الموضوع: اليوم : غير بوجيهات ميجان 2 بنفسك

السلام عليكم ....
من شوية غيرت البوجيهات ولكم التفاصيل

عربيتنا البوجيه الأصلى بتاعها بيبقى واحد شمعة .... مقاس الثغرة بتاعته 0.9 عايز تعمل upgrade براحتك

طيب نركب أنواع إيه ؟

اللى يعجبك كل الشركات المحترمة بتعمل بوجيهات لميجان ... زى Denso,Ngk,bosch.Autolite,split fire

البوجيه الموصى بيه لمواصفات المصنع

من إن جى كى ...... BKR6EZ ... الثغرة 0.9 وال upgrade للعربية BKR6EIX برضه الثغرة 0.9 وال High performance والعمر الطويل lpg1 ودا ثغرته مينفعش تتعدل جاى من المصنع كدا

من بوش Bosch. الموصى به من المصنع FR 7 DC+وال upgrade هو FR 7 DP وأعلى حاجة F1-4

الموصى به من قبل المصنع بيبقى قطبه نحاسى وبيبقى شمعة واحدة

البدائل بتبقى أكتر من شمعة وبتبقى بلاتينيوم أو إريديوم فى أعلى حاجة

اللى قطبه نحاس عمره الأفتراضى أقل واحد فيهم من 30 ألف ل 40 ألف كيلو متر والمفروض يتغير

اللى إلكتروده بلاتينوم بيبقى عمره أطول يوصل ل 60 ألف كيلو

اللى ألكتروده إريديوم وبلاتينيوم أعلى حاجة وبيبقى أكتر من شمعة بيوصل ل 4 شمعات تقريبا ودا عمره الافتراضى 100 ألف كيلو بحالهم


أنا اشتريت البوجيهات ماركة بوش لكن اللى لقيته متوفر هو ال FR 7 DCX بدلا من FR 7 DC+

الفرق بينهم هو الثغرة فقط الاتنين من نوع super أبو قطب نحاس اللى أنا جبته الثغرة بتاعته 1.1 مللى

طبعا بتوع المحلات بيجيبوا حاجة واحدة تمشى ع الكل وأنت بقى تغير الثغرة براحتك أو متغيرش وتركب مش مهم برضه عندهم

الطقم دا جبته من محل مشهور بغلاء أسعاره جبته ب 55 جنيه البوجيهات دى مصنوعة فى روسيا ودا شكل العلبة بتاعتها بيبقى فيها 4 بوجيهات كل بوجيه فى علبة مقفولين كلهم


شفت محل تانى فى شارع دمشق بيبيع بوجيهات مكتوب عليها رينو بقى وشمعة واحدة وقطب نحاس والعلبة بتاع البوجيه شبه علبة فلتر الزيت فى الكتابة عليها من برا واللون الأبيض فى رصاصى

قال لى ب 140 بعد ما كنت اشتريت البوجيهات اللى معايا بس بصراحة سعرهم غالى ومعرفش كمان مين صانعهم ... متهيقلى فى التوكيل أرخص من كدا يا جماعة


نيجى بقى لضبط ثغرة البوجيه نشوف الفيديو دا الأول Small Engine Repair: How to Gap a Spark Plug - YouTube
هو شرح ضبط الثغرة ب 3 أدوات مختلفة أنا بفضل الأداة اللى استخدمها فى المرة التانية التحكم فى فتح وقفل القطب الأرضى عالى قوى ( اللى هى القرص المدور وطالع منه المقاسات من على الجنب )


أنا مكنش معايا ولا واحدة من اللى فوق دول أنا كان معايا فيلر بيقيس فقط لكن مفيهوش أمكانية تعديل البوجيه

الفيلر دا فيه كل المقاسات بيقيس فقط الهدف دلوقتى أنى من مقاس الثغرة ل 0.9 مللى بدلا من 1.1 مللى اللى جاى بيها البوجيه

طيب نضبطه أزاى ؟؟ هنمسك البوجيه بصورة عمودية ونبدأ بالدق بيه على حتة حديد مثلا أو أى جسم صلب مستوى .... بالراحة طبعا يعنى دقات خفيفة حاجة هتحسها إنت فى إيدك وبعدين تقيس لحد ما تلاقى الفيلر يادوب داخل المقاس بتاع ال 0.9 مللى بالضبط مفيش فراغ لا فوق منه ولا تحت منه عملية سهلة جدا إن شاء الله هنعمل كدا مع كل بوجيه دا فى حالة الفتحة كبيرة ( على فكرة الطريقة دى معتمدة من شركة بوش لو مش معاك الأداة مش من دماغى )

فى حاجة الفتحة ضيقة وعايزين نوسعها .... ممكن نستخدم مفك رفيع ونحاول نرفعها لكن هنا الأفضل يكون معانا الأداة بتاع التضييق والتوسيع ..... ناخد بالنا كويس إن الحاجة اللى بنوسع بيها متأثرش على السن بتاع البوجيه

نيجى بقى لتركيب البوجيهات الجديدة
يكون الموتور بارد جدا طبعا عشان عوامل التمدد والانكماش فى ظروف الحرارة المختلفة
الأدوات اللى هنستخدمها
مفتاح بيبة 10 ب 5 جنيه عشان نفك بيه الكويلات ونشيل الفيش بتاعتهم
ومفتاح بوجيهات ب 10 أو 15 جنيه زى اللى فى الصورة كدا
أوعى حد يستخدم المفتاح الزبالة دا هتلاقوه منتشر فى السوق مبيستحملش ومش هتقدر تفك بيه البوجيه ... اتكسر منى .. لفيت عندنا فى مطاى ملقتش مفاتيح بلد مقطوعة لقيت زى دا بس ولقيته ب 8 جنيه أنا اشتريته من القاهرة ب 10 جنيه ... المهم رحت لقيت حتة حديد عندى رحت لحداد ولحمته اكتشفت بعدين إنه مش طويل بما فيه الكفاية خربشت بيه غطاء الموتور وأنا بلف وكمان فلت تانى وعورنى فى إيدى ربنا ينتقم من الصينين بجد
صورة للمفتاح الزبالة :

نبدأ بسم الله ننضف حوالين الموتور بهواء أو لو نضيف مفيش مشاكل ونفك الكويلات نشيل الفيشة بتاعتها عبارة عن كلبسة ندوس عليها ونشدها لبرا وبعدين نفك المسمار ال 10 بالمفتاح البيبة ونطلع الكويلات http://www.nilemotors.net/Nile/79485-a-2.html
بعدين لو معانا Gunk يبقى تمام نرش رشة جوا عشان ننضف المكان من جوا ..... بس مكنش معايا رشيت بس wd40 وخلاص
بعدين نفك البوجيهات بالمفتاح بتاعها عكس اتجاه عقارب الساعة



طيب نطلعه إزاى فيه مفاتيح بيبقى فيها جلدة وبالفعل كان معايا جلدة لكن معرفتش أطلعه بس كان معايا مغناطيس قوى كبير طلعت من هارد ديسك كمبيوتر بايظ كسرت منه حتة وحطيته فى مفك وطلعت بيه البوجيهات
قبل ما نركب البوجيهات الجديدة نعمل حاجة مهمة

ندور العربية مارش كدا مرتين عشان البستم يطير أى حاجة فوقيه ممكن تكون وقعت وأحنا بنفك أتربة مثلا وال wd اللى أنا رشيته ..... بس أحذروا إن يقع منك حاجة صلبة بعد ما تفك البوجيه

أنا بقى عملت حاجة تانية بيقولوا إن مهندس سبعاوى كان بيعملها ... كان بيحط منظف إنجكشن فوق عين كل بستون قبل ما يركب البوجيهات أنا بقى عملت كدا مليت سرنجة 5 مللى على كل فتحة بوجيه وكبيتها فيه سبتها دقيقة ودورت مارش طير كل حاجة برا تانى
استخدمت منظف أنجكشن ليكوى مولى

بعدين ركبت البوجيهات طبعا ربطتهم بإيدى الأول لحد ما بقى صعب لف المفتاح وبعدين قرطت على البوجيه عشان أضمن تركيبه كويس خصوصا إنى مش معايا مفتاح عزم بس هى حاجة هتحسها فى إيدك






ملحوظة : عند فك البوجيهات القديمة كانت صعبة قوى فى الفك فى أول 4 لفات كدا تقريبا بعد كدا كنت بلف بس مكنتش بتلف معايا بسلاسة لحد آخر لفة

لكن لما ركبت البوجيهات الجديدة كنت بلفها بدون أى ضغط يذكر كانت سهلة جدا !!!!

جايز يكون عشان البوجيهات القديمة مع كتر الضغط وثباتها فى مكانها حجرت

عن البوجيهات القديمة :
صاحبها القديم كان مركب لها بوجيهات دينسو k20txr شمعتين

طراز (حلوة طراز دى طيارة يعنى ) .....