الموضوع: حجز مفتاح الكيت للنيسان الشكل القديم

المشاركة الأصلية كتبت بواسطة s0144862631

طيب مش المفتاح فيه ايموبلايزر هل هيتعمل على السلاح ويشتغل ازاي ؟ ولا الشريحه يتبقى في الريموت ولا ايه مش فاهم ياريت توضحلنا النقطه دي وشكرا على المجهود

النيسان الشكل القديم مش فيها ايموبلايزر .. نظام الأمان اللي فيها اسمه "نيسان سيكيوريتي" وهو نظام مش بيحط تشفير على سلاح المفتاح.

المشاركة الأصلية كتبت بواسطة s0144862631

باشا بعد اذنك عاوز اعرف نيسان صني مش فيها ايموبلايزر ولا لا يعني لازملها مفتاح مشفر ولا لا فانا مش فاهم ايه الفرق بين الايموبليزر ونظام امان نيسان ده لو عندك اي معلومه ياريت توضحهالي لو التشفير مش بيبقى في المفتاح اومال بيبقى فين في الريموت مثلا ولا ايه ؟

بص يا سيدي .. زي ما قلت لك الصني القديمة مش فيها ايموبلايزر
انما نظام الأمان اللي فيها هو ان لم بتقفلها بالريموت يتم تفعيل نظام امان يفصل طلمبة البنزين .. يعني لو قفلت العربية بالريموت وجت تفتحها بالمفتاح العربية مش هتدور الا لما تعمل unlock من الريموت
باختصار العربية مفيش تشفير على المفتاح بتاعها او على الريموت
اتمنى اني اكون افدتك

شباب الحجوزات وصلت لحد دلوقتى لعدد 8 أشخاص هما اللي دفعو الفلوس
باقي فقط عدد اتنين مفتاح ويكتمل الأوردر
للجادين فقط برجاء الاتصال على
01025738494
لتحديد ميعاد وكيفية استلام ثمن المفتاح

ملحوظة للتذكير: لن يتم استيراد المفاتيح الا بعد اكتمال الحجوزات , الحجوزات لا تتم الا بعد دفع ثمن المفتاح لضمان الجدية

لوسمحت أنا عايز مفتاحين بس ممكن علي أول الشهر أو يوم 28 المشكله معيش فلسهم دلوقتي لوتستانسي يومين بس أاقبض

المشاركة الأصلية كتبت بواسطة bishoy.girgis

النيسان صني مفيهاش ايموبلايزر زي ما وضح جانكيز

و نظام السكيورتي اللي في العربية بيكون كالتالي
اول ما تغلق العربية بالريموت بيقوم النظام بالتشغيل بعد 30 ثانية بالظبط
يعني لو حد جه هيسرق العربية و كسر الزجاج و اول ما يفتح باب العربية هتقوم تعمل كلاكسات حتي يتم فصل الكهرباء عن طرمبة البنزين و بالتالي العربية مش هتدور حتي لو بالمفتاح الاصلي الا لو تم عمل طريقة معينة مش بنبوح بيها في المنتدي علشان امان عربياتنا و ممكن تلاحظ ان مسمعناش عن سرقة نيسان صني بالكامل قبل كده
عشان كده ممكن تعمل مفتاح عادي للعربية لأن العربية مفتحها مش مشفر يعني مش موجود الفحمة اللي بتبقي في الريموت زي العربيات اللي فيها الايموبلايزر

معلش سؤال رخم شويه طيب لو كسر الازاز و مفتحش الباب و داخل من الشباك بجد متضحكش من كلامى انا بتكلم بجد علشان لو كده يبقى انتى طمنتنى.