الموضوع: محاولة تثبيت فاشلة

المشاركة الأصلية كتبت بواسطة khaled_sabry

انا بسافر كتير فى طريق الاسماعيليه الزراعى ربنا يطمنك
طيب و اخبار طريق الجيش بتاع الصعيد ؟؟

ياباشا لأ،
الكلام على طريق إسماعيلية-الصحراوى (العبور-الشروق-العاشر---- إسماعيلية)
- مع ان والله الطريق ده طول عمره تمام، والتثبيت عليه لم يظهر إلا مؤخرا؟!!
أنا عشت فترة كبيرة فـ العاشر من رمضان،

إسماعيلية الزراعى (اللى هو نزلة مسطرد.. بلبيس-العباسة.. جوا الشرقية تمام)
مشكلته فـ الحته بتاعة التل-الكبير (بعد الشرقية)!!

ونصيحة: لما تحب تركب الطريق ده.. خده من عند موقف العاشر؛ إستاد-السلام بلبيس صحراوى الكلية الجوية.. وإنزل عـ الزراعى من على كوبرى بلبيس!

بالنسبة لطريق الصعيد الشرقى/الجيش/الكريمات:
- أنا سافرت عليه كتيييييييييييييير جدا، ليل ونهار.. شخصيا -عمرى ماشوفت حاجة؟!!
إلا مرة واحدة عند البوابات اللى قبل 15-مايو/حلوان وكانت أيام الجيش-المجلس السمكرى، وبالليل

ولقيت الضباط (جيش وشرطة) بيوقفونى عند البوابات وبيسألونى: حد طلع عليك أو جرى وراك أو هددك بسلاح؟؟!!! قولتلهم لأ.
بسأل سواق.. قاللى كذا واحد بعربيات دبابة وميكروباص وملاكى.. طلعت عليهم عربيات بسلاح؟!!

- طبعا أنا بالليل ببقى طاير عـ الطريق ده: 180-190 وممكن أثبت الـ200
أعتقد صعب أوى قطاع طرق يفكروا يثبتوا عربية ماشية بالسرعة دى.. لأنها بتبان انك جاى طااااااااااااااااير؟!!

بس تفتكر البيجو الغلبانه اللى معايا تعمل حاجه مع العربيات دى - التخميس هو الحل بس المشكله ان طريق الاسماعيليه الزراعى ديق فى حتت كتير و فاصلين بين اللى رايح و اللى جاى بسور

الـ504 والـ505 بتخمس وتـdrift عادى، المهم انت تعرف تتعامل مع البدالات بنزين ودبرياج..
وتكون أساسيات العربية سليمة: عفشة وكارونة...

- إسماعيلية الزراعى: لو ركبته زى مابقولك -من بعد الكلية الجوية- أنا بأسحب فيه 150 و 170 (فـ الحارتين الضيقين دول)، بس خد بالك من كام مطب فـ مداخل البلاد؟!!

ربنا يسترها عليكو ان-شاء الله،