رجالة الأوبل .. انا بعت نوبيرتى الاتوماتيك و قبل مابدأ رحلة البحث واشترى ،عايز نصيحة من كل اللى جربوا (مش اللى سمعوا)عن الفيكترا الــ b2 الــ 1600 أوتوماتيك 2001 لـ 2003، لأنى قريت كلام كتير مابين ناس بتشكر وناس بتشتكى من عيوب فى الفتيس أوالكنترول أو التكييف ..
النوبيرا كانت حلوة فى السحب وتكييفها تلاجة وثباتها ممتاز وواسعة وحاجتها ببلاش وأى ميكانيكى بيفهم فيها ، بس الاتوماتيك فيها كان ضعيف وصاجها ضعيف بدرجة مستفزة وعفشتها ضعيفة واستهلاك البنزين فيها عالى
طبعا الاوبل معروفة بقوة الصاج والوسع الداخلى والثبات الممتاز بس سؤالى هل الموديل ده فى الأوبل هيقدر يوفر كل المميزات اللى محتاجها من قوة السحب والتكييف والعفشة وتوفير البنزين وأسعار قطع الغيار؟؟
وإيه هية العيوب الجوهرية فى الموديل ده وهل قدرتوا تلاقولها حل؟؟
وفى النهاية أسف على الإطالة وكتر الأسئلة بس هعمل ايه مليش غيركم