حاجة غريبه حصلت

**AlGazar2** · 12-02-2013 10:39 PM

السلام عليكم

حاجة غريبه حصلت معايا - امبارح ضربت فى دماغى اطلع الساحل يومين عشان اتخنقت من جو البيت و الزيت كان تحت نص العلامه بشويه - بقيس الزيت الصبح لقيته ميجيش 2 مم على مقاس من تحت خالص - على المغرب كده قيسته تانى لقيته زاد شويه حوالى 2-3 مم كمان يا ترى الى بيحصل ده من ايه علما بان مفيش اى ترشيح زيت ولا من الفلتر ولا من غطا التاكيهات - و صوت الماتور على 110-120 عالى جدا جدا بس على 100 كويس و بعد ال 120 الصوت حلو و ممتع بس مكملتش

و متوسط السرعه بتاعتى و انا ماشى كان 100- 120

**truss** · 14-02-2013 12:29 AM

فيه كذا حاجة بيفرقوا فى مقاس الزيت,
و العربية سخنة الزيت بيحصل له تمدد فبيعلى تقريبا 1 او 2 مم على المقاس
لو لسة طافى العربية لازم تستنى شوية على ما الزيت يتجمع فى الكارتيرة
لو العربية راكنة على حتة مايلة حتى لو بسيطة هتفرق فى المقاس, لازم العربية تكون على مستوى عدل
الجرى على سرعات عالية و الحرق بيستهلكوا زيت حتى لو مفيش تسريب من الجوانات

**AlGazar2** · 14-02-2013 02:23 AM

العربيه كانت مركونه من بالليل للصبح حوالى 12 ساعه و على ارض مستويه و مكنتش بجرى اوى 100:120 و قيستها بعد 4 ساعات لقيت المقاس على حبه و ده الى انا مستغربله مش ان الزيت قل انه زاد عن القياس الاول