اول مشاركه ليا

**mgazaz** · 13-02-2013 04:46 PM

السلام عليكم ورحمة الله وبركاته

دي يا جماعه اول مشاركه ليا في المنتدي ده وبجد انا محتار عشان عايز اشتري اسبرانزا113 a عشان عجباني جدا بس بصراحه متردد وخايف تطلع مقلب يا ريت حد يفيدني بجد ,,

اخوكم مصطفي

**mgazaz** · 13-02-2013 05:13 PM

ايه الصحرا دي ?????

**mgazaz** · 13-02-2013 05:15 PM

ايه الصحرا دي ?????

**aldesha989** · 13-02-2013 05:17 PM

لو هتشتريها جديده توكل على الله

لو هتشتريها مستعمله ما انصحكش بصراحه

**mgazaz** · 13-02-2013 05:22 PM

شكرا جدا علي الرد بس ليه كده بس انا كان قدامي واحده نظيفه
بس انت كده قلقتني :(

**aldesha989** · 13-02-2013 06:41 PM

المشاركة الأصلية كتبت بواسطة mgazaz

شكرا جدا علي الرد بس ليه كده بس انا كان قدامي واحده نظيفه
بس انت كده قلقتني :(

العربيه موديلها مش قديم علشان صاحبها يلحق يزهق منها ويبيعها انا بصراحه كان قدامى واحده حالتها مش بطاله بس بفتح الكبوت لقيت ولاعه يعنى شغال ليل ونهار فيها
الباب مش بيفتح
عايزه حساسات
تمنها 34 الف

طبعآ التمن ده كان يبقى معقول لو هى لسه على السعر القديم لكن سعرها دلوقتى 58 او 60
فنصيحه منى لو عايز تشترى الاسبرانزا اشتريها جديده

انا كنت هموت عليها برضه لانها عاليه وكماليتها جميله بس ما احبش اخدها وتمرمطنى معاها

او بص على حاجه تانيه تكون حلوه زى فيات سيينا 1600 سى سى او رينو كليو 2003 او

2004

اه الرينو قطع غيارها عاليه شويه بس ثباتها اوعى وشك

والسيينا بصراحه انا ما اعرفش ثباتها عامل ازاى بس كل الناس بتشكر فيها

انا غلطت عمرى انى اتهاونت فى اللى انا عايزه لما كنت بجيب العربيه لانى كنت عايز اجيب يا دايو يا رينو يا سيينا وللاسف لبست نفسى فى مازدا 121 اه العربيه مش وحشه بس مش زى العربيات التانيه الحمد لله

صلى استخاره وحط قدامك اختيارات كتير وما تستعجلش انا استعجلت وندمت بصراحه

**abdulhafeez** · 13-02-2013 07:23 PM

113 عربية حلوة لو انت شاب لوالعربية بيركبها 2 او 3 بشكل دائم .... انما لو عيلة كبيرة اكيد مش هتنفع
العربية ثباتها حلو اوي على الطريق بالنسبة لحجمها ..... بتجري 140 عادي وثابتة كمان (( على فكرة دي حاجة ثابتة في كل اللاسبيرانزا ان ثباتها على الطريق حلو قوي مقارنة بالدايو او الفيرنا ... الاسبيرانزا حلوه اوي في الجري ما يهمكش ))
لو عايز تفحصها ممكن تروح للمتحدة هيفحصوها دهان ومكنة وعفشة وكل حاجة وكمان عندهم فكرة عن الاسعار

ممكن موديل 2008 يطلع ب 32 الف في الحدود دي
وربنا يوفقك للخير

**hemaa_82** · 13-02-2013 08:07 PM

مساكم حليب ...

انا بكلمكم من بورتو جولف في العلمين ... انا الحمد لله معايا ام 11 بس اخت زوجتي جبنالها 113 .... صحيح انا لحد مدخل العلمين كنت ماشي علي اد مشيها 120 - 140 ...
بس بعد ما دخلت العلمين فتحت بقي 190 ... و برده ما شاء الله موقفتش اكتر من 10 دقائق استناها في اخر الطريق .... كنتي ماشية كام يا ستي طلعت ماشية 160 ... و دي اول عربية تركبها كمان ....

كل الاسبيرانزا بتجري ... وكلها ثباتها اكتر من رائع بالنسبة لمثيلاتها من نفس الموديلات... و كلها فراملها الحمد لله تحفة ... و برضه صاجها احسن من نفس الفئة ...

نيجي للي ممكن ميعجبش بقي.... ناس تقولك عفشتها ناشفة ...:امال تثبت ازاي طيب؟؟؟؟"
انما كصيانات و قطع غيار ...كله دلوقت بقي موجود جديد و استيراد و ميكانيكية و ورش .... حرفيين و اميرية و معادي و منيب....

عربيتي جننتني شهر ولا شهرين و في الاخر طلع pvc valve ب 40 جنيه و 5 دقايق فك و تركيب .... انما الحمد لله جي العلمين علي 190 ...
ماشي امبارح بس اكتر من 500 كيلو ... من الحرفيين الي العلمين و بعدين داون تاون و بعدين علمين تاني ... بصراحة لو بعد كل ده حد قالي ماهي صيني ممكن اقول له لو لم اكن مصريا لوددت ان اكون صينيا.... :)

**bassemali** · 13-02-2013 08:37 PM

الأسبرانزا كلها عربيات ممتازه أحسن كمان من الدايو كماليات تحفه وثبات ممتاز وقطع غيار رخيصه وعمرها الأفتراضي هايل وسعر وإعادة بيع فوق الممتازه ... أنا مش ندمان أني أشتريتها