ازاى عالى و واطى !!!

**kokobom** · 15-02-2013 04:23 PM

انا معايا مازدا 3

دلوقتى انا عندى 3 درجات فى النور (اول درجه اللى هيه بتنور الطابلوه و بتنور الفوانيس واطى ) ( تانى درجه اللى هيه بتنور نور عالى) (تالت درجه اللى هيه اعلى حاجه بتاعت الرعاش)

دلوقتى انا بسمع ان اللمبات فيها عالى و واطى فى نفس اللمبه انهى درجه بقى الواطى و انهى درجه هيه العالى

عندى العدسه اللى فى الفانوس بتنور فى الدرجه رقم 2 بس و باقى الفانوس فى الدرجه 1 و 3

و كنت عايز اركب نور اقوى زى الفيليبس

السؤال دلوقتى هل اللمبات دى هتركب فى العدسه و لا الجزء التانى و هل لو جبت عالى و واطى و ركبتها فى العدسه هتشتغل درجتين و لا ايه :d:d

عايز حد يفهمنى كل التفاصيل دى معلش

**Ahmed_Adham** · 15-02-2013 05:12 PM

واللهي كنت عايز أسأل نفس السؤال وأنا عندي كارينز. ربنا يسهل بحد يفهمنا الموضوع ده.

**amrelsaqqa** · 15-02-2013 05:26 PM

اول درجة دى ما اسمهاش واطى ، دى مجرد اضاءة عادية جدا ولمبات عادية ممكن يتركب مكانها ليدات او اي حاجة

الدرجة التانية دى الواطى واخر حاجة هى العالى وده في كل العربيات

**midooo_119** · 15-02-2013 05:45 PM

كده يبقى عندك لمبتين للنور واحده عالى و واحده واطى و دول بتغيروا عادى جدا

**midooo_119** · 15-02-2013 06:20 PM

المشاركة الأصلية كتبت بواسطة kokobom

يعنى لما اجى اشترى لمبه بقى اجيب ايه !!! اقو انا عايز واحده واطى و واحده عالى و اجيب كل واحده كام واط !!!

تم الرد عالخاص

**jankiez** · 16-02-2013 09:05 AM

ده خطأ شائع عند الكثير
نور التابلوه مش اسمه الواطي
ولكن اول درجة فى نور الفوانيس اللي ممكن تخليك تشوف اسمها الواطي . وهي اسمها كدة لأن مستوى الاضائة بيكون على الأرض واطي
اما آخر درجة هي اللي اسمها العالي وبتكون اسمها كدة لأن مستوى اضائتها بيكون مرتفع لأعلى

اللمبات انواع
في لمبة واحد بول ولمبة اتنين بول
اللمبة الواحد بول ليها اشكال برضه وفيشة معينة.. واضح من كلامك ان عندك لمبتين في الفانوس علشان كدة مش هينفع تجيب لمبة اتنين بول وتركبها في العدسة الا لو لعبت في الضفيرة وقصيت الفيش الموجودة وركبت فيشة تانية بس تكون متأكد ان اللمبة الجديدة قاعدتها هتركب في العدسة وده حل مأنصحكش بيه