نقص زيت الماتور

**tikatalaat** · 16-02-2013 03:20 AM

ارجو مساعدة اهل الخبرة لاهمية الموضوع. السيارة جوليت 2003. انا لسة شاريها جديد و صاحب العربية قال انة لسة مغير زيت الماتور وبعد فترة من المشى حسيت ان صوت الماتولر على واكتشفت ان الزيت الماتور ناقص تحت علامة المنيمم. فغيرت الزيت و الفيلتر بزيت موبيل. وبعد فترة تقريبا 2000كم حسيت ان صوت الماتور عالى تانى فذهبت للمكانيكى وبعد الكشف لم يرا اى تسريب للزيت فقال لى ان زيت موبيل وحش وبيطير بسرعة قوى. وبالفعل غيرت الزيت بزيت توتال وتقريبا بعد 1500 او 2000 كم صوت الماتور ارتفع تانى وايضا الزيت ناقص لتحت العلامة. فما تفسير هذا ارجو المساعدة للاهمية الموضوع. وشكرا على الاطالة

**tikatalaat** · 16-02-2013 06:30 AM

اين المساعدة من خبراء المنتدى الموضوع مهم جدا

**tarek_2005** · 16-02-2013 09:45 AM

حالة المحرك ايه طالما مفيش تسريب يبقي المحرك مفوت ومحتاج اما طقم شنبر او عمرة لابد من التاكد جيداً من عدم التسريب وخاصة من الاماكن المخفية مثل اويسيل الكرنك الخلفي مثلاً لو تاكدت 100% مفيش تسريب قيس كبس الماكينة وشوف في دخنة من الشكمان ام لا

**a_pharaon** · 16-02-2013 11:56 AM

هى العربية عمله كام كيلو يا فندم؟

**buddha** · 16-02-2013 12:05 PM

نقص الزيت بسبب التبخير لا يسبب ابدا نقص ملحوظ حتى لو بعد 5000 كيلو
ممكن يكون جوان كرتيرة الزيت او كوباية فلتر الزيت هى دى الاماكن ال تسبب نقص ملحوظ
لو مفيش تسريب يبقى شنابر

**tikatalaat** · 16-02-2013 12:33 PM

العربية عملة 70 الف كم. طيب هل يمكن افادتى بماذا افعل الان او ما يجب فحصة بالترتيب و بظبط

**tikatalaat** · 16-02-2013 12:36 PM

وماذا اذا كان فى دخنة بيضة مع كبس البنزين و اذا كان مفيش هذة الدخنة حتى اكشف على الموضوع الدخنة دة

**buddha** · 16-02-2013 01:12 PM

العربية ماشية 70 الف فقط .... يعنى لسة المكنة جديدة
كدة اكيد انتا اخدت مطب جامد خرم كرتيرة الزيت وا لخلخ المسامير بتاعتها فسرب
ارفع العربية بالكوريك وبص تحتها على الكرتيرة هيبان على طول انها بتسرب