اقتباس المشاركة الأصلية كتبت بواسطة ashturbo مشاهدة المشاركة
الكبدة دي مش أسكندراني ياباشا دي محاولة لتشوية وتغيير معالم وتاريخ الكبدة الأسكندراني وطبعاً وجب التصحيح حفاظاً على التراث بتاعنا ودة تصحيح لما ذكر في العريضة قصدي الوصفة :

1- مفيش حبهان على الأطلاق في الكبدة الأسكندراني .
2- مفيش كزبرة في الكبدة الأسكندراني .
3- مفيش قرفة في الكبدة الأسكندراني .
4- مفيش بصل خالص عمرك شفت كبدة فيها بصل يمكن كنت تقصد الشاورما مش الكبدة .
5- مفيش جنزبيل .

سر الكبدة الأسكندراني يكمن في سهولة عملها وحلاوة طعمها شوية كبدة معاها كام فص ثوم مع فلفل أخضر حراق وتفرم الأثنين ويتحطوا على الكبدة مع شوية ماء وشوية زيت ورشة كمون وملح وفلف أسود بالكتير أوي ممكن تحط عليها حبت طماطم متقطعين قطع صغيرة وحبة فلفل رومي متقطعين قطع صغيرة وتعصر لمونة عليها وبس خلصت الحكاية .

وشكراً ليك طبعاً على مجهودك في الموضوع ويمكن يكون طعم الوصفة دي كويس ما أختلفناش بس أن يكون أسمها أسكندراني يبقى أختلفنا وتسلم أيدك يا شيف .
تصدق مخدتش بالي من الحبهان و البصل !!

إزاي الكبدة تتاكل بالبصل !!! دي تبقى طعمها وحش قوي ؟