان الموضوع فعلا مبالغ فيه مش مسألة جراج ضيق او العربية باردة ( على طول بشم الريحة برة العربية حتى لو العربية سخنة وبعد مشوار طويل ) وكمان استهلاك البنزين مش هو بتاع الكورولا الـ 1300 خالص


قلت هبقى اغير بوجيهات ممكن تتظبط ، ولسة من اسبوعين غيرت البوجيهات ونفس المشكلة موجودة والراجل كشف كمبيوتر تانى ( واحد تانى غير الاولانى ) وقاللى العربية مافيهاش اي مشكلة ، وكمان جهاز قياس انبعاثات العادم مطلع برضه ارقام مثالية !

الراجل قاللى عربيتك مافيهاش اي حاجة !
وبيقوللى بلاش حد يشتغلك وتغير حساس الـ air mass او الاكسجين عشان العربية مظبوطة

دلوقتى انا مش عارف العمل ايه ، ريحة مستفزة جدا بتفكرنى بالعربيات القديمة لما تبقى مأخرة كهربا او متلتة و في نفس الوقت استهلاك بنزين زي الزفت حوالى 170 كيلو في الصفيحة جوة البلد مع العلم ان العربية 1300 وطبعا بحط بنزين 92

تفتكروا المشكلة ممكن تكون من ايه ، وهل ممكن يبقى حساس مش مظبوط وما يديش الايرور وكمان يدي قرايات مظبوطة !