استفسار عن فتيس الكرولا

**kareem_adel** · 15-02-2013 03:07 PM

يجماعة بعد اذنكو محتاج خد يفيدنى فى المشكلة دى الفتيس بتاع الكورلا 1300 2005 اوتوماتيك الطلعة الاولانية بتاعته تقيلة اوى وصوتها عالى بزبادة بحس بخشونة جدا فيها انما بعد كده اول مينقل صوته يبقا عادى جدا وتمام والعيب مش من البوجيهات ولا حاجة يعنى رحت لكذا حد قلى ده حاجة اسمها المجموعة الشمسية فى الفتيس عايزة تتغير حد عنده فكرة عن المجموعة الشمسية دى وهل الفتيس هيرجع طبيبعى ولا ايه العمل

**Y a r i s** · 15-02-2013 03:18 PM

جايز ... هو قصدو بالمجموعة الشمسية قصدو
بالكلاتشات بتاعت العربية

ودي مستهلكة عادي يعني ... ده غير التاخر في عمليات تغير زيت الفتيس
والاستخدام السيء والحرق على المتور فبتتاكل الكليتشات دي
بس انا زمان كنت بحس بيها ان العربية تقيله تقلية وتحس انها بتقعد سنة علشان تنقل من. التالت للرابع وتلاقي الار بي ام بيعلى. فهل انتا متاكد من الحكاية دي

**Y a r i s** · 15-02-2013 03:40 PM

المشاركة الأصلية كتبت بواسطة kareem_adel

اه تمام زى محضرتك بتقول بالظبط وهوا تقريبا قصده على الكلاتشات والعربية فعلا بتبقا تقيلة جدا فى النقل بين التالت والرابع دى بتتغير عادى ولا ايه ؟؟؟

اه ياباشا. لا تقلق بتتغير عادي
وبتبقى عمرة للفتيس ... وهتلاقي الاداء يتحسن يا كدة يا تجيبلك فتيس ًجديد استيراد و شوف دي بكام ودي بكام والاحسن هاتوا بس ده في حالة اذا كنت متاكد ان الموضوع موضوع كلاتشات ... انا زمان غيرت الكلاتشات في عربية كابريس وبعد ما عملت عمرة للفتيس قابلني صديق ميكانيكي يمني وقالي بدل ما كنت عملت عمرة ليه كنت رحت. اشتريتلك واحد جديد وخلصت نفسك وارد امريكا وبنفس السعر وعلى ما اتذكر الكلام ده سنة ١٩٩٧ م وكلفني ١٥٠٠ ريال
بس طبعاً في تويوتا بتبقى العملية رخيصة انشاء الله وبالتوفيق والف لابئس على العربية شدة وتزول :) وتحياتي

**Y a r i s** · 15-02-2013 04:02 PM

ياباشا انا تحت امرك بس هو اول سؤال ببلاش
اي سؤال بعد كده بيخش في شريحة تانية. ب ١٠ جنية والسؤال الثالث ب ٢٠ جنية وهكزا ههههه ا

تحت امرك يا باشا انتا قصدك على الكاسيت ده

في حته منوا شفتها امبارح في العالمية. فرع الحرفين شفتها ب ١٩٠٠ جنية روح بص عليه شوف نفس المقاس عندك ولا لأ واذا معجبكش قلي وانا هدلك على محلات تانية لان في انواع كتير ومركات كتير

ولمن تخلص موضوع الكاسيت وتلاقي حاجة مناسبة. نشوف بقه موضوع الكميرة. بتاعت المارشدير تمنها في حدود ٢٠٠ جنية بس مش عملية قوي غير انك تشوف اذا في طوبة ورى العربية او خبور حديد مغروز في الارض من المواسير الي اصحاب المحلات بيزرعوها في الاسفلت وانتا بترجع غير كده مفيش احسن من ان الواحد يلوح رقبتوا ويبص وراه. احسن وئئمن. بس اهي ميزة جميلة بتنزل في العربية وبتبقى حراكات. ... واي استفسار انا تحت امرك بس المهم نشوفك دايماً معانا هنا في قسم تويوتا بمواضيعك ومشاركاتك الجميلة ... وتحياتي