صباحية مباركة..........يا قانون

**mohamed ismail** · 01-08-2008 12:33 PM

كل قانون مرور وانتو طيبين
النهاردة صباحية القانون الجديد
وواجب كلنا نقول له صباحية مباركة
عاوزين نعرف ايه الاخبار ياريت اي حد يحتك بالمرور اليومين دول يقول لنا ايه النظام
ويا ريت لو حد قعلا جاب شنطة الاسعافات المقررة من قبل وزارة الداخلية يقولنا جابها منين وبكام
وهل نزلت وحدات المرور ولا لسه
ومحدش ييجي لكو في لجنة ياااااااااااااااااااااااا اااااارب

**aif** · 01-08-2008 12:38 PM

انت بتبارك قرديحي كده من غير نقطه .....
كل واحد يمد ايده ب 100 جنيه لأول امين شرطة يشوفو ... عشان تبقى اصطباحه عنب
ويجعله عامر

**mohamed ismail** · 01-08-2008 12:48 PM

تصدق فاتت عليا دي
مع اني يا اخي كلي واجب وافهم في الاصول
تفتكر ممكن يعدوها لي الحكاية دي
شكر يا استاذ احمد دنا كنت هاضيع

**Akram** · 01-08-2008 12:48 PM

المشاركة الأصلية كتبت بواسطة aif

انت بتبارك قرديحي كده من غير نقطه .....
كل واحد يمد ايده ب 100 جنيه لأول امين شرطة يشوفو ... عشان تبقى اصطباحه عنب
ويجعله عامر

الف مبروك و ربنا يستر علينا ....

**mohamed ismail** · 01-08-2008 12:54 PM

اوك يا اخوننا
يعني حد شاف شنطة الوزارة دي ولا لسه
تقولش شنطة حمزة
عموما كل واحد كمان يجهز شنطة فيع غيار وبيجامة علشان الست شهور سجن

**kero25** · 01-08-2008 01:00 PM

طيب انا عايز اسال سؤال بس هو فى القانون الجديد الواحد هيدفع الغرامة وياخد العقوبة
يعنى مثلا لو ملبستش الحزام وعده 3 ايام المهلة اتحبس ولا اية انا مش فاهم دية بصراحة ياريت الى فهمها يوضحهالى

**Hossam_Hassan** · 01-08-2008 03:23 PM

كالعادة عربيات الميكروباص بتقف تنزل و تركب فى مطالع و منازل كوبرى السيدة عائشة، المعروف اصلا بكوبرى الموت، و رجال المرور واقفين كالعادة من غير ما يعملوا حاجة، واضح ان القانون اوتاره مرخرخة و مش هنسمعله حس غير على الغلابة اللى زينا اللى بيدوروا على حيطة تداريهم

**GEOLOGIST_774** · 01-08-2008 05:55 PM

قانون المرور الجديد.. بدأ ب 265 مخالفة:laugh:
ارتباك بالمواقف.. السائقون في حيرة.. والجراجات رفعت التسعيرة
بدأ منتصف الليلة الماضية تطبيق قانون المرور الجديد.. أعلنت وزارة الداخلية حالة التأهب القصوي وانتشر كبار القيادات الأمنية بالميادين والشوارع وعلي المحاور لمتابعة التنفيذ.. والتزم الضباط وأمناء الشرطة بحسن معاملة المواطنين وتوعيتهم بمواد القانون تنفيذاً لتوجيهات حبيب العادلي وزير الداخلية.
أعلن اللواء محمد منصور مدير الإدارة العامة للمرور أنه تم تحرير 265 مخالفة حتي الساعات الأولي من صباح اليوم كان معظمها لسيارات النقل الثقيل.
من ناحية أخري كانت كبري المفاجآت في عدم علم سائقي الأجرة والسرفيس بمواقف عبود وأحمد حلمي بالقانون الجديد بالإضافة إلي سائقي التاكسي مما أصابهم بالحيرة وأدي إلي حدوث ارتباك في المواقف.
في الوقت نفسه استغل أصحاب الجراجات وساحات السيارات القانون الجديد والذي تضمنت إحدي مواده تحرير مخالفة للركن في الممنوع ورفعوا سعر انتظار السيارات والمبيت والاشتراك الشهري ليكونوا أول المستفيدين من القانون!!

**tkamal** · 01-08-2008 07:08 PM

1/8/2008 5:10:00 Pm

لقى 12 شخصا مصرعهم ، وأصيب 16 آخرون فى حادث سير فى الساعات الأولى من صباح الجمعة على الطريق الصحراوى الشرقى أمام قرية شارونة بمركز مغاغة بمحافظة المنيا.

كان نائب مدير أمن المنيا اللواء عطية مزروع قد تلقى بلاغا من نقطة إسعاف زاوية الجدامى على الطريق الصحراوى الشرقى بتصادم سيارتى ميكروباص أجرة أسيوط قادمتين من القاهرة بسيارة نقل الجيزة محملة بالطوب الحجرى متجهة من محافظة المنيا إلى محافظة الجيزة.

وأفادت المعاينة الأولية للحادث أن السرعة العالية والتخطى الخاطىء ، قد تسببا فى الحادث حيث كانت سيارتا الميكروباص فى طريقهما إلى محافظة أسيوط وفوجئا بسيارة النقل أمامهما فاصطدم أحدهما بالسيارة ولم يتمكن سائق الميكروباص الثانى من السيطرة على عجلة القيادة فاصطدم بالسيارتين.

وكلف محافظ المنيا أحمد ضياءالدين السكرتير العام المساعد للمحافظة مدحت صلاح الدين ووكيل وزارة الصحة بالمنيا د.أيمن رجب بالاطمئنان على المصابين الذين تم نقلهم لمستشفيى المنيا العام والمنيا الجامعى وتسهيل نقل جثث المتوفين إلى ذويهم ، كما كلف وكيل وزارة التضامن الاجتماعى بسرعة صرف الإعانات المقررة فى هذا الشأن .

وقال وكيل وزارة الصحة بالمنيا إن مستشفى المنيا العام استقبل 8 مصابين و9 متوفين ، واستقبل مستشفى المنيا الجامعى 8 مصابين ومتوفين اثنين، واستقبل مستشفى الحميات متوف واحد..تم تحرير محضر بالحادث ، وتولت النيابة العامة التحقيق.

المصدر: وكالة انباء الشرق الاوسط

-

الموضوع: صباحية مباركة..........يا قانون

LinkBack

أدوات الموضوع

عرض

صباحية مباركة..........يا قانون - انشر الموضوع فى :

-

-

-

-

-

المواضيع المتشابهه

مباركة ل غازي اللي ماتعظش من جوازي :-)

قانون بنى ادم ............ و قانون بنى كيميا ....

مباركة لجميع اعضاء القسم

مرور مدينة نصر - فترة صباحية و مسائية

قانون بتعديل بعض أحكام قانون المرور

الكلمات الدلالية لهذا الموضوع

المفضلات

المفضلات

ضوابط المشاركة