انا معايا نيسان صنى 2013 الشكل الجديد بقالها معايا حوالى 7 شهور وعامل بيها 10.000 كيلو وبقالى فترة بسمع صوت صفارة فى الفرامل اللى فيه ناس اشتكت منه برضه. وانا فى صيانة الـ 10.000 قولتلهم فى التوكيل على موضوع الصوت ده فقالوا لى بعد الكشف على العربية أنه لازم أغير تيل الفرامل، بس انا استغربت انى اغيره دلوقتى ورفضت أنى اغيره،هما طبعا خوفونى من انه ممكن يأثر على الطنابير.
فعايز استفسر منكم هو تيل الفرامل فعلا عمره قصير كده ولا هما بيقولوا كده وخلاص؟ وموضوع الصوت اللى فى الفرامل ده ليه حل غير تغيير التيل ولا ايه ؟
على العلم ان طريقى طوالى لأنى شغال فى العاشر من رمضان، يعنى استخدامى للفرامل برضه قليل مش عمال على بطال.

وانا بكره ان شاء الله رايح اوتو ايجيبت اكشف على الفرامل وحقولكم ايه الأخبار لو وصلت لحاجه؟