الى الخبراء ومحللين الحوادث ... ايه الي يخلي الكورولا دي تتخرشم بالشكل ده !!! ( صور)

**Y a r i s** · 15-02-2013 03:11 PM

الموضوع لمحللين الحوادث والناس الخبراء
والي ليهم نظرة ثاقبة وخبرة في مجال القيادة. ... ايه رئيكم.
او باعتقادك كده ايه نوعية الحادثة الي تخلي العربية بالمنظر ده

يالله بقه وفي انتظار تحليلكم الشخصي. ... ياترى اتقلبت ولا خبطت في عمود ولا سقط عليها نايزك من السما ولا كانت العربية مركونة ووقع عليها بوتجاز من البلكونة !
في انتظار تحليلاتكم وربنا يستر طريقنا وطريقكم

@@@@@@@@

وتحياتي

ملاحظة الصور منقول والموضوع لنا

**amrelsaqqa** · 15-02-2013 03:28 PM

وقع عليها حاجة تقيلة جدا من تريلا مثلا على شمالها
او حتى على يمينها والعربية فقدت توازنها وفضلت تلعب من ورا يمين وشمال وخبطت في الحاجز الخرسانى من الشمال وده سبب التلفيات في الرفرف والباب الشمال

يعنى دى حاجة وقعت عليها قسمتها نصين من فوق كدة ، او ممكن برضه اتقلبت على جنبها وخبطت في العمود وهى على جنبها الشمال من عند الازاز اللى ورا وقسمها برضه بالطريقة دى

المهم انى استبعد اي خبطة من ورا لان باب الشنطة والاكصدام سليم تماما !

بس في نفس الوقت العربية مضعونة من الجنب الشمال !!
مش عارف الصراحة !

والله اعلم طبعا

**Y a r i s** · 15-02-2013 03:35 PM

هههه قربتو. شوية
حاول مرة اخرى ... فكرو اكتر وانتوا تعرفوا ... يالله الي هيجيبها ده هيبقى خبير خبيررررر واستاذ ورئيس قسم. :). وتحياتي

**a7medsh3rawi** · 15-02-2013 03:56 PM

طالما عليها نمر السعوديه ثق تماما ان اللى راكبها ممكن يعمل اى شئ تتخيله .
واللى استنتجته ان السواق شاف موتوسيكل جنبه عامل حصان حب يقلده قامت العربيه رافعه منه جامد فانضغطت من عند اول الشنطه واخر القزاز اللى ورا وبعد كدا مالت على جنبها الشمال.
هذا والله أعلم.