مش عارف اللي مسعر الجهاز ده "في مصر طبعا" مسعره بناء علي ايه اصلا
انا ناوي اعمل حاجه شبيها بالموضوع ده عندي فالكروز علشان طبعا الكروز مفيهاش غير aux بس و مفيش usb او مكان للفلاشه يعني.
انا عندي ايبود تاتش 32g 3g و تقريبا مش بستخدمه
فنزلته في العربيه و جبتله حامل اللي هو بيركب في الولاعه علشان لو عايز اشحن الايبود
و وصلت الايبود بالaux عن طريق كابل و الحال ماشي و شكل الموضوع شيك بس فيه عيبين
الاولي طبعا الاسلاك و دي مش عارف احلها ازاي (بالنسبه لعربيات تانيه مش حيبقي فيه مشكله)
التانيه ان مكان الايبود مابين الفتيس و الهاند بريك لو حبيت تغير تراك -ودا بيحصل كتير بالنسبالي- بتنشغل عن الطريق شويه خصوصا لو ماشي بسرعه ممكن يبقي حاجه خطيره"كان نفس احط صور علشان تفهموني بس مش بعرف"
ففكرت في تعديل جديد
اني اجيب سماعه بلوتوث ستيريو مثلا زي nokia BH-214 مثلا او اي نوع شبيه دي مثلا سعرها في حدود 200 جنيه ودي سهل ان اغير منها التراك من غير ما انشغل عن الطريق و ممكن كمان اركبها في اي مكان يعجبني بسهوله و ممكن حتي بلزق دابل فيس
بس برضو حبقي مضطر اوصل كابل الaux لحد الهيد سيت المشكله دي حتبقي اسهل لو عربيتك فيها مكان مدخل الaux مش في نفس المكان بتاع الكروز (جوه armrest او المسند بتاع الايد) علشان كده اللي عنده مكان المدخل من قدام حيبقي الموضوع بالنسباله الطف
و بكده حتادي نفس وظيفه الجهاز ده بالاضافه انو حتغير منه تراكات و تعلي و توطي و ترد علي المكالمات كمان لو مشغل من موبايل وفي سماعات بتدعم اكتر من جهاز
و بسعر ارخص كمان او حتي لو نفس السعر حتكسب اوبشن اكتر و سهل اوي انك تلاقي الهيدسيت دي مش حتقعد تتدور مين بيبيعها وو جع القلب ده
فالسعر العادل للجهاز ده مش المفروض يعدي 120 جنيه اصلا علي الاقل من وجهه نظر خصوصا ان ليه بدايل افضل من حيث الوظيفه والسعر
المفضلات