هو موقع جوجل هيقفل في مصر ؟؟؟؟

**Screenplays** · 13-02-2013 01:40 PM

هو احنا اللي نشرنا ام الفيلم ده و لا صديقنا يا واد يا مؤمن aka الشيخ خالد عبد الله هو اللي نشره علي قناه الناس ؟؟؟؟؟؟؟؟؟؟؟؟؟ هو الشعب المصري بيتحاسب ليه عشان غلطه زي دي ليه ؟

**ياسر مصطفي** · 13-02-2013 01:44 PM

الحكومة المصرية ستحجب جميع خدمات جوجل عن مصر في خلال أيام!

قال رئيس لجنة الصناعة بالمرفق القومي المصري لتنظيم الاتصالات، عبد الرحمن الصاوي، في مقابلة هاتفية لوكالة الأناضول للأنباء اليوم الثلاثاء، إن هناك استحالة فنية لحظر خدمات يوتيوب في مصر بدون حظر خدمات جوجل كاملة.

وأضاف رئيس لجنة الصناعة بالجهاز الحكومي "شركة جوجل تقوم بتقديم خدماتها المختلفة في مصر، عبر خوادم موحدة، وهي سيرفرات واحدة تقدم جميع الخدمات، ما يعني أن حجب خدمات يوتيوب لن تتم إلا بحجب جميع خدمات جوجل المقدمة على الشبكة.

وقضت محكمة القضاء الإداري في مصر السبت الماضي، بإلزام الحكومة باتخاذ الإجراءات اللازمة لحظر ووقف عمل موقع الفيديوهات الشهير اليوتيوب، والتابع لجوجل، في مصر لمدة شهر، على خلفية عرض الموقع لمقاطع من فيلم مسيء للنبي محمد صل الله عليه وسلم، ما أثار احتجاجات واسعة في سبتمبر/ أيلول الماضي.

كما تضمن الحكم حظر كافة المواقع الإلكترونية التي شاركت في بث الفيلم الذي أثار احتجاجات واسعة في العالمين العربي والإسلامي.

وأشار الصاوي في مقابلته الهاتفية مع الأناضول إلى أن "حكومة مصر ممثلة في الجهاز القومي لتنظيم الاتصالات شكلت لجنة فنية لبحث سبل حجب شبكة جوجل في مصر كاملة، أو محاولة البحث في اذا ما كان باستطاعتها حجب موقع يوتيوب بمفرده"، وهو ما وصفه بـ "المستحيل".

وتقدم شركة جوجل خدمات كثيرة منها محرك البحث جوجل وخدمة البريد الإلكترونية Gmail، وخرائط جوجل، وخدمة Google Docs، وخدمة التخزين السحابية Google Drive، إضافة إلى العديد من الخدمات الأخرى التي لا يستطيع أغلب المستخدمين حول العالم التخلي عنها ولو ليوم واحد.

**fepsceasar** · 13-02-2013 04:35 PM

المشاركة الأصلية كتبت بواسطة screenplays

هو احنا اللي نشرنا ام الفيلم ده و لا صديقنا يا واد يا مؤمن aka الشيخ خالد عبد الله هو اللي نشره علي قناه الناس ؟؟؟؟؟؟؟؟؟؟؟؟؟ هو الشعب المصري بيتحاسب ليه عشان غلطه زي دي ليه ؟

سوبر لايك
لما نشوف اخرتها

**marsguy** · 13-02-2013 06:29 PM

بصراحه أنا مش مقتنع إن لازم نقفل جوجل عشان نقفل يوتيوب

لو هانحجب عن طريق الـ dns يبقى مش محتاجين غير إننا نحجب إسم يوتيوب من على سيفرات الـ dns المصريه كلها. طبعاً ده سهل التغلب عليه بس مش كل الناس عندهم العلم اللازم للتغلب عليه.

لو هانحجب عن طريق النتوورك يبقى فعلاً ممكن يبقى صعب نحجب اليوتيوب بس. بس أنا متأكد إن ما حدش يقدر ياخد قرار حجب جوجل بطريقه جديه عشان ده فعلاً شئ مش منطقي وهانبقى عاملن زي الدبه اللي قتلت صاحبها عشان تهش من على وشه الدبانه.

**naser_56** · 13-02-2013 09:34 PM

هما اصلا مش بيعاقبو جوجل ولا اليوتيوب ولا هما فاكرين انه المقاطعه هتخسر جوجل كتير هما بيعاقبو الناس وعارفين كويس ان تأثير جوجل واليوتيوب اكبر من اي اعلام يقدرو يسيطرو عليه ولذلك كل همهم الاكبر السيطره علي الاعلام وحجب الانترنت بحاله حتي يستتب لهم الامن والامان وطبعا كل الموضوع دلوقتي بالون اختبار في جوجل واليوتيوب لو الموضوع سلك معاهم يبقي بدل الشهر اتنين وبدل جوجل ويوتيوب ممكن يكملو علي باقي الشله من فيسبوك وتويتر واي موقع مش علي هواهم يضاف ايضا الي القائمه

**sha2e** · 13-02-2013 09:45 PM

مش عارف ليه حاسس انها مجرد بالونه اختبار
لو نجحت والناس سكتت يعمموها على اى موقع مش عاجبهم

**Screenplays** · 13-02-2013 10:28 PM

و الله نفسي يعملوها عشان يتجابوا في شوال :)

**kimokaim** · 13-02-2013 10:51 PM

البروكسي مالي البلد وعلى قفى مين يشييييل !!!!!!

**wahba87** · 14-02-2013 01:49 AM

هو الواحد بيعمل ايه غير على جوجل !!

انا مبستخدمش office و بستخدم Google Drive و ده تقريبا عليه كل حاجة تخصنى فى حياتى !

غير طبعا GMail !!
Google maps
Google translate
GTalk
Blogger
Android play store
Google analytics
Google adsense

و غيرهم, و اخيرا

Youtube
Google search

مستحيل حاجة زى كده تحصل , دول كده بيعاقبونا احنا مش جوجل !!

**|Mostafa|** · 14-02-2013 05:14 AM

لابد من احترام احكام القضاء.

هما هيحجبوا جوجل ويوتيوب صح؟

ومن حق جوجل انها تساعد المصريين و تعمل نسخة تانية برضو من يوتيوب :)

ومن حقي ك r0xer اني اعمل موقع عالنت والناس تخش عليه وتلاقي نفسها على يوتيوب برضو عادي وميقدروش يحجبوه لانه مجرد Bridge مش بيعرض الفيديوهات المسيئة.

ومن حق اي حد انه يستخدم اي tunnel بالطريقة اللي يحبها بقاسواء بروكسي ولا vpn ولا اي encrypted network

ومن حق الشعب انه برضو وقتها يتحدوا ويعملوا اي نوع من عمليات الDDOS على مقر الحكومة المصرية اعتراضا على التخلف اللي الحكومة بتعمله دا بدل ما يستأنفو الحكم من يومها، ويورينا هشام قنديل هيقف على الزحف الإلكتروني بمساعدة انونوميس مثلا ازاي؟ :)

من حق اي حد يعمل اللي هو عايز، بس في سؤال مهم خالص، هو البهوات اللي دخلوا شافو الفيلم دول كانوا داخلين ليه؟ بجد سؤال هيفترك نفوخي....انتو كنتو داخلين تعملوا أيه عالفيلم دا وايه الفائدة الي استفدتوها؟

الموضوع: هو موقع جوجل هيقفل في مصر ؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

موقع الانتخابات المصريه على جوجل

حقائق مذهلة عن موقع جوجل

إجابات جوجل ,, خدمة جديدة من جوجل

الكلمات الدلالية لهذا الموضوع

المفضلات

المفضلات

ضوابط المشاركة